aaCaar raushnee ke andheroN ke darmiyaaN

[Ismail Ajaz]

peghaam ke chaahne waaloN ko Ismail Ajaz (Khayaal) ka salaam
arz e Khidmat hai


aaCaar raushnee ke andheroN ke darmiyaaN
ummeed jagaate haiN saweroN ke darmiyaaN
toofaan saaHiloN se palaT jaa'eNge suno !
jeevan kee naaow chalne dow laihroN ke darmiyaaN

sargoshiyaaN haiN kaanoN meN aiHsaas kee zubaaN
hai maut o zeest apne hee gheroN ke darmiyaaN
aawaaz ek panchhee kee aatee hai dasht se
ulfat kee dhoop chhaa'oN hai paiRoN ke darmiyaaN

ikk azm ek HauSlah chaltaa hai saath saath
raahoN ke pech o Kham liye pheroN ke darmiyaaN
hoN ajnabee se lowg bohat jab bhee aas paas
apnoN kaa haath thaam lo GhairoN ke darmiyaaN

ulfat ke raaste peh chale jaaow tum "Khayaal"
nafrat kee jab nigaaheN hoN paihroN ke darmiyaaN

Ismail Ajaz Khayaal

[Mr.Khan]

Re: aaCaar raushnee ke andheroN ke darmiyaaN


ulfat ke raaste peh chale jaaow tum "Khayaal"
nafrat kee jab nigaaheN hoN paihroN ke darmiyaaN

Buhat umda

[Nadia khan]

Re: aaCaar raushnee ke andheroN ke darmiyaaN

bahut hi nice sharing

[Ismail Ajaz]

Re: aaCaar raushnee ke andheroN ke darmiyaaN

ulfat ke raaste peh chale jaaow tum "Khayaal"
nafrat kee jab nigaaheN hoN paihroN ke darmiyaaN

Buhat umda

iss inaayat o muHabbat ke liye dil se sipaasguzaar hooN moHtaran Khaan SaaHeb

[Ismail Ajaz]

Re: aaCaar raushnee ke andheroN ke darmiyaaN

bahut hi nice sharing

Nadia Khan

Allah aap ko Khush rakkhe

mamnoon

[*Hala*]

Re: aaCaar raushnee ke andheroN ke darmiyaaN

buht umdha aur khubsurat lekha hai... khush rahein

[Ismail Ajaz]

Re: aaCaar raushnee ke andheroN ke darmiyaaN

buht umdha aur khubsurat lekha hai... khush rahein

bohot inaayat hai aap kee

Hala Jee

khush rahiye