Merey Khiyalaat Ki Tarjumani Kaun Kare Ga?

[Masood]

Merey Khiyalaat Ki Tarjumani Kaun Karey Ga???


Aey Qalam kaash tu karta merey khiyalaat ki tarjumani
roshnaee-e-lahw-e-dil sey likh deta rudaad-e-zindagi
lab terey sey likhey alfaaz merey shikwey hotey
merey shikwon ki kahani, sun aankhon ki zubani
meri aahon key badil chhaey hain is tarha keh
merey ashkon sey chhaee hai merey dil peh tughyani
likh do keh merey halaat na'saaz hain is tarha key
duniya cheen li hai duniya walon ney dey ker hirs-e-aasmani
likhtey likhtey kyun ruk geya hai tu aey qalam?
fil hal to na kar saka tu merey khiyalaat ki tarjumani
darkaar hai gar tujh ko roshnaee to aey mehrbaan
qatra qatra khoon ka nachorr kar likh do ik tehreer lafani
tu hi btaa kya kahoon main uskey teer-e-neem kash ko
jis sayyad ko dil-e-mushtaq ney bar'ha'bar kaha jaani
tabiyat-o-zeest mein koi ham'aahangi nahin hai
dil jis sey behal jaey, kahan hai woh mehfil suhani?
tu hi btaa aey qalam jab dil udas aur lab peh fughan ho
taskeen-e-dil-o-sakoot-e-lab key liye munasib hai konsi kahani
kya kahoon Masood main us haseen rehzan ko
jo ban na saka dilbar, jo nibhaa na saka dilstaani

[SAGARKHAN]

Re: Merey Khiyalaat Ki Tarjumani Kaun Kare Ga?

wahhh masood bhaii khoobsoorat:rose

[Shaim]

Re: Merey Khiyalaat Ki Tarjumani Kaun Kare Ga?

buhaat khoobsorat!

[Aawaz]

Re: Merey Khiyalaat Ki Tarjumani Kaun Kare Ga?

:masha :phool:

[*Hala*]

Re: Merey Khiyalaat Ki Tarjumani Kaun Kare Ga?

Wah Masood ji ...... hum tu kuch nahi keh sakti... buht achaa lagaa pher kar :rose

[gazal_uzma]

Re: Merey Khiyalaat Ki Tarjumani Kaun Kare Ga?

u gave a very beautiful caption to ur creation
regards
uzma khan

[Baad-e-Saba]

Re: Merey Khiyalaat Ki Tarjumani Kaun Kare Ga?

Masood

buhat achha likhtey ho

[Ehsaas786]

Re: Merey Khiyalaat Ki Tarjumani Kaun Kare Ga?

buhut zabardasssssssst

[Nadia khan]

Re: Merey Khiyalaat Ki Tarjumani Kaun Kare Ga?

buhaat hi khoobsorat! :bou: