sirf نعتِ محمدؐ

[life.]

yeh thread mera life activity kay leye hai

نعتِ محمدؐ

آ جائے بلاوہ مجھے آقا تیرے در سے
جس در کی غلامی کو تو جبریل بھی ترسے

پیدل ہی نکلتے ہیں ، مسافت کا نہیں خوف
تھکتے ہی نہیں ہم تو مدینے کے سفر سے

سنت پہ تیری چلنے کا آ جائے قرینہ
یہ ابر کرم کاش میری دشت پہ برسے

ذرا بھی لگے گوہر و الماس سے بڑھ کر
دیکھے تو کوئی خاک ارب میری نظر سے

ایک میں ہی نہیں طالب جلوہ میرے آقا !
ہر ایک مسلمان تیرے دید کو ترسے

ناموس محمد کے لیے جان بھی دوں گا
ہو جاؤں گا واقف میں شہادت کے ہنر سے

دنیا کے فقط چند ہی لمحات تھے گزرے
ہو آئے پیامبر میری صدیوں کے سفر سے

جو شام و سحر صل اعلی کہتا رہے گا
آئے گا بلاوہ اسے آقا کے نگر سے

کچھ خوف نہیں مجھ کو کڑی دھوپ کا امجد
سایہ مجھے ملتا ہے رسالت کے شجر سے . . . !

امجد اسلام امجد

[life.]

Re: sirf نعتِ محمدؐ

یا محمدؐ نورِ مجسم یا حبیبی یا مولائی
تصویرِ کمال محبت تنویرِ جمالِ خدائی

تیرا وصف بیاں ہو کس سے تیری کون کرے گا بڑائی
اس گردِ سفر میں گم ہے جبریلِ امیں کی رسائی

اے مظہرِ شانِ جمالی اے خواجہ وبندہ ءِ عالی
مجھے حشر میں کام آجائے میرا ذوقِ سخن آرائی

مااجملک تیری صورت مااحسنک تیری سیرت
مااکملک تیری عظمت تیری ذات میں گم ہے خدائی





یہ رنگِ بہارِ گلشن یہ گل اور گل کا جوبن
تیرے نورِقدم کا دھوون اس دھوون کی رعنائی

تیری ایک نظر کے طالب تیرے ایک سخن پر قرباں
یہ سب تیرے دیوانے یہ سب تیرے شیدائی

تو رئیسِ روز شفاعت تو امیرِ لطف و عنایت
ہے ادیبؔ کو تجھ سے نسبت یہ غلام ہے تو آقائی

[life.]

Re: sirf نعتِ محمدؐ

نعت


وہ اک مانوس خوشبو
جو روزانہ مجھے بیدار کرتی ہے
برائے زندگی
ہر صبح جو تیار کرتی ہے
وہ نقشِ پا
جو کرتے ہیں تعین میرے رستے کا
میں جن کی رہبری میں
راستہ در راستہ
چلتا ہوں صبح و شام
بھٹکنے کا نہ کوئی ڈر، نہ گم ہو جانے کا دھڑکا
یہ میرا وسوسہ نا آشنا دل
بے دھڑک کہتا ہے مجھ سے
ادھر آؤ کہ اس رستے میں
تا حدِّ نظر وہ روشنی ہے
جسے خورشید حیرت سے تکا کرتا ہے سارا دن
تمازت دوپہر کی
اس طرف آنے سے ڈرتی ہے
یہ وادی وہ ہے جس کی رہ گزر پر
جلا کرتی ہیں نقشِ پاکی شمعیں
مسافر کوئی بھی اس راہ پر تنہا نہیں ہوتا
مسلسل ایک آہٹ
ساتھ چلتی رہتی ہے اس کے
مسلسل ایک خوشبو رہ نمائی کرتی ہے اس کی
وہ نقشِ پا، وہ آہٹ اور وہ خوشبو
کہ جس کی رہ نمائی میرے پیکر کو میسر ہے
مرے آقا محمد مصطفی کی ہے

[life.]

