~Straight from the heart of THEFIRE1~

[*Rida*]

Re: ~Straight from the heart of THEFIRE1~

Assalaam-O-Alaikum


Khulta kisi pay kiyon meray dil ka maamla
Shairoon kay intikhaab nay ruswa kia mujhay!


Aaj main yeh nayay thread ka aghaaz kar raha hoon jiss main apni pasand ki shayeri aur apna intikhaab aap say share karoonga, umeed hay aap ko bhi pasand aayay ga, itna aala mayar tou nahi mera :) Yeh rahi pehli ghazal iss bazm-e-sukhun ki nazar.

GHAZAL

Hum bhi kitnay saada dil hain, seedhi sachi baat karain
Logoon nay kia kia keh daala, lehjoon ki tehdaari main

Aanay walay kal ki khaatir, apna har pal qurbaan kia
Haal ko dafna daitay hain hum, jeenay ki tayaari main

Kayi dinoo say jism-o-jaan per, aik baykaifi chahye hay
Doob rahi hay raat sunayoo, koi ghazal darbaari main

Jab duniya per bas na chalay tou, andar andar kuRna kia
Kuch bailay kay phool khilayey, aangan ki phulwaari main

Tum bhi unn beetay barsoo ki koi nishaani lay aana
Main tum say milnay ayoon ga usi puranay safari main

Ab kay baar jo ghar jaana tou saaray album lay aana
Waqt ki deemak lag jaati hay, yaadon ki almari main!

Khush rahyeh, agli sharing jald hi karoon ga :)


FI Amaan ALLAH

walaikom Assalam
buht khobsorat ghazal hai ....best of the best ... buht psand aai ..:thmbup:

[*Rida*]

Re: ~Straight from the heart of THEFIRE1~

Ek aur nazraana aap iss basm-e-sukhan ki nazar

GHAZAL

Tehri tehri see tabiyat main rawaani aayee
Aaj phir yaad mohabbat ki kahaani aayee

Aaj phir neend ko ankhoon say bichaRtay dekha
Aaj phir yaad koi choo'ut puraani aayee

Mudatton baad chala unn pay humara jadooo
Mudatton baad humain baat banani aayee

Mudatton baad pashayman huwa darya hum per
Mudatton baad humain Piyaaas chupaani aayee

Mudatton baad khuli wusa'at-e-sehra hum per
Mudatton baad humain Khaak uRaaani aayee

Mudatton baad muyaasir huwa MAA ka aanchal
Mudatton baad humain neend suhaani aayee

Itni asaani say milti nahin funn ki doulaat
Dhal gayi umr tou ghazloon pay jawaani aayee

Ek Shair jo dil kay bohat qareeb hay


Din ko masmaar huway, raat ko tameer huway
Khuwab hi khuwab, faqat rooh main jageer huway
Umr bhar likhtay rahay, phir bhi warq saada raha
Jaanay kia lafz thay, jo hum say naa tehreer huway!

buht uda....
la jawaaaaaab
:clap:

[thefire1]

Re: ~Straight from the heart of THEFIRE1~

Bohat Nawazish Nadia, Wish_mater and Rida :)

[BANJARAH]

Re: ~Straight from the heart of THEFIRE1~

Zabardast!

[thefire1]

Re: ~Straight from the heart of THEFIRE1~

Nawazish Jee :)

[king nasir]

Re: ~Straight from the heart of THEFIRE1~

Thakns For Sharing

[thefire1]

Re: ~Straight from the heart of THEFIRE1~

Aik aur GHAZAL iss bazm-e-Sukhun ki nazar

GHAZAL

Hum piyar tumahara kiyon chahain, hum haath tumhara kiyon maangain
Jeenay ka hunr jab jaantay hain, jab saath tumhara kiyon maangain

Tum ko jo humari chaa nahin, hum ko bhi kuch parwaah nahin
Jab chand zameen par la saktay hain, tou hum aik sitara kiyon maangain

Ek zara see koshish kar lain gain, sooraj muthi main bhar lain gain
Ek masoom see titlee say koi, jugnoo bichaara kiyon maangain

Hum mouj main jab aajayain gain tou phir khizaan main bhi gul khilayain gain
Har manzar mann kay andar hay, mousam say nazaara kiyon maangain

Jab sangee saathi dour khaRay taktay bhi rahay, hanstay bhi rahay
Phir doobnay waalay log bhala, saahil say kinaara kiyon maangain!!!

