Baat karni mujhe mushkil

[SADAFASLAM]

Baat karni mujhe mushkil kabhi aisi to na thi
jaisi ab hai teri mehafil kabhi aisi to na thi

le gayaa chheen ke kaun aaj tera sabr-o-qaraar
beqaraari tujhe ae dil kabhi aisi to na thi

chashm-e-qaatil meri dushman thi hamesha lekin
jaise ab ho gaee qaatil kabhi aisi to na thi

unn ki aankho'n ne KHUDA jaane kiya kya jaadu
ke tabiyat meri maa'il kabhi aisi to na thi

aks-e-rukh-e-yaar ne kis se hai tujhe chamkaaya
taab tujh mein maah-e-qaamil kabhi aisi to na thi

kya sabab tu jo bigadta hai "Zafar" se har baar
khu teri hoor-e-shamaa'il kabhi aisi to na thi.

[BAHADUR SHAH ZAFAR "ZAFAR"]

[Dr Fausts]

Re: Baat karni mujhe mushkil

Bazouq Intekhab Ha sadafaslam



Shukria Itni Qulaity POst hum sa share karny ka

[WASI ANJUM]

Re: Baat karni mujhe mushkil

waah bahot khoobsurat sharing janab

[*Hala*]

Re: Baat karni mujhe mushkil

ha! buht hai umdaa

[khan khan]

Re: Baat karni mujhe mushkil

Umdah Intakhaab.