Aik Ehsaas - Aik Biyaan - Aik Shi'r

[Eshaa Chaudhry]

Re: Aik Ehsaas - Aik Biyaan - Aik Shi'r

Itnay chup chap k rastay bhi rahein gay laa ilm
Chhor jaaen gay kisi roz nagar shaam k baad

[Eshaa Chaudhry]

Re: Aik Ehsaas - Aik Biyaan - Aik Shi'r

Apna kaam hai sirf muhabbat, baqi uska kaam
Jab chahey wo roothey humse, jab chahey mann jaaey

[Eshaa Chaudhry]

Re: Aik Ehsaas - Aik Biyaan - Aik Shi'r

Aik andekhey dukh ka muasam aankhoo'n ki jaageer
Anjaaney gham k do saaey Sard hawa aur RAAT
Baithay hain phir aglay mor pay dukh ki aag lieey
Meri raah mein nain Bichaaey Sard Hawa aur RAAT

[Eshaa Chaudhry]

Re: Aik Ehsaas - Aik Biyaan - Aik Shi'r

Hum se waabasta hai har daur ki tareekh-e-junooN
Hum hain har daur ko aainaa dikhaane waalay
Behr e dariya ki rawaani se shikayat kaisi
Naqsh paani pay banaatay hain bananey waalay

[Eshaa Chaudhry]

Re: Aik Ehsaas - Aik Biyaan - Aik Shi'r

Muddat k baad hazrat-e-naseh karam kiya,
Farmaaiey mizaaj-e-muqaddas kee baat cheet!
Par tark-e-ishq k liye irshaad kuchh na ho,
MaiN kya karuN nahiN ye meray bas ki baat cheet!!

[Eshaa Chaudhry]

Re: Aik Ehsaas - Aik Biyaan - Aik Shi'r

Tuu jaisay meray paas hai aur mahw-e sukhan hai
mehfil see jama deti hain aksar teri yadein

[Eshaa Chaudhry]

Re: Aik Ehsaas - Aik Biyaan - Aik Shi'r

Zindagi!! ab k mera naam na shamil karna
gar ye taay hai k yehee kheil doobara hoga....!!!

[Eshaa Chaudhry]

Re: Aik Ehsaas - Aik Biyaan - Aik Shi'r

Jab taqaazaa nieend ka ho aur tanhaaeey na ho
Uff vo kaifiyat ke ho bhii aur tanhaeey na ho

[Eshaa Chaudhry]

Re: Aik Ehsaas - Aik Biyaan - Aik Shi'r

Kuchh der tak to us se meri guftgoo rahee
Phir ye hua k wo mere lehjay mein aa gaya

[Eshaa Chaudhry]

Re: Aik Ehsaas - Aik Biyaan - Aik Shi'r

Dard-e-dil paas-e-wafa jazba-e-iimaaN honaa
Hai yahee aadmiyat aur yahee insaaN honaa

[Eshaa Chaudhry]

Re: Aik Ehsaas - Aik Biyaan - Aik Shi'r

Logo inn kay chalaknay ki ummeed na rukho
Sahib-e-zarf bhe hoti hain samandar ankhein

[Eshaa Chaudhry]

Re: Aik Ehsaas - Aik Biyaan - Aik Shi'r

Tum ko hee baree zid thee har simt ujaala ho
Daaman hee jala daala ik shamaa jalanay mein

[Eshaa Chaudhry]

Re: Aik Ehsaas - Aik Biyaan - Aik Shi'r

Kabhi luat aain to poochna nahi bas dekhna unhein ghuar se
Jinhein raastay mein khabar huey k ye raasta koi aur hay

[Eshaa Chaudhry]

Re: Aik Ehsaas - Aik Biyaan - Aik Shi'r

Mujh ko chalnay do akela hai abhi mera safar
Raasta rokaa gayaa to qaafila ho jaaonga

[Gul]

Re: Aik Ehsaas - Aik Biyaan - Aik Shi'r

Muddat k baad hazrat-e-naseh karam kiya,
Farmaaiey mizaaj-e-muqaddas kee baat cheet!
Par tark-e-ishq k liye irshaad kuchh na ho,
MaiN kya karuN nahiN ye meray bas ki baat cheet!!

Buhat khoob :)