Tweet
نظم بھوکا بنگال کے چار بند
ندی نالے گلی ڈگر لاشوں کے انبار
جان کیا یسی مہنگی شے کا اُلٹ گیا بیوپار
مٹھی بھر چاول سے بڑھ کر سستا ہے یہ مال رے ساتھی سستا ہے یہ مال
بھوکا ہے بنگال رے ساتھی بھوکا ہے بنگال
کوٹھریوں میں گانجے بیٹھے بنئے سارا اناج
سندر ناری بھوک کی ماری بیچے گھر گھر لاج
چوپٹ نگری کون سنبھالے چاروں طرف بھونچال ہے ساتھی چاروں طرف بھونچال
بھوکا ہے بنگال رے ساتھی بھوکا ہے بنگال
پرکھوں نے گھر بار لٹایا چھوڑ کے سب کا ساتھ
مائیں روئیں بلک بلک کر بچے بھئے اناتھ
سدا سہاگن بدھوا باجے کھولے سر کے بال رے ساتھی کھولے سر کے بال
بھوکا ہے بنگال رے ساتھی بھوکا ہے بنگال
اتی پتی چبا چبا کر جوجھ رہا ہے دیس
موت نے کتنے گھونگھٹ مارے بدلے سو سو بھیس
کلا بگٹ پھیلاے رہا ہے بیماری کا جال رے ساتھی بیماری کا جال
بھوکا ہے بنگال رے ساتھی بھوکا ہے بنگال
وامق جونپوری
Comment