Tweet
جب تری خواہش کے بادل چھٹ گئے
ہم بھی اپنے سامنے سے ہٹ گئے
رنگ ِ سرشاری کی تھی جن سے رسد
دل کی ان فصلوں کے جنگل کٹ گئے
ایک چراغاں ہے حرم و دیر میں
جشن اس کا ہے دل و جاں بٹ گئے
شہر ِ دل اور شہر ِ دنیا الواداع
ہم تو دونوں ہی طرف سے کٹ گئے
ہو گیا سکتہ خرد مندوں کو جب
مات کھاتے ہی دوانے جب ڈٹ گئے
چاند سورج کے علم اور وپسی
وہ ہوا ماتم کہ سینے پھٹ گئے
کیا بتائیں کتنے شرمندہ ہیں ہم
تجھ سے مل کر اور بھی ہم گھٹ گئے
Comment