muHabbatoN ke diye hum jalaa'eN ge phir se

[Ismail Ajaz]

ek taazah kalaam ke saath Khayaal apne chaahne waaloN urdu ke chaahne waaloN aur PEGHAM ke chaahne waaloN kee Khidmat meN aad aab bajaa laataa hai
Arz e Khidmat hai:salam:

muHabbatoN ke diye hum jalaa'eN ge phir se
kadooratoN ko diloN se miTaa'eN ge phir se

har ek samt khilaa deN ge phool ulfat ke
haiN nafratoN ke jo kaaNTe haTaa'eN ge phir se

Khafaa Khafaa se jo tum duur ho ga'ey ho yuN
qareeb aaow gale se lagaa'eN ge phir se

tumhee se pyaar kareN ge tumhee ko chaaheN ge
hum apne dil meN tumheN hee basaa'eN ge phir se

jo waqt beet gaya usko bhool jaa'eN ge
jo waqt baaqee hai mil ke bitaa'eN ge phir se

tumhaare baare meN socheN ge tum ko hee apne
Haseen KhwaaboN meN abb hum sajaa'eN ge phir se

Khudaaraa lauT ke aajaaow zindagee ban kar
tumhaare saath hee jee kar dikhaa'eN ge phir se

"Khayaal" mil ke safar apnaa ab kareN ge hum
qadam milaa ke qadam bhee baRhaa'eN ge phir se

Ismail Ajaz Khayaal:hii:

[ahsaas]

Re: muHabbatoN ke diye hum jalaa'eN ge phir se

nice

[skz]

Re: muHabbatoN ke diye hum jalaa'eN ge phir se

wow wow very nice.

[Ismail Ajaz]

Re: muHabbatoN ke diye hum jalaa'eN ge phir se

nice

aiHsaas
aapkaa beHad shukriyah

[Ismail Ajaz]

Re: muHabbatoN ke diye hum jalaa'eN ge phir se

wow wow very nice.

skz
Khush rahiye aap kaa beHad shukriyah

[Yaaram]

Re: muHabbatoN ke diye hum jalaa'eN ge phir se

Wah, phir se naye iradoN k sath zaahir hony waly aap k yeh ahsaasaat pasand aaye, behadh mamnoon hon ke aap ne pegham per apny kalam share karny ka silsala jari rakha hua hy, Ustad ShairoN ki pegham per bohat kami hy aur yeh Pegham.com k lye aik fakhr ki baat hay ke Pegham per aap, masood aur brijinder jee jesy Nam'war aur Ustad shair mojood hain, aap sahiban ki mojodgi pegham k lye kaafi hy, please keep it up sir,

Pegham Administration

[Ismail Ajaz]

Re: muHabbatoN ke diye hum jalaa'eN ge phir se

Wah, phir se naye iradoN k sath zaahir hony waly aap k yeh ahsaasaat pasand aaye, behadh mamnoon hon ke aap ne pegham per apny kalam share karny ka silsala jari rakha hua hy, Ustad ShairoN ki pegham per bohat kami hy aur yeh Pegham.com k lye aik fakhr ki baat hay ke Pegham per aap, masood aur brijinder jee jesy Nam'war aur Ustad shair mojood hain, aap sahiban ki mojodgi pegham k lye kaafi hy, please keep it up sir,

Pegham Administration

janaab moHtaram Yaaram SaaHeb

aap kaa Husn e nazar aur zarrah nawaazee mere liye beHad qeemtee aur qaabil izzat hai ,baa'iC e aizaaj hai ,magar maiN asaatizah ke paa.oN kee dhool ke baraabar bhee naheeN hooN ,maiN tow bas laikh detaa hooN jo aap qadrdaanoN ko pasaNd aajaataa hai ,baihar Haal yeh meree izzat afzaa'ee aur hauSlah afzaa'ee hai aap kee muHabbat o inaayat ke tawassut se PEGHAM aur uske chaahne waaloN se juRaa rahooN aur apnee nigaarishaat o kaavishaat ko aap aiHbaab kee Khidmat meN pesh kartaa rahooN

Allah aap ko dunyaa o aaKhirat kee KhushiyaaN aur izzateN Ataa farmaa'ey aur iss PEGHAM aur aihl e PEGHAM KO dunyaa ke liye mish'Al e raah banaa'ey aur raihtee insaaniyat ko aap aiHbaab kee giraaNqadr kaavishaat se baihrah war famaa'ey

aap sabhee kaa beHad shukriyah
mamnoon

[life.]

Re: muHabbatoN ke diye hum jalaa'eN ge phir se

very nice sharing