Tweet
yaadaoN ke dareeche se jab dil meiN wo aataa hei
houtaa hei mukhaaTib aur yooN poochtaa jaataa hei
kyaa tum vohi shayer hou kyaa tum vohi Nazir hou
jou dasht o bayhaabaaN ke mazloom musaafir hou
jou route rulaate thay aur ashk bahaate thayh
jou hanste hansaate thay aur shour machaate thay
kyaa Haal tumhaaraa hei aayienah zaraa dekho
jou bujh gaiee rou roukar wo shamA jalaa dekho
maiN souchtaa rehtaa hooN kis TarH se lab khoulooN
roodaad-e-gham-e-hasti boulooN keh nahiN boulooN
Soorat nahiN koiee bhii uljhan se rihaayi kii
SeHraa meiN sazaa kam hei kyaa aabilah paayhi kii
Comment