Khudi

[Brijinder]

Khudi

Khudi say hai wajood-e-adam
Phir issay itnaa inkaar kyuN hai
Khud jawaab bun kay chamaktaa hai yeh sawaal
Phir sadioN say ispay itnaa takraar kyuN hai

Khudi maqaam-e-ahsaas-e-inthaa
Khudi zauq-e-bedaari-e-insaaN
Khudi tamad.dun ki nighabaan
Khudi zauq-e-parwaa ka naam

Khudi ka des ik zameen-e-zarkhaiz
Khirad ka shajar aur ahsaas ka samar
Aisay gulshanoN main palee khudi ki umr

Khudi jab raushan ho aaftaab ki maaniNd
Khuda bun jaati hai
Khudi gar bhtak jayay raah-e-ilam say benoor parstish main
GunaaH bun jaati hai

Bahut naazuk-o-b_land hai raah-seerat-e-khudi
Neechay gehri aNdhairi hai ghaflat ki nadee

Pehlay uthlay paanioN par pul banaanaa
Hosh apnay ko aazmaanaa
Phir daraaoN par ja kay dohraanaa
Tub seeraat-e-khudi par aanaa

------------------------------------------
__________________

[Withoutsoul]

Re: Khudi


HMMMMM.....
TOO DEEP.....

[Brijinder]

Re: Khudi

I hope u enjoyed it n it provided a different perspective.
Brijinder"Sagar"

[Muhammad Khalil]

Re: Khudi

mashaALLAH kia yeh aap kee apni tehreer hay.?

[~irfan~]

Re: Khudi

bohat zabardast ay ji bara aacha banaya g

[Brijinder]

Re: Khudi

Thanx for the appreciation.Yes! it is written by me.
Brijinder"Sagar"