TalkhiaN-4

[Brijinder]

TalkhiaN-4

Kya tujhko sunaauN haal-e-dil apna
Kya tujhko dikhaauN apni kashmlash ka jahaaN
Tu abhi is des say nawaaqif hai meray dost
Toonay daikha hi nahi abhi koi maNzar tanhaa

Toonay piya hi nahi jo ghum-e-ishq-o-jahaaN ka sum
Tu samjhayga phir mera tarpana kya?
Toonay to guzaari hai apni umr mefiloN kay saayoN maiN
Ho kay bayparwaa ya reh kay khaufzadaa
Aur daikhee jo har charay maiN aisi hi baigairat ki jhalak
Toonay isay parakhany ki kabhi koshis hi na ki

Aaj tu aayaa hai meri duniya maiN
Aur khara hai uljha-uljha
KhwaaboN kay abr say darta darta
Ahsaas kay sooraj say sehma-sehma
Tak raha hai meri wusat-e-tanhai ko beyaqeeni say
Daikh raha hooN maiN teri aaNkhoN maiN hairat kay nishaaN

Kya tujhko sunaauN haal-e-dil apna
Kya tujhko dikhaauN apni kasmkash ka jahaaN?

-----------------------------------------
TalkhiaN- Bitterness, Sum- poison, Abr- cloud,Wusat-e-tanhai-- expanse of loniness

[thefire1]

Re: TalkhiaN-4

Tak raha hai meri wusat-e-tanhai ko beyaqeeni say
Daikh raha hooN maiN teri aaNkhoN maiN hairat kay nishaaN

Wah bohat khoob, once again it was great to read Talkhian, your Talkhian series has touched my heart so deeply that I cant describe the feelings of my heart, I must say that you have very powerful selection of selecting right word for the right emotion. Keep sharing, khush rahyeh :)

[Tanha Hassan]

Re: TalkhiaN-4

waooooooooooooooooooo

beautiful poetry speachless

[Brijinder]

Re: TalkhiaN-4

I am very thankful for the beautiful words of appreciation.
Regards
brijinder