Nazm

[Sara]

Salam qubool keejiye,

mehfil-e-pegham ke liye meri aik taza nazm pesh hai,
umeed ke pasand ayegi.

Nazm:

ZameeN per paauN heiN mere
nahiN qaabu meiN dil meraa

koi chehraa hai ankhon mein
badan meiN jiski hei khushboo

khanakti chooRiyan meri
bikharte raat ke geisoo

pashemaN narm lehje mein
sanbhaale reshmi baazu

kare jab dil ki voh baatein
fazaa per chaaye hei jaadoo

andheri raat meiN taabaaN
sitaaraoN kii taraH jugnu

gulaabi shabnami aankhein
bahaayeN rukh pah bhii aansu

zara si ek ranjhish mein
houii aabru chaahat
gayi maiN kho saraabon mein
nah chain aayaa kisi pehloo

wafaa ki reh gayi Hasrat
hua her zakhm be marham

houi daaman dareedah maiN
houaa her khwaab be maqsad

huaa jab hasrataoN ka khooN
tou Saara hougiee ghamgeeN

wafaa per Harf aane se
bahaayii khoon ke aansoo

~~~~~~~~~~~~~~~~~~

[Masood]

Re: Nazm

huaa jab hasrataoN ka khooN
tou Saara hougiee ghamgeeN

wafaa per Harf aane se
bahaayii khoon ke aansoo

Bohat khoobsurat Sara ji bohat achhi lagi aap ki yeh nazam. Wafaoun ki meeras aansu hi to hotey hain - Itni pyari nazam key share karney par bohat nawazish umeed hai keh aaindah bhi aap apna khoobsurat kalaam ley kar aati rahein gi. Khush rahiye. :)

[Safiya]

Re: Nazm

Sara ji aadaab

Vakai bohot hi khoobsoorat nazm haiy, bohot hi pasand aayii. kyaa khoob alfaaz ka intekhaab haiy aur dil choo lene waale jazbaat se bharpoor haiy aap ki ye nazm, humaari taraf se mubarakbaad kubool kareN , aur yunhi sunaati rahiye..........................

Safiya

[khurram_shaikh]

Re: Nazm

Assalaam o alekum,



waaaaaaah waaaaaah bahooot khoooob saroooo ek behud khoobsoorat aur dilkash nazm likhi aur share ki meri jaanib se dherooon DILI DAAD Qabool karo khush raho :rose :rose

[Sara]

Re: Nazm

Masood, Safiya, aur khurram,

salaam.

aapsabka tehdil se shukriya.

sara

[WOH LARKI]

Re: Nazm

Sara boht achi nazm likhi hey aap ne, yehan share karnay k liye boht shukriya.:rose

Magar koshish kijiye k aap URDU rasm ul khat mein likh kar post karein,iss se parhnay walon ki dilchaspi barqrar rahay gi aur parhnay ka maza bhi dobala ho jaye ga.:thmbup: ok, Sara?