Tweet
بڑی مدت ہوئی اب تو بہاريں جا كے نہ آئيں
ہوائے ہجر چلتی ہے خزاؤں كا يہ موسم ہے
مجھے معلوم ہے جو سامنے ديوار ہے تيرے
گلا تجھ سے كروں بھی كيوں اناؤںكا يہ موسم ہے
اكيلے بيٹھ كے سوچوں ميں كيوں تيری خطاؤں پے
خطا آدم نے بھی كی تھی خطاؤں كا يہ موسم ہے
نہيں ہے دكھ مجھے اس كا كہ تو نے بھی وفا نہ كی
جفا كا دور دورا ہے جفاؤں كا يہ موسم ہے
پڑے ہيں فرقتوں كی اس دہكتی آگ ميں كب سے
يہ ميری جان جلتی ہے وفاؤں كا يہ موسم ہے
تجھے چاہا تجھے پوجا يہی اك جرم ہے ميرا
سزا مجھ كو ملی ہے كہ سزاؤں كا يہ موسم ہے
سنا ہے دل سے نكلے جو دعا وہ عرش پر جائے
چلو ہم بھی دعا مانگيں دعاؤں كا يہ موسم ہے
نہ آؤ گے كبھی مڑ كے مجھے معلوم ہے ليكن
صدائيں پھر بھی ديں تجھ كو صداؤں كا يہ موسم ہے
Comment