Ghalib Ayaz ki ek Ghazal

[Nazia Afroz]

Gham hai ya ezteraar sa kuch hai
Yaa mujhe intezaar sa kuchh hai


Be sabab aur kaun bhatke ga
Dil hai aur be qarar sa kuch hai


Jab bhi chahun udas hojaun!
Khud pe ab ikhteyar sa kuch hai


Zindagi itni badnumaa to nahi
Aayeene pe ghubar sa kuch hai


Ab gumaN ho raha hai manzil ka
Saamne regzaar sa kuch hai


Hauslon ko abhi pata na chale
Raste me hisaar sa kuch hai !

(Ghalib Ayaz)

[Nazia Afroz]

Re: Ghalib Ayaz ki ek Ghazal

Bas tere liye udaas aankhen !!!!
uff! maslehat nashanaas aankhen

Be noor hui hian dheere dheere
Aayi nahi mujh ko raas aankhen!

Aakhir ko gaya wo - kaash rukta
Karti rahin iltemaas aankhen!!

Khaabeeda haqiqaton ki maari
Paamaal aur bad hawaas aankhen

Dar pesh junu.n ka marhala, aur
Faqa hai badan to pyas aankhen




(Ghalib Ayaz)

[Nazia Afroz]

Re: Ghalib Ayaz ki ek Ghazal


Mere husn e bayaaN me shamil thaa
Woh meri daastaaN me shamil thaa

Meri basti ko lootne waalaa
Wafd e rahat rasaaN me shamil thaa

Us ki khaatir jahaan haar gaye
Kya maza us zayaaN me shamil thaa

Justajoo maaNd parti jati thi
Dil ajab kaarwaaN me shamil thaa

Gumrahi ka wo bad numa lamhaa
Meri tatheer e jaaN me shamil thaa




Ghalib Ayaz

[khan khan]

Re: Ghalib Ayaz ki ek Ghazal

Gham hai ya ezteraar sa kuch hai
Yaa mujhe intezaar sa kuchh hai


Be sabab aur kaun bhatke ga
Dil hai aur be qarar sa kuch hai


Jab bhi chahun udas hojaun!
Khud pe ab ikhteyar sa kuch hai


Zindagi itni badnumaa to nahi
Aayeene pe ghubar sa kuch hai


Ab gumaN ho raha hai manzil ka
Saamne regzaar sa kuch hai


Hauslon ko abhi pata na chale
Raste me hisaar sa kuch hai !

(Ghalib Ayaz)

Bas tere liye udaas aankhen !!!!
uff! maslehat nashanaas aankhen

Be noor hui hian dheere dheere
Aayi nahi mujh ko raas aankhen!

Aakhir ko gaya wo - kaash rukta
Karti rahin iltemaas aankhen!!

Khaabeeda haqiqaton ki maari
Paamaal aur bad hawaas aankhen

Dar pesh junu.n ka marhala, aur
Faqa hai badan to pyas aankhen




(Ghalib Ayaz)

Very Nice Collection.

[Dr Fausts]

Re: Ghalib Ayaz ki ek Ghazal

wah Bohat Acha intekhab

[Nazia Afroz]

Re: Ghalib Ayaz ki ek Ghazal

Thanks for appreciation: One more:

Kucha e dilbaraan ke the hi nahin
Ahl us imtehaan ke the hi nahin



Andhiyon ke amal dakhal me rahe
Hum kisi aashiyan ke the hi nahin.



Sah gaye rizq ke liye wo lafz !!
Jo hamari zabaN ke the hi nahin.



Chara gar se wo zakhm kiya bharte
Jo adoo ki senaan ke the hi nahin



Jis ka anjaam khush nateejaa ho
Hum to us dastaan ke the hi nahin.



Is tarah hum ne chhor dee duniya
Jaise pahle yahaan ke the hi nahin.




