Muhabbat

[Z.]

kuch waqt pehley mey ney yunheen aik research ki thi aur mozoo tha "muhabbat"

mukhtalif logon ki raye jaan ker mey ney kuch likha tha to aaj mey aap logon key sath share ker deyti hun
-------------------
agar
kabhi fursat miley to ghaur kerna
tumharey kareeb koi rehta hai
jo tumhein chahta hai
dil ki gehrayon sey
magar
wo khamosh hai
aur apni khamoshi ko
lafz deyna nahi jaanta
leykin
agar ho sakey
to tum hi us ki
khamoshi ko perh leyna

ussey tum sey muhabbat hai!
-------

[Z.]

Re: Muhabbat

wo kehta hai
anjaaney raaston key musaafir
manzil paaney sey pehley hi
rasta kho jatey deytey hien


wo kehta hai
zindagi roshni ka naam hai
leykin ye roshni
andheyron mey talashi jati hai


wo kehta hai
khaabon ki tabeer ko
un key tootney sey pehley
paa liya kartey hein


wo kehta hai
muhabbat ka izhaar
waqt guzarney sey pehley
ker liya kartey hein


wo kehta hai
khaab itney na deykho
key tumhari zindagi
khaabon ki nazar ho jaye


wo kehta hai
phoolon ki khusboo ko
bikharney sey pehley hi
aanchal mey bhar liya kartey hein


wo kehta hai
ab key deyr mat kerna
koi pukarey to
us ki taraf laut jana


wo samajta nahi
key mujhey us sey
muhabbat hai!

[Z.]

Re: Muhabbat

hum udaas hotey hein jab
koi apna
bohot apna
hamein
buladiyon key maqaam
tak ley jata hai
aur phir
aankh band ker key
beech raastey mey
sath chaur deyta hai
lafzon sey
phir jata hai
ta'beer honey sey pehley hi
khaab taur deyta hai

aur
rishton ko bhoola deyta hai
aaj
mujhey bhi bhool jaaney do
key mey
wapsi key safar mey hun!!!

[Z.]

Re: Muhabbat

jaaney walon ko rauka nahi kertey
apney aap sey yun naraaz raha nahi kertey

zindagi ka kya hai guzar jaye gi
andheyron ka safar kiya nahi kertey

kuch log apney bhi hotey hien
her kisi ko paraya samjha nahi kertey

raat ka kya hai dhal jaye gi
roshni sey is tarhan rukh pheyra nahi kertey

meyri zindagi ka hasil ho tum
beech safar mey yun raasta badla nahi kertey

[Masood]

Re: Muhabbat

:clap: :clap: :clap:

Mujhey yaqin nahin aa raha Behna, bilkul yaqin nahin aa raha... itna khoobsurat itna haseen aur itna faseehbiyani sey tum ney likha hai - feeling so much proud of u :clap:

Meri aankhein is waqt nam si hain - jaaney kyun :blush:

[Z.]

Re: Muhabbat

^ shukrya bro. :$

to phir mujhey kabhi kabhi apni writings pegham per share kerni chahyien ta key aap itney heyraan na hon :d

[DIL]

Re: Muhabbat

Asalaam-o-Alaikum!

Bohut khub likha hai app nay :rose Muhabat per is qadar likha gaya hai aur is qadar mukhtalif andaz main likha gaya hai kay kabhi kabhi to hum mutazabzab ka shikar ho jatey hain kay akhir 'muhabat' haqeeqatun hai kia :mm:

App ki pehli kavish ko paher ker kuch yaad a gaya, hazir-e-khidmat hai:

Hum labo'n say kah na paye hal-e-DIL kabhi
Aur woh samjhye nahi yeh khamoshi kia cheez hai

[Z.]

Re: Muhabbat

Asalaam-o-Alaikum!

Bohut khub likha hai app nay :rose Muhabat per is qadar likha gaya hai aur is qadar mukhtalif andaz main likha gaya hai kay kabhi kabhi to hum mutazabzab ka shikar ho jatey hain kay akhir 'muhabat' haqeeqatun hai kia :mm:

shukrya
aur muhabbat haqeeqatan kya hai
yahi to logon ko abhi tak samaj nahi aya issi liye to iss per bas likhtey chaley ja rahey hein :P

App ki pehli kavish ko paher ker kuch yaad a gaya, hazir-e-khidmat hai:

Hum labo'n say kah na paye hal-e-DIL kabhi

Aur woh samjhye nahi yeh khamoshi kia cheez hai

khoob..



Na may uss ko paas bula saka

Woh hansi hansi may hi chal diya
May to haath tak na mila saka

[NaQsh]

Re: Muhabbat

Bohat hee khub
thanx for sharing:)