sirf sad poetry

[life.]

Re: sirf sad poetry

یہ شیشے یہ سپنے یہ رشتے یہ دھاگے
کسے کیا خبر ہے کہاں ٹوٹ جائیں
محبت کے دریا میں تنکے وفا کے
نہ جانے یہ کس موڑ پہ ڈوب جائیں
عجب دل کی بستی عجب دل کی وادی
ہر اِک موڑ موسم نئی خواہشوں کا
لگائے ہیں ہم نے بھی سپنوں کے پودے
مگر کیا بھروسہ یہاں بارشوں کا
مرادوں کی منزل کے سپنوں میں کھوئے
محبت کی راہوں پہ ہم چل پڑے تھے
ذرا دور چل کے جو آنکھیں کھلیں تو
کڑی دھوپ میں ہم اکیلے کھڑے تھے
جنہیں دل سے چاہا جنہیں دل سے پوجا
نظر آ رہے ہیں وہی اجنبی سے
روایت ہے شاید یہ صدیوں پرانی
شکایت نہیں ہے کوئی زندگی سے

[life.]

Re: sirf sad poetry

دونوں منظر

دونوں منظر ہیں بیقراری کے
کہیں جگنو، کہیں شرار کوئی
وہ نظر جگنوؤں کی خُوگر تھی
اس نے جانی ہی کب شرر کی بساط
اس سے کہنا، شرر میں جگنو سی
تابِ ضبط و قرار ہوتی نہیں
وہ تو منظر ہی ایک پل کا ہے
کوئی دیکھے تو ہے
نہیں ، تو نہیں

[life.]

Re: sirf sad poetry

خواہشوں کی تتلیاں
آرزو کے پھول پر
اڑ رہی تھیں ہر طرف
خوشبو کے ایک حصار میں
خواب سی حسین تھیں
خیال سی رنگین تھیں
کومل ان کے پنکھ تھے
کسی کے ہاتھ میں کیا آگئیں
جان سے گزر گئیں
کچھ انگلیوں پہ رنگ تھے
بے جان سے وجود کے
خواہشوں کی تتلیاں
حسرتوں میں ڈھل گئیں
کیا وہ بہت حسین ہے
جو تیرے دل کو بھا گئی؟
نازک سی میں اک بیل تھی
کیوں آسرا نہ پا سکی؟
خشک ریتلی زمین پر
پھیل کر مرجھا گئی
راہ رو میرے ساتھ کے
سب منزلوں کو پا گئے
میں ہی کیوں تھی بے وقعت
جو راستوں میں رل گئی
میرے بھی کچھ خواب تھے
بن گئے سراب کیوں؟
معصوم سی خواہشیں
یوں جرم ہو گئی ہیں کیوں؟

[life.]

Re: sirf sad poetry

کوئی آس کہیں رہ جاتی ہے

کوئی پیاس کہیں رہ جاتی ہے
کوئی لاکھ سمندر پی جائے
کوئی لاکھ ستارے چُھو آئے
کوئی پیاس کہیں رہ جاتی ہے
کوئی آس کہیں رہ جاتی ہے
کوئی زیست کا ساغر بھرتا ہے
کوئی پِھر خالی ہو جاتا ہے
کوئی لمحے بھر کو آتا ہے
کوئی پل بھر میں کھو جاتا ہے
کوئی پیاس کہیں رہ جاتی ہے
کوئی آس کہیں رہ جاتی ہے

[life.]

Re: sirf sad poetry


تنہا ہیں راستے

تنہا ہیں راستے
تنہا ہیں منزلیں
یہ جو فاصلوں کا سِلسلہ ہے
مِٹتا ہی نہیں
اب تیری جدائی کا غم نہیں
تیرے ملنے کی طلب بھی نہیں
پر اِک دل ہے
جس کو سکوں ملتا ہی نہیں
پاؤں ہیں چھلنی، اندھیرا ہے رستہ
جو مجھے روشنی دِکھا سکے
فلک پہ وہ ستارہ دِکھتا ہی نہیں
اب تو محسوس ہوتا ہے ایسا
بھنور مِیں ہوں اور دریا ہے چڑھا ہوا
اور کشتی کو کنارہ ملتا ہی نہیں
نہ جانے کب سے چل رہا ہوں
خود کو خود سے جدا کر رہا ہوں
پر جدائیوں کا سفر ہے کہ کٹتا ہی نہیں.

[life.]

Re: sirf sad poetry


کچھ کہو

کچھ تو کہو
کوئی تیز سی بات
کوئی خنجر سا لہجہ
میرے نام کردو
کوئی ٹُوٹا ہوا تارا
کوئی سُوکھا ہوا پُھول
بھجوا دو مجھے
کوئی جُھوٹا آنسو
کوئی بودا جذبہ
کہ یارو! کئی دن بِیتے
کئی راتیں گزریں
مجھے کچھ نہ ملا
میں خالی بہت ہوں
بہت تنہا ہوں

[life.]

Re: sirf sad poetry


جب کبھی تم اداس ہونا

اداس کرنا
اداس ہونا
نہ دور رہنا
نہ پاس ہونا
وہ آہٹوں کا سنائی دينا
اور مجھ کو تيرا قياس ہونا
اچھا لگتا ہے تجھ سے ملنا
مجھ کو تيرا احساس ہونا
ميں آنکھوں آنکھوں ميں سب کہوں گا
تم کچھ اشارہ شناس ہونا
ميری ہی يادوں سے باتيں کرنا
جب کبھی تم اداس ہونا

[life.]

