collection of Nazam (نظم)

[.]

Re: collection of Nazam (نظم)

اک بار مجھے آواز تو دے
ترے لمس کی خوشبو پہنوں گا
ترے درد کو ہار بناؤں گا
اک بار مجھے آواز تو دے
میں صدیوں پار سے آؤں گا
ابھی کاغذ پر میں لکھتا ہوں
بے صَوت ھے میرا شہرِ سخن
جب دھڑکن لفظ میں گونجے گی
میں تب شاعر کہلاؤں گا _____!!

[.]

Re: collection of Nazam (نظم)

سفر سے لوٹ آیا ہوں
مگر اب کے
اگرچہ شہر میرا ہے
وہی رستے ، وہی گلیاں ، وہی مانوس چہرے ہیں
سبھی چہرے سبھی آنکھیں شناسا ہیں
سبھی ہونٹوں پہ اب تک ایک جیسی مسکراہٹ ہے
وہی شامیں .. انہی شاموں میں صبحوں کی
وہی مانوس آہٹ ہے
وہی کچے مکاں جن کے مکیں میری محبت کا اثاثہ ہیں
وہی افلاس کی کچلی ہوئی سڑکیں
کہ جن میں بارشوں کے چند چھینٹے گر برس جایئں
تو ہفتوں دھوپ کی حدت وہاں ٹھہرے ہوۓ پانی میں
صبح و شام کرتی ہے
( وہیں آرام کرتی ہے )
اگرچہ شہر میرا ہے
مگر میں اجنبی آنکھیں لئے
ہر سمت آوارہ فضا میں ڈھونڈتا ہوں
بے سبب اک آشنا چہرہ
شناسا لب ، میرے ہمراہ شب بھر بولتی آنکھیں
وہ آنکھیں جن کی ساری گفتگو
اب کے سفر میں چھوڑ آیا ہوں
وہ ساری گفتگو جس کے سبھی حرفوں کے شیشے
رہگرز میں توڑ آیا ہوں
وہ آنکھیں چھوڑ آیا ہوں
مگر ان میں بھری نیندیں میری نس نس میں ہنستی ہیں
مجھے واپس بلاتی ہیں
کہ لوٹ آؤ ....
تمھارے بعد اس بستی کی رونق
بے چراغاں ہے
اگرچہ شہر میرا ہے
مگر اب کے تو
جیسے میرے چہرے پر تمہاری بولتی آنکھوں کی حیرانی
مجھے رکنے نہی دے گی
مجھے خود اپنی مدت کے شناسا ، دلنشیں چہرے
اچانک چھوڑنا ہوں گے
تمھارے ساتھہ
پیماں جوڑنے کی سرسری ساعت سے ملنے تک
خود اپنے آپ سے جاناں
روابط توڑنے ہوں گے
اگرچہ شہر میرا ہے ..........؟؟

[.]

Re: collection of Nazam (نظم)