[thefire1]

Re: ~Straight from the heart of THEFIRE1~

GHAZAL

Apnay ehsaas ko lafzoon ki qaba kiyon nahin daitay
Uss ko chaha hay tou phir usko bata kiyon nahin daitay

Woh jo tumhain choR gaya, majbori-e-halaat suna kar
Uski tasweer ko kamray say hata kiyon nahin daitay

Yeh zaroori tou nahin aik hi mehboob rahay
Apni sochoon ko koi rang naya, kiyon nahin daitay

Jab say toota hay mera rabt, meri sansoon say
Meray hi ghar main mujhay log jagah kiyon nahin daitay!!

[thefire1]

Re: ~Straight from the heart of THEFIRE1~

Assalaam-O-Alaikum

Aik aur dil kay qareeb GHAZAL aap sab say share kar raha hoon, umeed hay pasand aayay gi :)

GHAZAL

Kuch nahin badla dewanay thay, dewanay hi rahay
Hum nayay shehron may reh kar bhi puranay hi rahay

Dil ki basti main, hazaroon inqilaab aayay magar
Dard kay mousam suhnay thay, suhanay hi rahay

HUM NAY APNI SEE BOHAT KI WOH NAHIN PIGHLA KABHI
USS KAY HONTON PER BAHANAY THAY, BAHANAY HI RAHAY

Ay parindoon hijratain karnay say kia haasil hua
Chonch main thay char danay, char daanay hi rahay

Gayoon ki masoon nadiyon nay bohat rouka magar
Shehar kay baadal siyanay thay, siyanay hi rahay

!!!!!!

[thefire1]

Re: ~Straight from the heart of THEFIRE1~

Ahmed Faraz Sahab ki yeh Ghazal bhi dil kay bohat qareeb hay, aap sab say share karnay ki jasaarat kar raha hoon :)

GHAZAL

Wehshat thi magar chaak libaada bhi nahin tha
Yoon zakhm numayee ka iraada bhi nahin tha

Hum marhaba kehtay teray har teer-e-sitam per
Sach baat kay dil itnaa kushaada bhi nahin tha

Hum khoon say nahlayay gayay teri gali main
Aur tuu kay sar-e-baam sataada bhi nahin tha

Yaroon koi tadbeer karoo tum kay woh hum say
Nakhush tha, magar itna ziyada bhi nahin tha

PAGAL HO FARAZ AAJ TO RAAH DEKH RAHAY HOO
JUB USS SAY MULAAQAAT KA WAADA BHI NAHIN THA!!

[thefire1]

Re: ~Straight from the heart of THEFIRE1~

pagal ho faraz aaj to raah dekh rahay hoo
jub uss say mulaaqaat ka waada bhi nahin tha!!

[thefire1]

Re: ~Straight from the heart of THEFIRE1~

meri pasand ki aik aur ghazal paish-e-khidmat hay :)

Haseen Yaadoon Main Khooya Tha, BichaRnay Say Zara Pehlay
BaRa Khush Fahm Soya Tha, BichaRnay Say Zara Pehlay

Woh Jis Ka Haath Tak Choonay Ko Bay-Adbi Samajhtay Thay
Galay Say Lag Kay Roya Tha, BichaRnay Say Zara Pehlay

Usay Maloom Tha Shayed Judai Hay Muqaddar Main
Woh Kin Sochoon Main Khoya Tha, BichaRnay Say Zara Pehlay

Humara Pyar Uss Lamhay Bulandi Per Wafa Ki Tha
Koi Bhi Gham Na Goya Tha, BichaRnay Say Zara Pehlay

Humaray Pyar Kay Gulshan Main Jaanay Kis Nay aa Kar Kay
Ghamoon Ka Beej Boya Tha, BichaRnay Say Zara Pehlay

Woh Jis Ko Dekh Lainay Say, BaRa Kuch Chand Rehta Tha
Bohat Hi Aaj Roya Tha, BichaRnay Say Zara Pehlay!!!

[.]

Re: ~Straight from the heart of THEFIRE1~

good to see u back ...aap nay kafi time bad update kia thread ko :--)


sharing kartay rehian :thmbup:

[thefire1]

Re: ~Straight from the heart of THEFIRE1~

Jee, aaj soch kay nashtar dil ko zakhmi kar gayay tou ehsaasat iss screen per bikhar gayay :)