"kabhi naraz mar hona"

[geosada]

"KABHI NARAZ MAR HONA"

Gilay chahe boht krna..

Rulana or boht larna !

Suno naraz mat hona !

Kbhi aisa jo ho jay !

Key teri yad se gafil !

Kisi lamhe jo ho jaon !

Bina dekhe teri surat !

Kisi shab main jo so jaon !

To sapno main chaly aana !

Mujhey ehsas dila jana !

"SUNO NARAZ MAT HONA"

Kbhi aisa jo ho jaey !

Jinhain kehna zarori ho !

Wo mujh se lafz kho jaein !

Anaa ko beech mat lana !

Meri awaz ban jana !

"KABHI NARAZ MAT HONA"

[Ismail Ajaz]

Re: "kabhi naraz mar hona"

"KABHI NARAZ MAT HONA"[/SIZE][/FONT]

moHtaram/moHtaramah

salaam arz hai

aap jo bhee haiN sada jiyeN ,doodhoN nahaa'eN pootoN phaleN
daad aur mubaarak baad aap kee itne achhee kaavish kee naze
aap se guzaarish hai chooNkeh aap ne apnee nazm meN lafz (suno) istemaal kiyaa hai jis se bayaan aur adaa'igee meN urdu zubaan kee miThaas shaamil hai is se jo raNg o ta'aCCur aap kee nazm meN shaamil huwaa hai use aap ne lafz tu, teri, waGhairah ko istemaal kar ke kam kar diyaa hai,teri yaad se Ghaafil likhne se nazm kee KhoobSooratee maaNd paR rahee hai ,agar aap ise yuN kahen keh

tumhaaree yaad se Ghaafil

to iss se aap kee nazm meN bayaan o andaaz meN nikhaar aur dilkashee payedaa ho gee aur urdu adab ke shaa'eyqeen ke liye ziyaadah mu'aCCar Caabit ho gee

aisa naheeN hai keh lafz tera teree yaa tu manaA hai mamnooA hai aap agar yuN kahen keh

sun naaraaz mat hona

aur phir kaheN teri yaad se Ghaafil tow durust maanaa jaa'ey gaa bayaan karne ke aitbaar se kyuN keh zubaan kaa raNg e izhaar aap ne ek jaisaa hee iKhtiyaar kiya hai laikin ek jagh suno aur dooree jagh teri tumhaaree kee jagh istemaal karne se aadaa'igee aur bayaan meN ayeb payedaa hotaa hai

meree ko'ee baat tabee'at par giraaN guzree ho tow mu'aafee kaa talabgaar hooN

muKhliS

[life.]

Re: "kabhi naraz mar hona"

achi nazam hai