ﺍﺏ ﺳﻤﺠﮫ ﻣﯿﮟ ﺁﺗﺎ ﮨﮯ
ﭘﯿﺎﺭ ﮐﯽ ﮐﮩﺎﻧﯽ ﻣﯿﮟ
ﮐﺲ ﺟﮕﮧ ﭨﮭﮩﺮﻧﺎ ﺗﮭﺎ؟
ﮐﺲ ﺳﮯ ﺑﺎﺕ ﮐﺮﻧﺎ ﺗﮭﯽ؟
ﮐﺲ ﮐﮯ ﺳﺎﺗﮫ ﭼﻠﻨﺎ ﺗﮭﺎ؟
ﮐﻮﻥ ﺳﮯ ﻭﮦ ﻭﻋﺪﮮ ﺗﮭﮯ
ﺟﻦ ﭘﮧ ﺟﺎﻥ ﺩﯾﻨﺎ ﺗﮭﯽ؟
ﮐﺲ ﺟﮕﮧ ﺑﮑﮭﺮﻧﺎ ﺗﮭﺎ؟
ﮐﺲ ﺟﮕﮧ ﻣﮑﺮﻧﺎ ﺗﮭﺎ؟
ﮐﺲ ﻧﮯ ﺍﺱ ﮐﮩﺎﻧﯽ ﻣﯿﮟ
ﮐﺘﻨﯽ ﺩﻭﺭ ﭼﻠﻨﺎ ﺗﮭﺎ؟
ﮐﺲ ﻧﮯ ﭼﮍﮬﺘﮯ ﺳﻮﺭﺝ ﮐﮯ
ﺳﺎﺗﮫ ﺳﺎﺗﮫ ﮈﮬﻠﻨﺎ ﺗﮭﺎ؟
ﺍﺏ ﺳﻤﺠﮫ ﻣﯿﮟ ﺁﺗﺎ ﮨﮯ
ﺍُﺱ ﻧﮯ ﺟﻮ ﮐﮩﺎ ﺗﮭﺎ ﺳﺐ
ﮨﻢ ﻧﮯ ﺟﻮ ﺳﻨﺎ ﺗﮭﺎ ﺗﺐ
* ﮐﺲ * ﻃﺮﺡ ﮨﻠﮯ ﺗﮭﮯ ﻟﺐ
ﮐﺲ ﻃﺮﺡ ﮐﭩﯽ ﺗﮭﯽ ﺷﺐ
ﮨﻢ ﻧﮯ ﺍﻥ ﺳﻨﯽ ﮐﺮ ﺩﯼ
ﺑﺎﺕ ﺟﻮ ﺿﺮﻭﺭﯼ ﺗﮭﯽ
ﮐﺲ ﻗﺪﺭﻣﮑﻤﻞ ﺍﻭﺭ
ﮐﺲ ﻗﺪﺭ ﺍﺩﮬﻮﺭﯼ ﺗﮭﯽ
ﻭﮦ ﺟﻮ ﺍﮎ ﺍﺷﺎﺭﮦ ﺗﮭﺎ
ﺫﮐﺮ ﺟﻮ ﮨﻤﺎﺭﺍ ﺗﮭﺎ
ﻭﮦ ﺟﻮ ﺍﮎ ﮐﻨﺎﯾﮧ ﺗﮭﺎ
ﺟﻮ ﺳﻤﺠﮫ ﻧﮧ ﺁﯾﺎ ﺗﮭﺎ
ﺍﺏ ﺳﻤﺠﮫ ﻣﯿﮟ ﺁﺗﺎ ﮨﮯ
ﺟﺎﻥ ﮐﮯ ﮨﯽ ﺩﺷﻤﻦ ﺗﮭﮯ
ﺟﺎﻥ ﺳﮯ ﺟﻮ ﭘﯿﺎﺭﮮ ﺗﮭﮯ
ﮨﻢ ﺟﮩﺎﮞ ﭘﮧ ﺟﯿﺘﮯ ﺗﮭﮯ
ﺍﺻﻞ ﻣﯿﮟ ﺗﻮ ﮨﺎﺭﮮ ﺗﮭﮯ
ﺭﺍﮦ ﺟﺲ ﮐﻮ ﺳﻤﺠﮭﮯ ﮨﻢ
ﺭﺍﺳﺘﮧ ﻧﮩﯿﮟ ﺗﮭﺎ ﻭﮦ
ﻭﺍﺳﻄﮧ ﺩﯾﺎ ﺟﺲ ﮐﻮ
ﻭﺍﺳﻄﮧ ﻧﮩﯿﮟ ﺗﮭﺎ ﻭﮦ
ﮐﺲ ﻧﮯ ﺭﺩ ﮐﯿﺎ ﮨﻢ ﮐﻮ؟
ﮐﺲ ﻧﮯ ﮐﯿﻮﮞ ﺑﻼﯾﺎ ﺗﮭﺎ؟
ﺟﺲ ﮐﻮ ﺍﺗﻨﺎ ﺳﻤﺠﮭﮯ ﮨﻢ
ﮐﯿﻮﮞ ﺳﻤﺠﮫ ﻧﮧ ﺁﯾﺎ ﺗﮭﺎ؟
ﺍﺏ ﺳﻤﺠﮫ ﻣﯿﮟ ﺁﺗﺎ ﮨﮯ
ﺍﺏ ﺳﻤﺠﮫ ﻣﯿﮟ ﺁﯾﺎ ﺟﺐ
ﺯﻧﺪﮔﯽ ﺍﮐﺎﺭﺕ ﮨﮯ
ﺩﯾﺮ ﺳﮯ ﺳﻤﺠﮫ ﺁﺋﯽ
ﺍﯾﺴﯽ ﺍﮎ ﺑﺠﮭﺎﺭﺕ ﮨﮯ
ﺯﻧﺪﮔﯽ ﮐﮯ ﺑﮭﯿﺪﻭﮞ ﮐﻮ
ﮨﻢ ﻧﮯ ﺍﺏ ﺳﻤﺠﮭﻨﺎ ﺗﮭﺎ
ﺗﺐ ﺳﻤﺠﮫ ﺑﮭﯽ ﺁﺗﯽ ﺗﻮ
ﮨﻢ ﻧﮯ ﮐﺐ ﺳﻤﺠﮭﻨﺎ ﺗﮭﺎ
ﺁﻧﮑﮫ ﺟﺐ ﭘﮕﮭﻞ ﺟﺎﺋﮯ
ﺍﻭﺭ ﺷﺎﻡ ﮈﮬﻞ ﺟﺎﺋﮯ
ﺯﻧﺪﮔﯽ ﮐﯽ ﻣﭩﮭﯽ ﺳﮯ
ﺭﯾﺖ ﺟﺐ ﻧﮑﻞ ﺟﺎﺋﮯ
ﺑﮭﯿﺪ ﺍﭘﻨﮯ ﺟﯿﻮﻥ ﮐﺎ
ﺗﺐ ﺳﻤﺠﮫ ﻣﯿﮟ ﺁﺗﺎ ﮨﮯ
ﺳﺐ ﺳﻤﺠﮫ ﻣﯿﮟ ﺁﺗﺎ ﮨﮯ