Re: sirf نعتِ محمدؐ

وما ارسلنک الا رحمۃ اللعالمین

نعتِ رسولِ مقبول ﷺ





قلم کو اِذن ملے بابِ کبریائی سے
تو حرفِ نعت لکھوں دل کی روشنائی سے
درود، آسرا بن جاتا ہے دعا کے لیے
وگرنہ جان لرزتی ہے لب کشائی سے
بلند سر ہے یہ امّت، تمام امتّوں میں
ترےؐ وجودِ مقدس کی آشنائی سے
مرے رسولؐ! یہ امّت ہے زخم زخم تمام
عطا ہو اس کو شفا، لطفِ انتہائی سے
ہو ان پہ رحم کہ جو آنسوؤں میں ڈوب گئے
جبیں جھکاتے ہوئے فرطِ بے ریائی سے
توجہ ان پہ، جو گویا ہیں دھیمے لہجے میں
جو پچھلی صف میں ہیں احساسِ کم نمائی سے
قبول ان کی وفا بھی ہو یا رسول اللہؐ
پہنچ نہ پائے جو در پر شکستہ پائی سے
حضورؐ! اُن کے دِلوں کو گداز بخشا جائے
جو سنگ بستہ ہوئے زعمِ پارسائی سے
حضورؐ! ایک کرم کی نظر ان آئینوں پر
شکستہ ہیں جو زمانے کی بے وفائی سے
حضورؐ! جن کے گھروں میں چراغ جلتے نہیں
انہیں عطا ہو کرن، نُور کی خدائی سے
حضورؐ! اب ہوئے خاشاک و خس، دل و جاں بھی
جگائیے اِنہیں اِک موجِ کہربائی سے
ہمارے چاروں طرف جھوٹ موجیں مارتا ہے
حضورؐ! اور بپھرتا ہے حق نوائی سے
ہے دل پہ بارِ غمِ زندگی، اور اتنا ہے
حضورؐ! ہٹتا نہیں ہے غزل سرائی سے
زمانہ اور زمان و مکاں نہیں مطلوب
حضورؐ! ایک ہی پَل،عرصۂ حِرائی سے
بس ایک خوابِ سحریاب، اس شبِ غم میں
حضورؐ! ہم کو ملے قسمت آزمائی سے
بس ایک راہِ تمنّا، حصارِ دنیا میں
حضورؐ! دل کی طرف، دل کی رہنمائی سے
بس اب تو نعت کہیں اور ٹوٹ کر روئیں
ملے گی راحتِ جاں، درد کی کمائی سے

[life.]

Re: sirf نعتِ محمدؐ

سلام اے آمنہ کے لال تجھے سلام
شب و روز ماہ و سال تجھے سلام
ہیں درود و سلام کی صدائے ہر طرف
اے نور مجسم اے رخ جمال تجھے سلام





عاشق سبھی آ گئے ہیں دیوانے بن کر
شمع رسالت کے پروانے بن کر
نہ مٹے گا نام ان کا حرف قرآں ہے
گو مٹ چکے سبھی آشیانے بن کر

رحمت برس رہی ہے آج کے دن
عید میلاد النبی ہے آج کے دن
جس نے بگاڑا ہے اس رخ جمال کو
لعنت خدا پڑ رہی ہے اس پہ آج کے دن

[life.]

