~~ Where there is love there is life ~~ collection from the painful heart of pErIsH_BoY .>>>>>>

[I Am In Love]

Re: Kya ra'anai? ya Tanhai ????

Superb ............

[I Am In Love]

Re: Hijar ka mosam thehar gaya he

Bohat Khoob
Keep Sharing...

[I Am In Love]

Re: Aik phool ki maanind.

Bohat Khoob
Keep Sharing...

[I Am In Love]

Re: Tujhe kia khabar mere hal ki.

Bohat Khoob
Keep Sharing...

[I Am In Love]

Re: Bhigo dale.

Bohat Khoob
Keep Sharing...

[pErIsH_BoY]

Milan Ki Iltija Kesi?

Judai Dene Wale.
Tum Se Umeed-e-wafa Kesi?
Talluq Toot Jaye Jab.



Mohabbat Rooth Jaye Jab.
To Phir Rasm-e-dua Kesi?
Milan Ki Iltija Kesi?



Bhanwar Min Dolti Kashti Pe Sahil Ki Tamana Kya?
Ukharti Sans Ho To Zindagi Ki Aarzu Bhi Kya?
Jo Manzil Kho Chuki He Us Ki Phir Se Justaju Bhi Kya?



Raza-e-dost Par Acha, Sar-e-tasleem Kham Karna.
Sisakne Se Yehi Behtar He Na-umeed Hi Marna.
Magr Dil Ne Tumhen Kis Waste Yad Rakha He?



Tumhen Kiyon Shairy Min Aj Tak Aabad Rakha He?
Abhi Tak Min Ne Kiyon Khud Ko Bht Barbad Rakha He?
Hawa K Dosh Par Kiyon Naghma-e-faryad Rakha He?



Judai Dene Wale Aashnayi Ki Qasam Tum Ko.
Tumhari Bewafai, Kaj Adai Ki Qasam Tum Ko.
Mujh Ko Itna Bata Dena.



Wafa Ki, Chahaton Ki Mashalen Kese Bujhate Hen?
Nishan Kese Mitate Hen?
Bhulana Ho Jinhen.



Un Ko Bhala Kese Bhulate Hen?
Judai Dene Wale....... !!!

[pErIsH_BoY]

Kash tum dekh sakte.

Kash tum dekh sakte.
Toote hoe dil ko.
Behte hoe ansuon ko.



Is adhure mosam ko.
Kash tum parh sakte.
Mere hathon ki lakiron ko.



Khwabon ki tabiron ko.
Dil k afsanon ko.
Kash tum samjh sakte.



Mere lafzon ki gehrai ko.
Honton ki sachai ko.
Mehfil ki tanhai ko.



Kash tum jor sakte.
Is dil ko, is rishte ko, is wade ko.
Lekin ye soch kar khamosh ho jata hon.



Kash tum jan sakte is mohabbat ko.
Kash.....
Kash.....

[pErIsH_BoY]

Suno piyare.

Suno piyare.
Mujhe malum he aasan lagta he.
Tumhen rahen badal lena.
Koi bhi mor mur jana.
Kisi manzil ko thokar mar kar wapis chale ana.
Ya manzil ko faqat ik junbish-e-lab se.

Bht nazdeek le ana.
Mujhe malum he piyare.
Bht aasan he tum ko wapis palat jana.
Meri tum be-basi dekho.
Mujhe tum se mohabbat k siwa kuch nhi ata.
Magr is min bhi kab koi qareena seekh payi min.

Ye dekho aankh rona chahti he.
Phir bhi banjar he.
Ye dekho hath kitne sard hen mere.
Ye dekho dil ki dharkan kis trah tarteeb kho kar doobne ko he.
Ye dekho mera aanchal mere hathon se phisal kar urh gaya kab se.
Ye dekho sans ki dori bhi mujh se chootne ko he.
Mere ehsas ka resham ulajh kar tootne ko he.

Mujhe to ye hunar bilkul nhi ata.
K kese apne zakhmon ko chupate hen?
Ya kese dard ko derman banate hen?
Ya kese roothti sanson ka daman.
Tham kar wapis bulatay hen?
Bht be-khwab aur wiran mosam min.
Khafa neendon ko kya keh kar manate hen?

Mujhe ye hunar bilkul nhi ata.
K kese apne mar jane pe nohe ap karte hen?
Ya apne hi gale lag kar dilasa kese dete hen?
Phir apni hi laash ko kese.
Kisi payab darya.
Ya kisi ki adh bujhi taza chita min jhonk dete hen?
Ya phir aakash k neeche khula hi chor dete hen?

Mujhe to ye hunar bilkul nhin ata.
K kese zard mosam min.
Kisi bhi sard aur be-dard mosam min.
Khushi ka aik bhi ghuncha.
Bhala kese khilate hen?
Ya kese aadhe raste se gharon ko lout jate hen?

Mujhe bilkul nhi ata.
Mujhe tum se mohabbat k siwa.
Magr wo bhi kahan ayi.
Koi hunar bilkul nhi ata.

[pErIsH_BoY]

Amanat aur ki ho wo.

Kabhi gham yon bhi hota he.
K sansen toot jati hen.
Kisi ki raah tak tak kar.
Nigahen sookh jati hen.
Jinhen aana ho jeewan min.
Wohi aane nhi pate.
Jinhen aana ho khwabon min.
Wo raste bhool jate hen.

Kabhi gham yon bhi hota he.
Jahan dil apna khilta he.
Wahin mosam badalta he.
Humen jo nam lena ho.
Amanat aur ki ho wo.
Humen jo bat karni ho.
Sira wo mil nhi pata.

Kabhi gham yon bhi hota he.
Jahan phoolon ki aahat ho.
Khizan bhi tan k aati he.
Koi dharkan sunaye gi.
Humen kya raz ki baten.
Kabhi jab aankh dil par ho.
To dil hi mil nhi pate.

Kabhi gham yon bhi hota he.
K lawa beh nhi pata.
Khwahish aisi hoti he.
Magr hum ro nhi sakte.
Sar-e-maqtal khare ho kar.
Kabhi tum ko pukaren to.
Sadaen mil nhi saktin.

Kabhi gham yon bhi hota he.
K mar jane ko dil chahe.
Koi marne nhi deta.
Kabhi gham yon bhi hota he.
Humen hi gham kiyon hota he?
Use gham kiyon nhi hota?????

[I Am In Love]

Re: Amanat aur ki ho wo.

Bohat Khoob
Keep Sharing...

[I Am In Love]

Re: Milan Ki Iltija Kesi?


Wah Kia Baat Hay
Bohat Khoob
Keep Sharing...

[I Am In Love]

Re: Suno piyare.

Bohat Khoob
Keep Sharing...

[I Am In Love]

Re: Kash tum dekh sakte.

Bohat Khoob
Keep Sharing...

[maya]

Re: Milan Ki Iltija Kesi?

wowwwow beautifull sharing

[maya]

Re: Kash tum dekh sakte.

beautiiiiful sharing