ashaar

[.]

Re: ashaar

ik tabassum ne tire jeet lee meri dunyaa

jaane phir kab tiri taSveer nazar aayegi.

[.]

Re: ashaar

phir aaj aik tabassum pe hosh kho baiThaa
phir aaj ishq ko dekha, fareb khaa hi gayaa!

[.]

Re: ashaar

dekhane vaalo tabassum ko karam mat samajho
unheN to dekhane vaaaaaaloN pe haNsii aatii hai

[.]

Re: ashaar

vahii iqraar meiN inkaar ke laakhoN pahaluu
vahii hoNToN pe tabassum vahii abruu pe shikan

[.]

Re: ashaar

iss daur mein jab ek tabassum bhee jurm hai
himmat to dekhiye, meraa hansne ko jee kare

[.]

Re: ashaar

ik tabassum ne tire looT liyaa dil meraa

aur phir teri hansee ne mujhe deewaanah kiyaa.

[.]

Re: ashaar

phir aaj eik tabassum pe hosh Kho beThaa
phir aaj ishq ka dhoka faraib khaa hi gayaa

[.]

Re: ashaar

merii rooh kii haqiiqat mere aaNsuuoN se puChho,
mera majlisii tabassum mera tarjimah nahiiN hai

[.]

Re: ashaar

Na jaanay ye masarrat hai ke gham hai !
LaboN par hai tabassum,aaNkh nam hai!

[.]

Re: ashaar

duniya jise kehte haiN, jaadoo ka khilauna hai,
mil jaaye to miTTii hai, kho jaaye to sona hai!!

[.]

Re: ashaar

sab ko aataa nahee'n duniyaa ko sajaakar jeenaa
zindagee kyaa hai muhabbat ke zabaa'n se suniye

[.]

Re: ashaar

mumkin hai zameeN ho voh kisii aur jahaaN kii
tuu jis ko samjhtaa hai falak apne jahaaN kaa

[.]

Re: ashaar

ilaahee fir mazaa kyaa hai yahaa'n duniyaa mein rahane ka
hayaat-e-jaavidaa'n apnee, na marg-e-naagahaa'n meree

[.]

Re: ashaar

bahaar-e-gulshan-e-mehr o wafaa kuch aur kehti hei

sitam parvar zamaane kee hawaa kuch aur kehti hei.

[.]

Re: ashaar

ham hain beemaar-e-muhabbat ye duaa maangte hain
misl-e-akseer na duniyaa mein davaa paidaa ho