Tweet
ذرا بیٹھ تو مرے روبرو تجھے اشک اشک اتار لوں
ذرا بیٹھ تو مرے روبرو تجھے اشک اشک اتار لوں
ترا لفظ لفظ ہے داستاں میں غزل کو تجھ سے سنوار لوں
کسی رات میں کسی خواب میں مری زندگی مرے پاس آ
اسی رات میں اسی خواب میں میں یہ زندگی بھی گزار لوں
وہ ہی خوب تھے وہ ہی خوب تر ترے ساتھ پل جو گزر گئے
وہ ہی یاد گر مرے ساتھ ہو میں اجاڑ دل کو سنوار لوں
ترے روپ کو نہ نظر لگے ذرا بادلوں کی تو اوٹ لے
مری چاندنی میں نظر تری کبھی چاند سے بھی اتار لوں
مری یاد سے کسی شام کومرے ہم نشیں تو سجا ذرا
اسی شام میں کبھی ہوش کو میں جنوں کی حد سے گزار لوں
س ن مخمور
امر تنہائی
Comment