sirf nazam

[life.]

Re: sirf nazam


محبٌت میں کہاں ترمیم ھوتی ھے؟
محبٌت میں ھمیشہ ایک سا موسم نہیں رہتا
کبھی ھے وصل کی رم جھم
بھگو دیتی ھے آنچل کو
دلِ بیکل کو،چنچل کو





کبھی ھے ھجر کا جلتا دہکتا کاسنی سورج
لہو میں خار بھرتا ھے
بالآخر سُرمئی سایوں میں ڈھلتا ھے
جو پلکوں پر مچلتا ھے
محبٌت کے مسافر کی کوئی منزل نہیں ھوتی
محبٌت کا جو کُلیہ ھے
بدلنے کا کبھی امکان ھوتاہی نہیں اس میں
سُنا ھے زندگی پل پل یہاں تقسیم ھوتی ھے
محبٌت میں کہاں ترمیم ھوتی ھے؟

[life.]

Re: sirf nazam

تجھے خبر نہیں ہے
کہ تیری اداس ادھوری
محبتوں کی کہانیاں
جو بڑی کشادہ دلی سے
ہنس ہنس کے سن رہا تھا
وہ شخص تیری صداقتوں پرفریفتہ
باوفا ثابت قدم
کہ جس کی جبیں پہ
ظالم رقابتوں کی جلن سے
کوئی شکن نہ آئی
وہ ضبط کی کربناک شدت سے
دل ہی دل میں
خموش‘چپ چاپ
مرگیا ہے

[life.]

Re: sirf nazam

کاش کوئی اختیار
میرے پاس بھی ہوتا
تم کو پا لینے کا_____
یا پھر ــــــــــــــــــــــــــــــــــــ
چپکے سے مَر جانے کا ۔۔۔!!!

[life.]

Re: sirf nazam


انوکھی مات

سُنو جاناں
محبت کے سفر میں ایسا بھی اِک موڑ آئے گا
جدائی گھات میں ہو گی
تو آگے بڑھ کے اُس کے ہاتھ، اپنا ہاتھ دے دینا
تم اُس کو مات دے دینا

[life.]

Re: sirf nazam


کھوئی کھوئی سی ۔ ۔۔ دھیمی دھیمی سی
تھوڑی انَ کہی ۔ ۔ تھوڑی مسکرُاتی
دو دلوں کی ہے اجازت ۔۔ ۔۔
میرا نام ہے محبت ۔ ۔۔

بھیگے سپنے ۔ ۔ کچی آنکھیں
چھوٹی چھوٹی دل کی باتیں ۔ ۔۔
کہتی ہے یہ زندگی ۔۔۔ کیسی ہے دیوانگی
کوئی رہتا ہے آہٹوں کے سہارے
چھوُ لوں تو سنسناہٹ ۔

سوُکھے لمحوں میں بارشوں کے کنارے
ہونٹوں پر ہے شرارت
میرا نام ہے محبت ۔ ۔۔

[life.]

Re: sirf nazam


کون سے دکھ کی بات کریں
تم تو بس ایک ہی دکھ پوچھتے ہو
کون سے دکھ کی کریں بات ذرا یہ تو بتا
موسموں ، سرد ہواؤں کی مسیحائی کا دکھ
راہ کی دھول میں*بکھری ہوئی بینائی کا دکھ
سنگ کے شہر میں خود سے شناسائی کا دکھ
یا کسی بھیگتی برسات میں*تنہائی کا دکھ
کون سے دکھ کی کریں بات کہ دل کا دریا
اتنی طغیانی کی زد پر ہے کہ کچھ یاد نہیں
کب ہمیں بھول گیا کون سے ہرجائی کا دکھ
تم تو بس ایک ہی دکھ پوچھتے ہو

[life.]

Re: sirf nazam


یہ شام یاد رکھنا
تیری نگاہ سے جب
میں اپنی نگاہ چھڑا کر
پلٹ رہی تھی
تو تم نے کچھ بھی نھیں کہا تھا
نہ میں نے کچھ سنا تھا
مگر
ہوا میں نمی اچانک ہی بڑھ گئی تھی

[life.]

Re: sirf nazam


مت دُعا دو مجھ کو
کہ دُعا تمہاری میرے درد کی دشمن ہے
اُس کے درد میں موت خواہش ہے میری
وہ میری جان محبت نہیں آزمائش ہے میری
اب کوئی شخص میری ضرورت نہیں
مجھے اب کسی سے محبت نہیں
نہ میں تم سا ہوں
نہ تم میں ہو
تم مجھے اچھا دیکھنا چاہتی ہو
بس!
مجھے کچھ کہنا ہے نہ کچھ سُننا بھی نہیں
مجھے اب اچھا ہونا ہی نہیں۔۔۔۔۔۔۔۔۔۔۔،،

[life.]

Re: sirf nazam


بےرحم خامشی میں__
حساس تیرگی میں__
سنّاٹا گونجتا ہے

اک حرف بھی ہے رسوا
اک بات بھی ہے چرچا
اک لفظ حادثہ ہے

اندھی ہو جب عقیدت
مفلوج ہو بصیرت
پھر__ہر رنگ ایک سا ہے
بھٹکی ہوئی نظر میں __ تو
پتھر بھی دیوتا ہے__!!

[life.]

Re: sirf nazam


تمہیں کس نے کہا تھا ؟
دوپہر کے گرم سورج کی طرف دیکھو
اور اتنی دیر تک دیکھو!
کہ بینائی پگھل جائے!!