Re: sirf نعتِ محمدؐ

نعتیہ نظم
زمیں کے نشاں تک محمد محمد
حدِ آسماں تک محمد محمد

میں اُن کا پتہ دوں کہاں سے کہاں تک
یہاں سے وہاں تک محمد محمد


کبھی چاند تاروں میں چرچے ہیں اُن کے
کبھی پھول کلیوں میں نغمے ہیں اُن کے

اُدھر ہیں بیاباں میں اُن کے فسانے
اِدھر گلستاں تک محمد محمد


کہاں وہ کہاں ہم یہ سوغات کیا ہے
کہیں نعت اُن کی مگر ساتھ کیا ہے

ہماری تمہاری تو اوقات کیا ہے
خدا کی زباں تک محمد محمد


ثمر اپنے جسموں کو کیوں ڈھانپتے ہیں
یہ پتے بکھر تے ہوئے کانپتے ہیں

انہیں کیا پتہ پیڑ کیوں ہانپتے ہیں
پڑھیں آندھیاں تک محمد محمد


بنی راہ بابِ مقفل میں دیکھو
ہے آباد گلزار مقتل میں دیکھو





ہیں مصروف وردِ مسلسل میں دیکھو
لبِ کافراں تک محمد محمد


ہے دل سے جگر تک جگر سے نظر تک
ہے اطیب مرے گھر سے خالق کے گھر تک

اثر سے دُعا تک دُعا سے اثر تک
یقین و گماں تک محمد محمد
***

[life.]

Re: sirf نعتِ محمدؐ

پوچھتے کیا ہو مدینے سے میں کیا لایا ہوں
اپنی آنکھوں میں مدینے کو بسا لایا ہوں

دل بھی میرا ہے وہیں جاں بھی میری ہے وہیں
لاش کو اپنے میں کندھوں پہ اٹھا لایا ہوں

سایئہ گنبد خضرا میں ادا کر کے نماز
سر کو میں عرش کا ہم پایہ بنا لایا ہوں





جس نے چومے ہیں قدم سرور دو عالم کے
خاک طیبہ کو میں پلکوں پہ سجا لایا ہوں

جان و دل رکھ کے میں طیبہ میں امانت کی طرح
خود کو بھی میں مدینے میں بھلا آیا ہوں

[life.]

Re: sirf نعتِ محمدؐ

نعت میں بھی لکھوں مجھ کو یہ ہنر دیں آقا
ہے مُجھے ذوقِ سفر، اذنِ سفر دیں آقا





کوئی توقیر کی خواہش نہ زر و گوہر کی
خاکِ طیبہ سے یہ دامن مِرا بھر دیں آقا

قصرِ جنت مِرا حق ہی سہی، میں نے چھوڑا
بس مدینے میں کہیں چھوٹا سا گھر دیں آقا

جہل و باطل سے مِری جنگ ہے اور دیر سے ہے
مُجھ کو ایمان و دیانت کی سِپر دیں آقا

یہ مِرا دل بھی حِرا ایسا منور ہو جائے
یہ عنایت بھی کسی طور سے کر دیں آقا

بھُول جاتا ہوں دُعا، ہاتھ اُٹھا کر اکثر
میں نے کیا مانگنا ہے مجھ کو خبر دیں آقا

میں تو حیرت زدہ لب بستہ کھڑا ہوں در پر
مانگنا کب مُجھے آتا ہے، مگر دیں آقا

یوں بھی وہ لُطف و کرم ہے کہ جہاں رشک کرے
اور کہیں حُسنِ طلب مُجھ کو اگر دیں آقا

پہلے دیں مجھ کو دُعا کرنے کی ہمت ناصر
اور پھر میری دُعاؤں میں اثر دیں آقا

ناصر مجید

[life.]

Re: sirf نعتِ محمدؐ

یاد رسول پاک میں جو آنکھ نم نہیں
جلوؤں کی بارگاہ میں اس کا بھرم نہیں

کیا فائدہ ملے گا حرم کے طواف سے
یاد نبی سے قلب اگر کچھ گرم نہیں

پڑھنے لگے درود اگر دل کی دھڑکنیں
اس سے بڑا تو کوئی خدا کا کرم نہیں

سرمایہء حیات ہے یہ ذکر مصطفٰی
ٹوٹا یہ سلسلہ تو سمجھ لو کہ ہم نہیں

دنیا میں بس یقین کرم سرفراز ہے
ہے نامراد جن کو یقین کرم نہیں





لکھا ہے اس سفینے کی قسمت میں ڈوبنا
جس پر نبی کا اسم گرامی رقم نہیں

انجم جس نصیب ہوا عشق مصطفٰی
وہ محترم نہیں تو کوئی محترم نہیں