Tujhe yaad karna seekh liya hai

[shehzadi]

dard ki lehron mein tinke sa behna seekh liya hai
bichad ke khud se tujhe yaad karna seekh liya hai

yaad e maazi se sare rangon ko chura kar hum nay
dil ke be rang panno mein rang bharna seekh liya hai

taar e khamoshi mein piro kar sare dard o ghum
khud se ab dil ki sari batein kehna seekh liya hai

gardish e douran mein aa ke tujhko bhi kho kar lekin
zindagi se haarte haarte ab mager jeetna seekh liya hai

ashkon ko gira kar dil ki zameen mein aey dost mere
muskura day ke ab to hum nay hansna seekh liya hai

woh maane na maane uss ki marzi lekin sach hai ''shehzadi''
aey muhabat hum nay uss ke dil mein rehna seekh liya hai...

[shehzadi]

Re: Tujhe yaad karna seekh liya hai

Mujhay kesey yakeen aaye
Mohabbat tum ne bhi ki hai
Tumhein jab bhi kabhi dekha
Sada khush baash hi paaya
Hamesha hunstay rehtay ho
kabhi rotay nahi paaya
kabhi ghamgeen nahi dekha
Hamesha mast rehtay ho
Mohabbat karne walon per kabhi
Massti nahi chaati..
Kabhi ronaq nahi aati
Na woh sarsabz hotay hein
Mohabbat karnay walay dil
Hamesha zard hotay hein
To phir kesay yakeen kar lon
MOHABBAT TUM NE BHI KI HAI..!!!

[shehzadi]

Re: Tujhe yaad karna seekh liya hai

udaas rahon mein ab na safar ikhtiyar karna
jo ho sake to ab na kisi ko be aeitbar karna

judayi ke lamhe to tay hein azal say to issi liye
yun bichadne par na khud ko tum be qarar karna

khwahishon ke tasalsul say kab tak bache gein
jo nahi muqadar mein to kia phir uss ka intezar karna

jo bheid dil mein chupe rahe woh ghaneimat hein
so ab kabhi kisi par na raaz e dil aashkaar karna

wafa ke sahilon par badi tughiyani rehti hay ''shehzadi''
zindagi mein issi liye tum na kisi say pyar karna..

[shehzadi]

Re: Tujhe yaad karna seekh liya hai

KOI GHAM KI INTIHA NAHI HAI
PHIR BHI JEENA SAZAA NAHI HAI

DIL AISA DUKH KA NAGAR HAI kE
JISS MEIN KOI SUKH THAHRA NAHI HAI

KAHDOON DIL KI BAAT MEIN BHI LEKIN
KHAMOSH HOON BOLNE KI FIZA NAHI HAI

DEITA HAY NAIKI KA SILLA SIRF KHUDA
KE DUNIYA MEIN ISS KI JAZA NAHI HAI

SAB KO SAMJHA,JAANA HAI MAGAR
YAHI GHAM KE KISI NE MUJHE SAMJHA NAHI HAI

KUCH ISS TARAH BUJH GAYA DIL KE AB
JEENE MEIN BHI KOI MAZA HI NAHI HAI

KIS SAY KAHOON DIL KI BATEIN MEIN ''SHEHZADI''
BHARI DUNIYA MEIN KOI MERA NAHI HAI!!!!!!!!!!!

[Masood]

Re: Tujhe yaad karna seekh liya hai

Bohat umdah Shehzadi :) Bohat achhi tarha aap apney ehsasaat ko biyaan karti hain - khush rahein :)

[WASI ANJUM]

Re: Tujhe yaad karna seekh liya hai

Bahot khoob shehzadi
hamesha ki tarah zabrdast poetry mili perhne ko

[hashambutt]

Re: Tujhe yaad karna seekh liya hai

bahot khoob very nice TFS