(Ghalib Ayaz)

[MuQadas]

Re: Ghalib Ayaz ki ek Ghazal

nice

[phonix_24]

Re: Ghalib Ayaz ki ek Ghazal

Jab bhi chahun udas hojaun!
Khud pe ab ikhteyar sa kuch hai

buhat khub...yeh iktayar too hai humare pass...Acha hai

[WASI ANJUM]

Re: Ghalib Ayaz ki ek Ghazal

Bahot khoobsurat sharing janab

[Nazia Afroz]

Re: Ghalib Ayaz ki ek Ghazal

Khush numa lafz ki sawari bas
Shahr walon ko ek madari bas

Ishq me aur kya hua hum se
Dhang se ki hai ashk bari bas

Ek nauras kali ka gul banna
Zindagi!! teri payedaari bas

Fasl e gul kaynat ki, mujh ko
Teri chahat ki aik kiyari bas

Manzilen ghair ke liye makhsus
Apne hisse me khabkari bas

Ek bejaan muskurahat hai !!!!
Oonche logon ki inkesaari bas

Aur kiyaa seekhte zamaane se
Hogaye hum bhi kaar o baari bas

by: Ghalib Ayaz

[WASI ANJUM]

Re: Ghalib Ayaz ki ek Ghazal

nice sharing

[Nazia Afroz]

Re: Ghalib Ayaz ki ek Ghazal

Khuda ka shukr mujhe besh-az-gumaan mila
Tumhare reshmi aanchal ka saayabaan mila.


Na jaane mujh men samaayi thin hijraten kitni
Tumhare lams se mujh ko mera makaan mila.


Khuda ne humpe haden kitni bandh rakhkhi hain
Hisaar e jism se nikle to aasmaan mila !!


Hum uske jabr ka qissaa sunaate kis kis ko
Yahaan to jo bhi milaa, uska hamzaban mila.


Hikayaten thin meri raaviyon ke narghe men
Phir uske baad jahaan mujh se bad gumaan mila


Suna hai shahr ki buniyaad usne daali thi
Jo shakhs kal meri basti me be amaan mila.


Ye shayeri mujhe maqdur bhar mili hi nahin
Magar abhi bhi koi le to mujh se taan mila.
By: Ghalib Ayaz

[phonix_24]

Re: Ghalib Ayaz ki ek Ghazal

Khuda ka shukr mujhe besh-az-gumaan mila
Tumhare reshmi aanchal ka saayabaan mila.

Na jaane mujh men samaayi thin hijraten kitni
Tumhare lams se mujh ko mera makaan mila.

Khuda ne humpe haden kitni bandh rakhkhi hain
Hisaar e jism se nikle to aasmaan mila !!

Hum uske jabr ka qissaa sunaate kis kis ko
Yahaan to jo bhi milaa, uska hamzaban mila.

Hikayaten thin meri raaviyon ke narghe men
Phir uske baad jahaan mujh se bad gumaan mila

Suna hai shahr ki buniyaad usne daali thi
Jo shakhs kal meri basti me be amaan mila.

Ye shayeri mujhe maqdur bhar mili hi nahin
Magar abhi bhi koi le to mujh se taan mila.
By: Ghalib Ayaz

buhat acha intakhab haai...keep rocking:salam:

[Nazia Afroz]

Re: Ghalib Ayaz ki ek Ghazal

Husn ke zer e baar ho ke na ho!!
Ab mere dil me pyar ho ke na ho

Marg e amboh dekh aate hain!!!!
Aankh phir ashkbaar ho ke na ho

Karb e paiham se hogaya pat_thar
Ab ye seenaa figaar ho ke na ho

Phir yahi rut ho ain mumkin hai
Par tera intezaar ho ke na ho

Shakh e zatoon ke amiN hum hain
Shahr me ishtehaar ho ke na ho

Daagh e dil hum dikhaye jate hain
Us pe hai _ Sharmsaar ho ke na ho

by: Ghalib Ayaz