[.]

Re: collection of Nazam (نظم)

کسے خبر تهی
وه جان هستی
وه دل کا مھرم
کچھ اس طرح بے'رخی کرے گا
کے سانس لیتی هر اک گھڑی
دل کی دنیا اجاڑ دے گی
سلگتے سینے میں دل کی دهڑکن
هر ایک لمھۂ بنے گی مشکل
تمام عالم کی یے اداسی
میرے نصیبوں میں گهر کرے گی
کسے خبر تهی ..

[Areeba]

Re: collection of Nazam (نظم)

Buhat hi Alaaa Nazam collection hai...

[.]

Re: collection of Nazam (نظم)

مدعا کچھ نہیں فقیروں کا
درد ھے لا دوا فقیروں کا
اور تو کچھ نہیں صدا بابا
ھو بھلا کر بھلا فقیروں کا
اپنی تنہائیوں پہ ہنستے ہیں
کون ہے آشنا فقیروں کا
منزلوں کی خبر خدا جانے
عشق ہے رہنما فقیروں کا
ایک مدت سے خالی خالی ہے
کاسئہ التجا فقیروں کا
میکدے کی حدود میں ہوں گے
کیا بتائیں پتہ فقیروں کا
زلف جاناں کی نگہتیں ساغر
بن گئیں آسرا فقیروں کا
شاعر
ساغر صدیقی

[.]

Re: collection of Nazam (نظم)

دن ٹھہر جائے ، مگر رات کٹے
کوئی صورت ہو کہ برسات کٹے
خوشبوئیں مجھ کو قلم کرتی گئیں
شاخ در شاخ مرے ہات کٹے
موجۂ گُل ہے کہ تلوار کوئی
درمیاں سے ہی مناجات کٹے
حرف کیوں اپنے گنوائیں جا کر
بات سے پہلے جہاں بات کٹے
چاند! آ مِل کے منائیں یہ شب
آج کی رات ترے سات کٹے
پُورے انسانوں میں گُھس آئے ہیں
سر کٹے ، جسم کٹے ، ذات کٹے

[.]

Re: collection of Nazam (نظم)

ورثہ

بیٹیاں بھی تو ماؤں جیسی ہوتی ہیں
ضبطِ کے زرد آنچل میں اپنے
سارے درد چُھپا لیتی ہیں
روتے روتے ہنس پڑتی ہیں
ہنستے ہنستے دل ہی دل ہی رو لیتی ہیں
خوشی کی خواہش کرتے کرتے
خواب اور خاک میں اَٹ جاتی ہیں
سو حصّوں میں بٹ جاتی ہیں
گھر کے دروازے پر بیٹھی
اُمیدوں کے ریشم بنتے ….ساری عُمر گنوا دیتی ہیں
میں جو گئے دنوں میں
ماں کی خوش فہمی پہ ہنس دیتی تھی
اب خود بھی تو
عُمر کی گرتی دیواروں سے ٹیک لگائے
فصل خوشی کی بوتی ہوں
اور خوش فہمی کا ٹ رہی ہوں
جانے کیسی رسم ہے یہ بھی
ماں کیوں بیٹی کو ورثے میں
اپنا مقدّر دے دیتی ہے

[.]

