mareez-e-shab-e-Gam

[majid ali qureshi]

ye kah kar diye meri qismat main naale
tumhari amaanat tumhare havale
bas itni hai doori ye manzil hai ye main hoon
kahan aake phoote hain paaon ke chaale
karoon aisa sajda woh ghabraa ke kah den
Khuda ke liye ab to sar ko uthaa le
mareez-e-shab-e-Gam ki saans aaKhiri hai
charaagh-e-sahar le rahaa hai sambhaale
kabhi mar bhi chuk ay mareez-e-muhabbat
pareshaan baithe hain ghar jaane vaale
qayamat hain zaalim ki neechi nigaahen
Khudaa jaane kyaa ho jo nazaren uthaa le
"Qamar main hoon mukhtar tanzeem-e-shab ka
hain mere hee bas main andhere ujaale

[khan khan]

Re: mareez-e-shab-e-Gam

Bohat khoob.