Mansoob thay jo....

[Mahvish Waqas]

Mansoob thay jo log meri zindagi kay saath
akser wohi milay hain bari bayrukhi kay saath



yoon to main hans para hoon tumharay liye mager
kitnay sitaaray toot paray ik hansi kay saath



fursat milay to apna garaibaan bhi dekh lay
aye dost yoon na khel meri baybasi kay saath



majbooryun ki baat chali hay to main kahan?
hum nay piya hay zehr bhi akser khushi kay saath



chehray badal badal kay mujhay mil rahay hain log
itna bura salook meri saadgi kay saath?

[Tanha Hassan]

Re: Mansoob thay jo....

buth khoob bari beautiful ghazal aur peash karney ka andaz be utna he khoobsoorat

[thefire1]

Re: Mansoob thay jo....

Assalaam-O-Alaikum Mehwish

Bohat hi khoobsurat andaaz main post ki gayi yeh ghazal na jaanay kitni kafiyat ko dil hi dil main ujaagar kar gayi..... shayed kisi nay sach hi kaha hay kay shaaeri kabhi kabar apni hi dastaan lagti hay, jab insaan usay paRhta hay tou aisa mehsoos hota hay kay apnay aap say guftagoo kar raha hay! poori ghazal hi bohat achay alfaz main likhi gayi hay par na jaanay kiyon yeh shaair jaisay dil kay taar cho gaya :)
majbooryun ki baat chali hay to main kahan?
hum nay piya hay zehr bhi akser khushi kay saath

Humesha ki tarhan aaj bhi aap ki tehreer aur yeh bohat hi nafaasat kay saath paish ki gayi yeh ghazal qabil-e-tareef hay, isi tarhan apni tehreer say nawazteen rahi.

Fi Amaan ALLAH

[Soulmate]

Re: Mansoob thay jo....

wow nice poetry
thanks 4 sharing

[Mahvish Waqas]

Re: Mansoob thay jo....

Assalam o alaikum wr wb..

Intikhaab pasand karnay ka shukria :)
khush rahain..