
Mansoob thay jo log meri zindagi kay saath
akser wohi milay hain bari bayrukhi kay saath

yoon to main hans para hoon tumharay liye mager
kitnay sitaaray toot paray ik hansi kay saath

fursat milay to apna garaibaan bhi dekh lay
aye dost yoon na khel meri baybasi kay saath

majbooryun ki baat chali hay to main kahan?
hum nay piya hay zehr bhi akser khushi kay saath

chehray badal badal kay mujhay mil rahay hain log
itna bura salook meri saadgi kay saath?

Comment