Re: collection of Nazam (نظم)

ﮨﻤﺎﺭﮮ ﮨﺎﺗﮫ ﺧﺎﻟﯽ ﮨﯿﮟ
ﻣﻘﺪﺭ ﺳﮯ ﺍُﻟﺠﮭﺘﯽ ﺍَﻥ ﮔِﻨﺖ ﺍِﻥ ﻣﯿﮟ ﻟﮑِﯿﺮﯾﮟ ﮨﯿﮟ
ﻟﮑِﯿﺮﻭﮞ ﻣﯿﮟ ﮐﮩﺎﻧﯽ ﮨﮯ
ﮨﻤﺎﺭﯼ ﺯﻧﺪﮔﺎﻧﯽ ﮨﮯ
ﻣﮕﺮ ﭘِﮭﺮ ﺑﮭﯽ ﯾﮧ ﻟﮕﺘﺎ ﮨﮯ، ﮨﻤﺎﺭﮮ ﮨﺎﺗﮫ ﺧﺎﻟﯽ ﮨﯿﮟ
ﮐﮩﯿﮟ ﻣﺎﺿﯽ ﻧﻤﺎﯾﺎﮞ ﮨﮯ، ﮐﮩﯿﮟ ﺍَﺳﺒﺎﺏ ﺩِﮐﮭﺘﮯ ﮨﯿﮟ
ﺟﻮ ﮨﻢ ﺍﺏ ﺟﮭﯿﻠﺘﮯ ﮨﯿﮟ ﻭﮦ ﺳﺒﮭﯽ ﺣﺎﻻﺕ ﺩِﮐﮭﺘﮯ ﮨﯿﮟ
ﺟﻮ ﭘَﻞ ﺍﺏ ﺗﮏ ﻧﮩﯿﮟ ﺁﺋﮯ، ﻭﮦ ﺳﺐ ﺍِﻥ ﻣﯿﮟ ﺳﻤﺎﺋﮯ ﮨﯿﮟ
ﻣﮕﺮ ﺳﺐ ﮐﭽﮫ ﭘﻮﺷﯿﺪﮦ ﮨﮯ، ﺳﺒﮭﯽ ﺍَﺩﻭﺍﺭ ﻣﺒﮩﻢ ﮨﯿﮟ
ﮨﻤﺎﺭﮮ ﺁﻧﮯ ﻭﺍﻟﮯ ﭘَﻞ، ﮨﻤﺎﺭﮮ ﮨﺎﺗﮫ ﻣﯿﮟ ﮔُﻢ ﮨﯿﮟ
ﻣﮕﺮ ﭘﮭﺮ ﺑﮭﯽ ﯾﮧ ﻟﮕﺘﺎ ﮨﮯ ﮨﻤﺎﺭﮮ ﮨﺎﺗﮫ ﺧﺎﻟﯽ ﮨﯿﮟ
ﻣﯿﮟ ﭘﮩﺮﻭﮞ ﺍﭘﻨﮯ ﮨﺎﺗﮭﻮﮞ ﮐﯽ ﻟﮑﯿﺮﯾﮟ ﺗﮑﺘﯽ ﺭﮨﺘﯽ ﮨﻮﮞ
ﻣﮕﺮ ﺍﭘﻨﯽ ﮨﺘﮭﯿﻠﯽ ﭘﮧ ﻧﮩﯿﮟ ﺩِﮐﮭﺘﯽ ﻣُﺠﮭﮯ ﮨﺮﮔﺰ
ﻭﮦ ﺍِﮎ ﺳﺎﻋﺖ ﺟﻮ ﺧﺰﺍﮞ ﺭُﺕ ﮐﻮ ﺑﮩﺎﺭﻭﮞ ﻣﯿﮟ ﺑﺪﻟﺘﯽ ﮨﻮ
ﻭﮦ ﺍِﮎ ﻟﻤﺤﮧ ﺟﻮ ﺻﺪﯾﻮﮞ ﮐﯽ ﺗﮭﮑﻦ ﮐﻮ ﻣﺎﺕ ﺩﮮ ﺟﺎﺋﮯ
ﻭﮦ ﺍِﮎ ﺭَﺳﺘﮧ ﺟﻮ ﭘَﻞ ﺑﮭﺮ ﻣﯿﮟ ﻣﻨﺰﻝ ﮐﻮ ﭘﮩﻨﭻ ﺟﺎﺋﮯ
ﻣﯿﺮﯼ ﺗﮑﻤﯿﻞ ﮐﺮ ﺟﺎﺋﮯ
ﻣﯿﮟ ﭘﮩﺮﻭﮞ ﺗﮑﺘﯽ ﺭﮨﺘﯽ ﮨﻮﮞ، ﺍُﻟﺠﮭﺘﯽ ﺍِﻥ ﻟﮑﯿﺮﻭﮞ ﮐﻮ
ﻣﮕﺮ ﺍﺏ ﺗﮏ ﻧﮩﯿﮟ ﻣِﻠﺘﯽ
ﻭﮦ ﺍِﮎ ﺳﺎﻋﺖ ﮐﮧ ﺟﺲ ﭘﮧ ﻭﺻﻞ ﮐﺎ ﭘﯿﻐﺎﻡ ﻟِﮑﮭﺎ ﮨﻮ
ﻭﮦ ﺍِﮎ ﺭﯾﮑﮭﺎ ﺟﺲ ﭘﮧ ﺗﯿﺮﺍ ﻣﯿﺮﺍ ﻧﺎﻡ ﻟِﮑﮭﺎ ﮨﻮ

