Tayre un dil soz yadoun ka wo mudhum sa charaag

[aik_lerki]

Re: Tayre un dil soz yadoun ka wo mudhum sa charaag

Bohat khoob

[Yaaram]

Re: Tayre un dil soz yadoun ka wo mudhum sa charaag

Bohat umdah bohat achi collection hay :) keep it up and WElcome to Pegham Community :rose

[murrium]

Re: Tayre un dil soz yadoun ka wo mudhum sa charaag

tufaan ki iss ada main bhi kitna khaloos tha
sahil tuk agaya mujhey dhondetay huway

[faypal]

Re: Tayre un dil soz yadoun ka wo mudhum sa charaag

Bohat khoob

Thanks.

[faypal]

Re: Tayre un dil soz yadoun ka wo mudhum sa charaag

Bohat umdah bohat achi collection hay :) keep it up and WElcome to Pegham Community :rose

Thanks.

[faypal]

Re: Tayre un dil soz yadoun ka wo mudhum sa charaag

Khud chamun main kaat ker yeh bal-o-per jata houn main

Aandhiyahn yeh na samujh lain un se der jata houn main


Upni pulkoun per saja ker tayri yaadoun ke charaag

Dhondta rehta houn tujh ko jub bhe gher jata houn main


Lowg kehtay hain k yeh hai chand tayri chandni

Raat hoti hai to sehra main bikher jata houn main


Ber lubay sahil mujhay jub kuch nahin aata nazer

Tayri yaadoun ke samunder main utter jata houn main


Ub tumharay pas janay ki moseebut bhe gaye

Aap mayray saath hotay hain jidher jata houn main


Main houn ik jultay howay dil ki wafawoun ka dhowahn

Kyun chulli hain aandhiyahn khud hi bikher jata houn main


Aap kyun hotay hain shamil mosamay bersaat main

Jub k tayray aik aansoo se bhe bher jata houn


Bar bar aata mujh ko tayray aanay ka khayal

Khol ker jo roz upnay baam-o-der jata houn main


Dair tuk yeh sochtay rehtay hain Afzal raastay

Doob ker tayray khayaloun main kidher jata houn main

[faypal]

Re: Tayre un dil soz yadoun ka wo mudhum sa charaag

Koonjoun ke dar main likha her shaam daikh ker

Kerta houn tujh ko yaad tayra naam daikh ker


Kuch tehtiyoun ko choom ker aandhi palut gaye

In barishoun ka dusht main unjaam daikh ker


Zahid ke mohn pe likh gayeen mahsoom ungliyahn

Kafir howa houn main tayra islaam daikh ker


Main aa gaya houn aaj bhe tauba ko tor ker

Saaqi tumharay haath main ik jaam daikh ker


Paain ge mayray saath kaye aur bukhshashain

Rowoun ga rozay husher yun ulzaam daikh ker


Bemar paishay murg jub suktay main pur gaya

Nadaan mehway turb thay aaraam daikh ker


Daikhi hay aaj main ne wo sehra ki chandni

Yeh choudween ka chand lubay baam daikh ker


Nadahn kafun bhe ohr ker kabay main ghus gaay

Shahid wo bukhsh day unhain ehraam daikh ker


Afzal ko rahay ishk main her aik mor per

Rona purra hay husratay na kaam daikh ker.

[faypal]