تمہیں کس نے کہا تھا ؟
آسمان سے ٹوٹتی اندھی الجھتی بجلیوں سے
دوستی کر لو
اور اتنی دوستی کر لو
کہ گھر کا گھر ہی جل جائے!!

تمہیں کس نے کہا تھا ؟
ایک انجانے سفر میں
اجنبی رہرو کے ہمراہ دور تک جاؤ
اور اتنی دور تک جاؤ!
کہ وہ رستہ بدل جائے!!

[life.]

Re: sirf nazam


حرف نا اعتبار جیسی تھی
تیر ی چا ہت بہار جیسی تھی
تیری یادوں کی خوشبوں میں فضا
ایک صبحِ بہار جیسی تھی
تشنگی آج بھی تو ویسی ہے
دُور دریاکے پار جیسی تھی
یہ خبر ہی نہ تھی کہ تیر ی شکست
مجھ کو اپنی ہی ہار جیسی تھی
رات آنکھوں میں کا ٹ دی ہم نے
یہ شب انتظار جیسی تھی

[life.]

Re: sirf nazam


زندگی دشتِ خواب کی مانند
اک جسم سراب کی مانند
اب بھی روشن ہےشب کی آنکھوں میں
زخمِ دل ماہتاب کی مانند
جزب تخلیق ہر مصور کی
وجہ ء راحت عذاب کی ما نند
بھیلتے جارہے ہیں شام کےسائے
وادیوںپرسحاب کی مانند
لفظ در لفظ وہ رہا مبہم
زندگی کی کتاب کی مانند

[life.]

Re: sirf nazam


آندھیاں* تو چلتی ہیں
خشک زرد پتّوں کو
شاخ سے اُڑانے کی
کوششیں بھی ہوتی ہیں
سازشیں بھی ہوتی ہیں
بخت کے ستارے کو
اک خوشی کے لمحے سے
ضرب دیتے رہتے ہیں
آرزو بھی ہوتی ہے
جستجو بھی ہوتی ہے
ہاں! مگر۔۔۔ کیا کہیئے
کیسی بد نصیبی ہے
سازشوں سے لڑ جانا
پھر بھی سہل ہوتا ہے
بخت کے ستارے کو
اک خوشی کے لمحے سے
ضرب دینا مشکل ہے...!!!!

[life.]

Re: sirf nazam


آج کی شام۔۔۔۔۔۔۔۔۔۔۔۔۔۔۔
کیا یہ ممکن ھے کہ ھم ایک گھڑی آج کی شام
چُپ رھیں، کچھ نہ کہیں
چند لمحوں کے لئے دل کا خلا
وحشت تنہائی سے بھر لینے دیں
خشک آنکھوں کو ذرا
ابر سے تر ھونے دیں

جن دنوں اپنی ملاقات نہ تھی
جن دنوں شمس و قمر پاؤں کی زنجیر نہ تھے
حرکت و خواب تھے ہم، نقشہ و تصویر نہ تھے
وصل کے شہر کی محفوظ فصیلوں سے پرے
خوابِ شیریں سے جُدا
اپنی وحشت میں فنا
ھم نہ تھے دشتِ تغیر میں سلگتے ھوئے لمحے تھے کوئی
چشم ِ یزداں میں لرزتے ھوئے سائے تھے کوئی
ابر تصویر چُراتا تھا میری
پھول آواز اُڑاتا تھا تیری
جس گھڑی اپنی ملاقات ھوئی
وصل کے شہر فصیلاں میں ھمیں رات ھوئی

موسم گُل کی یہ بے تاب ھوا
دُور کھلتے ھوئے غنچوں کی صدا
ٹوٹتے ابر میں وصل اور جدائی کے نقوش
ساتھ مرنے کی سزا ھجر میں جینے کا عذاب
اندھے سینے کا خلا
تیرے سینے میں سرابوں کا خدا
یہ میرا دل، یہ تیرا دستِ تہی
کتنے برسوں سے تیری قید میں ھیں
کتنے برسوں سے میری قید میں ھیں
کتنے برسوں سے سوالی ھیں سبھی
چند لمحوں کے لئے آج کی شام
مجھ کو اپنے سے جُدا ھونے دے
آنکھ سے اشک رھا ھونے دے
ایسا ممکن ھو تو چُپ رھنے دے

[life.]

Re: sirf nazam


کبھی کبھی یہ دل چاہتا ہے
تمہاری شاموں کا حال پوچھوں
سوال پوچھوں
کہ فکر فردا میں کیسی گزری
یونہی کبھی میرا نام آیا تمھارے ہونٹوں پہ ایک پل کو ؟
میری محبت کی یاد مہکی کبھی تمھارے بھی راستوں میں ؟
کبھی کسی دن تمہاری صبح کے در پہ جاگی صداے دستک
کبھی عبادت کی کیفیت میں تمہیں میرا بھی گمان گزرا ؟
تمھارے صحن دعآ سے میرا بھی دھیان گزرا
کبھی تمھارے بدن پہ بھی شب عذاب بن کے ٹھہر گئی تھی
کبھی کبھی دل یہ چاہتا ہے سوال پوچھوں
مگر میں چپ ہوں
ہمارے مابین یہ جو دردیوار اجنبیت ہے یہ غنیمت ہے
اسی میں توقیر حرف و لب ہے
یہیں پہ ترک طلب کی حد ہے