[.]

Re: collection of Nazam (نظم)

کیا تُم بھی
شام کی دهلیز په
آس کا دیپ جلاتے هو ؟
کیا تُم بھی
درد چھپانے کی کوشش کرتے
اکثر تھک سے جاتے هو ؟

[.]

Re: collection of Nazam (نظم)

اسے کہنا
مکمل کچھ نہیں ہوتا
ملن بھی نامکمل ہے
جدائی بھی ادھوری ہے
یہاں اک موت پوری ہے
اسے کہنا
اداسی جب رگوں میں خون کی مانند اترتی ہے
بہت نقصان کرتی ہے
اسے کہنا
بساط عشق پرجب مات ہوتی ہے
دکھوں کے شہر میں جب رات ہوتی ہے
مکمل بس خدا کی ذات ہوتی ہے۔

[.]

Re: collection of Nazam (نظم)

تمہیں کس نے کہا تھا ؟
ایک انجانے سفر میں
اجنبی رہرو کے ہمرہ دور تک جاؤ
اور اتنی دور تک جاؤ!
کہ وہ رستہ بدل جائے!!

[.]

Re: collection of Nazam (نظم)

میں تم سے صاف کہتا ہوں
مجهے تم سے نہیں الفت
فقط لفظی محبت ہے..
میں تم پہ مر نہیں سکتا...
میں پیشہ ور فریبی ہوں
محبت کر نہیں سکتا..

[.]

Re: collection of Nazam (نظم)

اُسے کہنا۔۔۔۔۔
تھک سا گیا ہوں۔۔۔۔۔۔
خود کو ثابت کرتے کرتے۔۔۔
میرے طریقے غلط هو سکتے ہیں۔۔۔۔
مگر۔۔۔۔۔۔۔۔۔۔۔۔۔
میرے اِرادے نہیں۔۔۔۔۔!!

[.]

Re: collection of Nazam (نظم)

جاگتے جاگتے تھک جاؤ تو ،
ایسا کرنا
آدھی راتیں مجھ کو دینا
تم کو پورے خواب ملیں گے
تم کیا جانو
درد حدوں کو چھو آئے تو
آنکھ میں آنسو جم جاتے ھیں
تم چاھو تو
ایسا کرنا
درد کی شدت میں سہ لوں گی
درد کا حاصل تم رکھ لینا
تم کیا جانو
ذات ادھوری ھو جائے تو
رشتہ آدھا رہ جاتا ھے
آدھارشتہ مجھ کو دے کر
پوری ہستی لے سکتے ھو ۔ ۔ ۔
کیا سودا ھے!
تم کیا جانو
آدھا رستہ کھو جائے تو
منزل یاس دیا کرتی ھے
تم چاھو تو
ایسا کرنا
آدھا رستہ میں رکھ لوں گی
پوری منزل تم لے لینا۔
لیکن جب تم تھک جاؤ تو......!!