Re: Tayre un dil soz yadoun ka wo mudhum sa charaag

Jo mer jaain to maain yaad aati hain

Wo junnut ki fazaain yaad aati hain


Main pehroun daikhta rehta houn aangun ko

Mujhay tayri duaain yaad aati hain


Na aata main to jin ko daikhti thee tu

Mujhay ub bhe wo rahain yaad aati hain


Lahud per rukh deya hay main ne dil upna

Mujhay tayri adaain yaad aati hain


Main ser ko rukh ke pather per jo rota houn

Mujhay tayri hi bahain yaad aati hain


Jo mujh ko daikh ker khushiyahn munnati theen

Mujhay tayri niggahain yaad atti hain


Jinhain tu ne kissi ke ser peh rukhna tha

Kahan hain wo radaain yaad aati hain


Jo daiti thee mujhay tu upnay aanchul se

Bahut thundi hawaain yaad aati hain


Main jub bhe behttha houn pair ke neechay

Tayri shufkut ki chaain yaad aati hain


Sunni theen jo mayray bemar hathoun ne

Tayray dil ki sadaain yaad aati hain


Mayray ghum daikh ker jo doob jaati theen

Kahan hain wo niggahain yaad aati hain


Wo jis din aap ne gher chowr jana tha

Mujhay wo serd aahain yaad aati hain


Lahud per khol ker damun jo behtha houn

Mujhay tayri ataain yaad aati hain


Khudaya bukhsh de us ko wo achchi thee

Mujhay jitni duaain yaad aati hain

[faypal]

Re: Tayre un dil soz yadoun ka wo mudhum sa charaag

Charaghoun ko jala ker hum chullain phir aaj koochay main

Yeh aansoo kyun chuppa ker hum chullain phir aaj koochay main


Mayre tishna lubby ko daikh ker janahn nay keh bhaija

Ghurra ser pay utha ker hum chullain phir aaj koochay main


Jinhain tu daikhta rehta hay pehroun behth ker younhe

Wo nukshay pa mitta ker hum chullain phir aaj koochay main


Mohubbut kay jurrum ke ibtada tukhleekay dunya hay


Kyun ser ko jhukka ker hum chullain phir aaj koochay main


Deya hay mushwara Ranjhay nay mujh ko ub gadaaye ka

Khillounay kuch bana ker hum chullain phir aaj koochay main


Sunna hay chand ubhray ga uffuk main shaam say pehlay

Naay kupray saja ker hum chullain phir aaj koochay main


Na janay kitnay urmahn so rahay hain dil main ay Afzal

Unhain bhe ub jaga ker hum chullain phir aaj koochay main

[faypal]

Re: Tayre un dil soz yadoun ka wo mudhum sa charaag

Wo upne kuj adaye kay isharay bhaij daita hay

Wo khud to aa nahin sukta sitaray bhaij daita hay


Na janay kyun bhanwer nay tham ker rukhe hay jahn mayre

Sunna tha mernay waloun ko kinnaray bhaij daita hay


Main upna dil tayre aankhoun main ja ker na dabowoun to

Rukhay tabahn mayray dil main unggaray baijh daita hay


Wo jub bhe mayre dunya say nikkulta hay khafa ho ker

Jo dil nay bohj sudyoun main uttaray bhaij daita hay


Leya jata hay mayra nam bhe ub tayre mehfil main

Koye jhooty khaber mayray bhe baray baijh daita hay


Main hub-un-nas say aagay to kuch bhe parh nahin sukta

Main rukh laita houn zahid jo sipparay bhaij daita hay


parah hay aaj bhe main nay tumhaara naam putay per

Khudda her roz mujh ko khut tumharay bhaij daita hay


Khudaya upnay hathoun main yeh lay lay karobar us ka

Main na mangoun to phir bhe ghum udharay bhaij daita hay


Chulla hay chowrnay Afzal ko tofahn aaj sahil per

Khudda kis bay busy main bhe saharay bhaij daita hay

[faypal]

Re: Tayre un dil soz yadoun ka wo mudhum sa charaag

Main pehroun behth ker phooloun bheray in upnay khaitoun main

Main ukser daikhta rehta houn in baytab rahoun ko

Keh jin per chul kay ik din tum

Leay ik phool bahoun main

Mujhay tum milnay aawo ge

Kubhe main muskaroun ga

Kubhe tum muskarwo ge

Main choo ker tayray hathoun ko utha ker phool choomoun ga

Tujhay main saath lay ker in hurray khaytoun main ghoomoun ga


Mayre jahn aissa kub ho ga?

