" jaise taSweer lagaa de ko'ee deewaar ke saath "

[Ismail Ajaz]

ek taaZah kalaam ke saath Khayaal kaa PeGham aur uske chaahne waaloN ko aadaab
Arz Khidmat hai

naaow chaltee rahe biphre huwe maNjdhaae ke saath
mauj laRtee hai tow laRtee rahe patwaar ke saath

zindagee waqt kee tuGhyaanee se Doobe ubhre
saaNs rukne lage ummeed kee raftaar ke saath

uR rahaa hai jo tuu be Khauf saa paNchhee aazaad
daam meN aa'ey gaa Sayyaad ke , pinddaar ke saath

hosh jabb aa'ey gaa ikk roz tujhe ay SaaHeb
maantaa jaa'ey gaa har baat tuu inkaar ke saath

haiN sitamgar mire dil par tire aiHsaan bohot
zaKhm naasoor bane jaate haiN guftaar ke saath

kal talak chup kee mohr tujh peh yuN lag jaa'ey gee
" jaise taSweer lagaa de ko'ee deewaar ke saath "

jisko mil jaa'ey urooj uspeh zawaal aataa hai
waqt aa'eenah dikhaataa hai , tow kirdaar ke saath

maiN naheeN Dartaa "Khayaal" naa hee maiN ghabraataa hooN
khul ke kaih detaa hooN har baat baRe pyaar ke saath

Ismail Ajaz Khayaal

[Baniaz Khan]

Re: " jaise taSweer lagaa de ko'ee deewaar ke saath "

very nice poetry sir g, boht aala boht umda

[Sarah_Tidy]

Re: " jaise taSweer lagaa de ko'ee deewaar ke saath "

jisko mil jaa'ey urooj uspeh zawaal aataa hai
waqt aa'eenah dikhaataa hai , tow kirdaar ke saath
bahuth achay janab,

[Ismail Ajaz]

Re: " jaise taSweer lagaa de ko'ee deewaar ke saath "

very nice poetry sir g, boht aala boht umda

janaab moHtaram baniaz Khan (Bhaai)
Allah aap ko sadaa Khush rakkhe,nawaazish hai aapkee

[Ismail Ajaz]

Re: " jaise taSweer lagaa de ko'ee deewaar ke saath "

jisko mil jaa'ey urooj uspeh zawaal aataa hai
waqt aa'eenah dikhaataa hai , tow kirdaar ke saath
bahuth achay janab,

sarah
Allah aapko KhushiyaaN de baRee mehrbaanee hai aapkee ,aapkaa beHad shukriyah