Aik Ehsaas - Aik Biyaan - Aik Shi'r

[aik_lerki]

Re: Aik Ehsaas - Aik Biyaan - Aik Shi'r

Mujh sy alag aik apny liay gher bana'ay ga
ab wo baghair sans ky jee kr dekha'ay ga
mujh ko azyaton say sajana ha uska mashghala
naraz bhe keray gay aur manata bhe ja'ay ga

[hayaa_n]

Re: Mujhay Aik Shair Yaad Ayya

Din bhar khafa thi mujh say magar Chaand raat ko
Mehndi say maira naam likha us'nay haath par

[khurram_shaikh]

Re: Mujhay Aik Shair Yaad Ayya

Assalaam o alekum,


besabab baat ba.Dhaane kii zaruurat kyaa hai
ham Khafaa kab the manaane kii zaruurat kyaa hai

Shahid Kabir

[hayaa_n]

Re: Mujhay Aik Shair Yaad Ayya

Doosro'n kay gham say apnay gham ko wussat mil gaai
Loge pyasay hai'n yahi ehsaas dariya ban gaya

[Yaaram]

Re: Mujhay Aik Shair Yaad Ayya

woh kya hay na ke
Main ne chah is Eid pe tumhain kuch pesh karon
Jis main Ahsas ke sab rang hoN roshan roshan
Jis main AnkhoN ke churaye hue moti lakhoN
jis main shamil ho mere qalb ki dhadkan dhadkan
Sorry Haya.....main zabt nahi rakh saka poora aik qita likha dya aik sher ki bajaye dar asal mujhey yeh qita yaad aaya tha :p

[hayaa_n]

Re: Aik Ehsaas - Aik Biyaan - Aik Shi'r

Jo Aik Lafz Ki Khushbu Na Rakh Saka Maihfooz
Mai'n Us Kay Haath Mai'n Saari Kitaab Kiya Daita

[aik_lerki]

Re: Aik Ehsaas - Aik Biyaan - Aik Shi'r

Kaisay keh don vohi sach hai jisay tum keh do
hum galat bat ka iqrar nahe kertay
kabhe aao to keray umer guzishta ka azaab
hum yay soda ser - e - bazar nahe kiya kerty

[hayaa_n]

Re: Aik Ehsaas - Aik Biyaan - Aik Shi'r

Ajeeb cheez hay yeh zabt-e-josh-e-girya bhi
Kay ashk aankh main hay aur nikal nahi sakta
Rah-e-wafa main ik aisa bhi mowr aata hay
Jaha'n pohanch kay koi bhi sanbhal nahi sakta
Yeh ikhtiyaar tumhain hay kay tum badal jaao
Main kiya karu'n kay main khud ko badal nahi sakta

[hayaa_n]

Re: Aik Ehsaas - Aik Biyaan - Aik Shi'r

Lazzat-e-Sajda say maanoos to ho jau'n zara:rose :rose
Naqsh-e-paa par maira kuch dair to sir raihnay day:rose :rose

[Yaaram]

Re: Aik Ehsaas - Aik Biyaan - Aik Shi'r

Too ne samjha hi nahi meri muhabbat ka mizaj
Mian Teri soch se aage bhi to ja sakta hoN

[hayaa_n]

Re: Aik Ehsaas - Aik Biyaan - Aik Shi'r

Hay itna yaad kay uthi thi ik nazar mujh par
Phir us kay baad har ik sheh main dilkashi daikhi

[aik_lerki]

Re: Aik Ehsaas - Aik Biyaan - Aik Shi'r

Jab hum bulandio ki zameen per nikal ga'ay
jis per dhary thay pao'n vo pather phisal ga'ay
kise naqrae khayal say niklay thay gher sy hum
kis bay basi say wakt ky sanchy main dhal ga'ay

[Masood]

Re: Aik Ehsaas - Aik Biyaan - Aik Shi'r

Kabhi yeh chup mein kabhi meri baat baat mein tha
tumhara aks meri sari kainaat mein tha
ham ahl-e-ishq bohat bad'gumaan hotey hain
isi tarha ka koi wasf teri zaat mein tha

[Yaaram]

Re: Aik Ehsaas - Aik Biyaan - Aik Shi'r

Is Eid Per Bhi Mil Na Sake Tum To Kya Hua
Jazbon Main Ho Khaloos To Eidein Hazar Hain

[aik_lerki]

Re: Aik Ehsaas - Aik Biyaan - Aik Shi'r

Dil sulagta ha sard ruvayae say tery
dekh is barf nay kiya ag laga rakhe hai
jisay to hukm day mera dil vesy he dharkay
yay ghare tery isharon say mila rakhe hai