Re: sirf sad poetry


یاد جب آپ کی نہیں ہوتی
زندگی، زندگی نہیں ہوتی

آپ سے حال کیا کہیں اپنا
خود سے جب بات ہی نہیں ہوتی

جو نہ منسوب تیرے نام سے ہو
آگہی، آگہی نہیں ہوتی

یاد آتی ہے چھیڑ جاتی ہے
درد میں کچھ کمی نہیں ہوتی

جان کر کیوں بنے ہو انجانے
بے سبب خامشی نہیں ہوتی

ایک دنیا اُدھر، اِدھر میں ہوں
کم میری بیکسی نہیں ہوتی

کون بتلائے، کیسے بتلائے
کیوں خوشی سے خوشی نہیں ہوتی

ہوش کی کچھ تو لیجئے سرور
خوب یہ بے خودی نہیں ہوتی

[life.]

Re: sirf sad poetry


برکھا برسی آنگن اﹸتری اک البیلی شام
ایسی شام کے آتے ہی یاد آئے تیرا نام

کتنے پیارے پون جھروکے کتنے پیارے گیت
ان گیتوں کے سنتے ہی یاد آئے من کا میت

ساون کی پر کیف ہوائیں جب جب رنگ ﹸلٹائیں
ایسے میں کچھ بیتی باتیں یاد مجھے آجائیں

پچھلی رﹸت اور اس رت کا ہے یوں تو ایک مزاج
پچھلے ساون پاس تھا کوئی دور ہے لیکن آج

سنا ہے وقت بدل جاتا ہے بھر جاتے ہیں گھاو
شاہد اگلے ساون میں تم اتنا یاد نہ آو

[life.]

Re: sirf sad poetry


گزر رہے ہیں شب و روز تم نہیں آتیں
ریاضِ زیست ہے آزردۂ بہار ابھی
مرے خیال کی دنیا ہے سوگوار ابھی
جو حسرتیں ترے غم کی کفیل ہیں پیاری
ابھی تلک مری تنہائیوں میں بستی ہیں
طویل راتیں ابھی تک طویل ہیں پیاری
اداس آنکھوں تری دید کوترستی ہیں

بہارِ حسن ، پہ پابندئ جفا کب تک؟
یہ آزمائشِ صبرِ گریز پا کب تک؟

قسم تمہاری بہت غم اٹھا چکا ہوں میں
غلط تھا دعوئ صبرو شکیب، آجاؤ
قرارِ خاطرِ بیتاب، تھک گیا ہوں میں

[life.]

Re: sirf sad poetry


آج کی رات سازِ درد نہ چھیڑ
دکھ سے بھر پور دن تمام ہوئے
اور کل کی خبر کسے معلوم
دوش و فردا کی مٹ چکی ہیں حدود
ہو نہ ہو اب سحر، کسے معلوم؟
زندگی ہیچ! لیکن آج کی رات
ایزدیت ہے ممکن آج کی رات
آج کی رات سازِ درد نہ چھیڑ

اب نہ دہرا فسانہ ہائے الم
اپنی قسمت پہ سوگوار نہ ہو
فکرِ فردا اتار دے دل سے
عمر رفتہ پہ اشکبار نہ ہو
عہدِ غم کی حکایتیں مت پوچھ
ہو چکیں سب شکایتیں مت پوچھ
آج کی رات سازِ درد نہ چھیڑ

[life.]

Re: sirf sad poetry


پھر کوئی آیا دلِ زار! نہیں کوئی نہیں
راہرو ہوگا، کہیں اور چلا جائے گا
ڈھل چکی رات، بکھرنے لگا تاروں کا غبار
لڑکھڑانے لگے ایوانوں میں خوابیدہ چراغ
سوگئی راستہ تک تک کے ہر اک راہگزار
اجنبی خاک نے دھندلا دیے قدموں کے سراغ
گل کرو شمعیں، بڑھا دو مے و مینا و ایاغ
اپنے بے خواب کواڑوں کو مقفل کر لو
اب یہاں کوئی نہیں، کوئی نہیں آئے گا

[life.]

Re: sirf sad poetry


یادوں کی راکھ





میرا کل، میرا ماضی ہے
اس ماضی کی کچھ یادیں ہیں
اس ماضی کی تحریریں ہیں
اور ڈھیر سی تصویریں ہیں
یہ ماضی مجھے جینے نہیں دیتا
کچھ آگے چلنے نہیں دیتا
اسی لئے میں سوچتا ہوں
کیوں نہ ان یادوں کا آج
ڈھیر لگا کر
تحریریں، تصوریں جلا کر
اور ان کی پھر راکھ بنا کر
کھڑکی کھول کے، تیز ہوا میں
راکھ یہ آج، اُڑا دیتا ہوں
دل سے تجھے بُھلا دیتا ہوں

[life.]

Re: sirf sad poetry

کچھ کہو

کچھ تو کہو
کوئی تیز سی بات
کوئی خنجر سا لہجہ
میرے نام کردو
کوئی ٹُوٹا ہوا تارا
کوئی سُوکھا ہوا پُھول
بھجوا دو مجھے
کوئی جُھوٹا آنسو
کوئی بودا جذبہ
کہ یارو! کئی دن بِیتے
کئی راتیں گزریں
مجھے کچھ نہ ملا
میں خالی بہت ہوں
بہت تنہا ہوں.

[life.]

Re: sirf sad poetry


کئی طرح کے پھول تھے
رنگ و بو کے خواب سے
بہت ہی جلد کِھل کے وہ
بہت ہی جلد مِٹ گئے
مگر اُسی بہار میں
بہت ہی دیر سے کِھلا
وہ پھول اک گلاب کا
جو دیر تک کِھلا رہا