Tweet
تقیّہ
سو اب یہ شرط حیات ٹہری
کہ شہر کے سب نجیب افراد
اپنے اپنےلہو کی حرمت سے منحرف ہوکے جینا سیکھیں
وہ سب عقیدے کہ ان گھرانوں میں
ان کی آنکھوں کی رنگتوں کی طرح تسلسل سے چل رہے تھے
سنا ہے باطل قرار پائے
وہ سب وفاداریاں کہ جن پہ لہو کے وعدے حلف ہوئے تھے
وہ آج سے مصلحت کی گھڑیاں شمار ہوں گی
بدن کی وابستگی کا کیا ذکر
روح کے عہدنامے تک فسخ مانے جائیں
خموشی و مصلحت پسندی میں خیریت ہے
مگر مرے شہر منحرف میں
ابھی کچھ ایسے غیور و صادق بقید جاں ہیں
کہ حرفِ انکار جن کی قیمت نہیں بنا ہے
انھیں گرفتار کرنے بھیجے
تو ساتھ میں ایک ایک کا شجرہء نسب بھی روانہ کرنا
اور ان کے ہمراہ سرد پتھّر میں چْننے دینا
کہ آج سے جب
ہزارہا سال بعد ہم بھی
کسی زمانے کے ٹیکسلا یا ہڑپّہ بن کر تلاشے جائیں
تو اس زمانے کے لوگ
ہم کو
کہیں بہت کم نسب نہ سمجھیں
پروین شاکر
[MENTION=18675]pink rose[/MENTION]
سو اب یہ شرط حیات ٹہری
کہ شہر کے سب نجیب افراد
اپنے اپنےلہو کی حرمت سے منحرف ہوکے جینا سیکھیں
وہ سب عقیدے کہ ان گھرانوں میں
ان کی آنکھوں کی رنگتوں کی طرح تسلسل سے چل رہے تھے
سنا ہے باطل قرار پائے
وہ سب وفاداریاں کہ جن پہ لہو کے وعدے حلف ہوئے تھے
وہ آج سے مصلحت کی گھڑیاں شمار ہوں گی
بدن کی وابستگی کا کیا ذکر
روح کے عہدنامے تک فسخ مانے جائیں
خموشی و مصلحت پسندی میں خیریت ہے
مگر مرے شہر منحرف میں
ابھی کچھ ایسے غیور و صادق بقید جاں ہیں
کہ حرفِ انکار جن کی قیمت نہیں بنا ہے
انھیں گرفتار کرنے بھیجے
تو ساتھ میں ایک ایک کا شجرہء نسب بھی روانہ کرنا
اور ان کے ہمراہ سرد پتھّر میں چْننے دینا
کہ آج سے جب
ہزارہا سال بعد ہم بھی
کسی زمانے کے ٹیکسلا یا ہڑپّہ بن کر تلاشے جائیں
تو اس زمانے کے لوگ
ہم کو
کہیں بہت کم نسب نہ سمجھیں
پروین شاکر
[MENTION=18675]pink rose[/MENTION]
Comment