ashaar

[.]

Re: ashaar

zaahida! ham jaante haiN, ishq bazii hay gunaah
ghar luTaya hay ji weh,shat meiN, wo kaffarah hua

[.]

Re: ashaar

kia kahuuN tum se maiN k kia hai 'ishq
jaaN kaa rog hai, balaa hai 'ishq

[.]

Re: ashaar

ruke ashk, aur aah ponhchi falak par
mira ishq kam kharch, balaa-nasheeN hay

[.]

Re: ashaar

'ishq hii 'ishq hai jahaaN, dekho!
saare 'aalam meN bhar rahaa hai 'ishq

[.]

Re: ashaar

Ghairat-e-ishq bhi ajab shaiy hay
haath uThte naheeN dua ke liye

[.]

Re: ashaar

mareez-e-ishq par la,nat khuda ki
marz baRhta gaya, juN juN dawa ki

[.]

Re: ashaar

ai 'ishq! na chheR aa aa ke hameN
ham bhuule huoN ko yaad na kar
pahle hii bahot naashad haiN ham
tuu aur hameN naashaad na kar
qismat kaa sitam hii kam nahiiN kuchh
yeh taaza sitam iijaad na kar
yuuN zulm na kar, be_daad! na kar
ai 'ishq! hameN barbaad na kar

[.]

Re: ashaar

mere jaise ban jaaoge, jab 'ishq tumheN ho jaayegaa
diivaaroN se sar Takraaoge, jab 'ishq tumheN ho jaayegaa

[.]

Re: ashaar

ishq kii maar ba.Dii dardiilii ishq me.n jii na pha.Nsaanaa jii
sab kuchh karanaa ishq na karanaa ishq se jaan bachaanaa jii

[.]

Re: ashaar

ishq se tabiyat ne zeest ka maza paya
derd ki dawa pai, derd-e- be.dawa paya

[.]

Re: ashaar

ishq ko be-naqaab honaa thaa
aap apanaa javaab honaa thaa

terii aa.Nkho.n kaa kuchh qusuur nahii.n
haa.N mujhii ko Kharaab honaa thaa

[.]

Re: ashaar

ishq mein jee ko sabr-o-taab kahaan
us se aankhe.n lagin to Khwaab kahaan

[.]

Re: ashaar

aathish-e-ishq meiN jalne ke liye chouRdiyaa

aur kehte hou ke aisaa miri taqdeer meiN thaa.

[.]

Re: ashaar

ham jaante to ishq na karte kasoo ke saath
ly jaate dil ko khaak meiN is aarzoo ke saath

[.]

Re: ashaar

junoon-e-ishq ne barbaad kardiyaa mujhko

wo bewafaa hei, mirii baat maantaa hii nahiN.