ashaar

[.]

Re: ashaar

duur shama'-e-Khayaal ke maanind
sham'a vaadii kii jhilmilaatii hai
yaas ke be_karaaN andhere meN
ek umiid muskuraatii hai

[.]

Re: ashaar

Yaas ke andheraoN meiN ik charaagh jaltaa hei yaad-e-yaar baaqi hei

saans aati jaati hei dil dhaRaktaa rehtaa hei, yaad-e-yaar baaqi hei.

[.]

Re: ashaar

yaad-e-Ghazaal chashma, fikr-e-saman nazaaraaN
jab chaahaa kar diya hai, kunj-e-qafas bahaaraaN

[.]

Re: ashaar

SubH-e-ishrat aayii hei yaa aatish-e-dard-o-alam

khwaab-e-ghaflat meiN nah rehiye, aankh mal kar dekhiye.

[.]

Re: ashaar

raftah, raftah Ghair apnii hii nazar meN ho gaye
waah rii Ghaflat! tujhe apnaa samajh baiThe the ham

[.]

Re: ashaar

zindagaani ke masaayil kii haqeeqat kyaa kahuN

teri zulfaoN kii taraH uljhaa kiye suljhaa kiye.

[.]

Re: ashaar

qaat'a-e-'aemaar haiN aksar nujuum
vo balaa-e-aasmaanii aur hai

[.]

Re: ashaar

ghurbat meiN dhoop ne kyaa jhulsaa diyaa badan ko

nafrat sii hougaii hei sooraj kii raushnii se.

[.]

Re: ashaar

Gham kii andherii raat meN, dil ko na be_qaraar kar
subHa zaroor aayegii, subHa kaa intezaar kar

[.]

Re: ashaar

aap kii yaad aatii rahii raat bhar
chashm-e-nam muskuraatii rahii raat bhar

[.]

Re: ashaar

raat bhar sooraj kisi ke sir pe mandlaata raha
din meiN taare dekhne ki rasm dohraaee gaee

[.]

Re: ashaar

zaraa sii baat pe har rasm to.D aayaa thaa
dil-e-tabaah ne bhii kyaa mizaaj paayaa thaa

[.]

Re: ashaar

apne haathoN se nasheeman ko jala dete haiN
hausla seekhe koee khaanmaaN-barbaadoN se

[.]

Re: ashaar

maiN to Khud_daarii kaa qaa'il huuN, magar
kia karuuN phir aa rahii hai unkii yaad

[.]

Re: ashaar

yaad aey gii unko tab merii
jab koee or-na hamsafar hogii