[faypal]

Re: Tayre un dil soz yadoun ka wo mudhum sa charaag

Achay lugtay hain weranay raat ko julnay waloun ko

Dhoond he laytay hain perwanay raat ko julnay waloun ko


Doob gaya jub chand uffak main wo bhe rusta bhool gaye

Phir na aaye neend sullanay raat ko julnay waloun ko


Taiz hawaoun main bhe shub ko sara sehra roshun tha

Ranjha aaya fun sikhlanay raat ko julnay waloun ko


Kerya kerya busty busty raat ga ay tuk phirtay hain

Daita hay derya he tikkanay raat ko julnay waloun ko


Chak greeban ball bakhayray mujnoun jo kuch gata tha

Laila aa ay yad dillanay raat ko julnay waloun ko


Achay lugtay hain wo in ko lowg jo ukser miltay hain

Chory chory ker kay bahanay raat ko julnay waloun ko


Zahid peecha chowr gaya hay daikh kay upne aankhoun say

Peryan aayeen geet sunnanay raat ko julnay waloun ko


Daikha chand to soch raha houn Afzal yeh khud pagil hain

Kehtay hain jo lowg dewanay raat ko julnay waloun ko

[faypal]

Re: Tayre un dil soz yadoun ka wo mudhum sa charaag

Tayray hijr kay tuptay sehra main, mayray dil ko jub bhe payas lugge

Tayray payar ke serd hawaoun nay, mayray dil ko aa ker choom leya


Tayray hijr main mayre aankhoun ka ,mayray hontoun nay bhe sath deya

Khubhe door say tujh ko daikh leya, kubhe pas bitha ker choom leya


Mujhay raat ke is tunhaye nay , aadaab sikhaay milnay kay

Jis hath main tum nay hath deya, wo hath utha ker choom leya


Jis phool kay bosay ke khatir , yeh dil sudyoun say tarupta raha

Ik baday saba kay jhounkay nay, kantoun ko hatta ker choom leya.

[faypal]

Re: Tayre un dil soz yadoun ka wo mudhum sa charaag

Ik bergay gull houn main mirray kantay rakeeb hain

Gulcheen jalaad hay mayra jhounkay saleeb hain


Ro ro kay mangtay thay jo sehra main chandni

Wo lowg aaj chand kay kitnay kareeb hain


Aata houn tayre deed ko her sham isleay

Ay shehray khamshahn tayray bassy ghareeb hain


Manga nahin hay isleay sheshay ka gher kubhe

Puther hain jis kay haath main mayray naseeb hain


Napoun ga rahay ishk ka main aik aik inch

Ay dil tumharay howslay mayre jareeb hain


Her shaksh mujh ko ghoor kay kehta raha yeh baat

Yeh zindge kay rastay kitnay moheeb hain


Main aaj in ko chowr kay aaya tha dusht main

Phir aa ga ay hain lowt kay ghum bhe ajeeb hain


Afzal kay dil peh rukh kay yeh nishter se ungleyahn

Suktay main kyun purray howay mayray tabeeb hain

[faypal]

Re: Tayre un dil soz yadoun ka wo mudhum sa charaag

Jis chand ke khatir sooruj say mayre sarry zindgee bun na sukky,

Wo chand bhe mayre aankhoun ko raatoun kay nizzaray day na sukka.

Jis chand ke khatir dally thee yeh zindgee in tofanoun main.

Wo chand bhe biphre moujoun ko ruknay kay isharay day na sukka.

Mara sarry zindgee ghutta raha dum in kumbukht khillaoun main,

Tayre raat se kally zulfoun ko main chand sittaray day na sukka.

Ik bhutkay howay rahe ke tarrah kahin ja ker door samundroun main.

Wo khud bhe doob gaya Afzal tujh ko bhe kinnaray day na sukka.