Jung Talti Rahe To Behtar Hai

[heenathair]

Jung talti rahe to behtar hai

Poem by Sahir Ludhianvi

Ae Sharif Insaanoen Khoon apna ho ya paraaya ho

Nasl-e-adam ka khoon hai aakhir

Jung mashriq mein ho ki magrib mein

Amn-e-alam ka khoon hai aakhir

Bomb gharoen par giren ya sarhad par

Rooh-e-ta'amir jakhm khaati hai

Khet apne jalein ki auroen ke Jis't faakoen se tilmilaati hai

Tank aage badhe ki peeche hatein Kokh dharti ki baanjh hoti hai

Fatah ka jash'n ho ki haar ka sog Jindegi mayatoen pe roti hai

Jung to khud hi ek mash'ala hai Jung kya mash'aloen ka ha'l degi

Aag aur khoon aaj bakhshegi Bhookh aur eh'tiyaj kal degi

Is liye ae sharif insaanoen Jung talti rahe to behtar hai

Aap aur hum sabhi ke aangan mein Shamaa jalti rahe to behtar hai

Bartari ke suboot ki khaatir Khoon bahaana hi kya zaroori hai

Ghar ki taarikiyan mitaane ko Ghar jalaana hi kya zaroori hai

Jung ke aur bhi toh maidan hai Sirf maidaane kushtoen-khoon hi nahni

Haasil-e-zindagi khi'rad bhi hai Haasil jindagi joonon hi nahni

Aao is tirabakht duniya mein Fiqr ki roshni ko aam karein

Aman ko jinse taqbiyat pahunche Aisi jung-oen ka ehtimam karen

Jung, baha'sat se barbiriyat se Aman, tahaziboen irtika ke liye

Jung, magr-afreen shiyasat se Aman, insaan ki baka ke liye

Jung aflaas aur gulaami se Aman behtar nizm ke khaatir

Jung, bhatki huyi qiyaadat se Aman, bewas aawam ke khaatir

Jung sharmaaye ke tas'loot se Aman, jumhoor ki khooshi ke liye

Jung, jungoen ke falsafe ke khilaaf Aman, pur'an jindagi ke liye

Is liye ae sharif insaanoen Jung talti rahe to behtar hai

Aap aur hum sabhi ke aangan mein Shamaa jalti rahe to behtar hai

Bismillah-ur- Rahmaan-ur- Rahieem

Asallam-o-Aallikum

yeh bari khubsurat poem hai khas ker aaj kal jo India or Pakistan ki tension chal rahi.

Please please please, people all Indian and Pakistanis kiya hum jung chahte hain nahi jung kisi masla ka hal nahi hai kiya kuch logoun kay khrab honay say hum sab buray hojate hain.

Kiya hum eik nahi humari eik hi zameen nahi kiay humary emotions eik jaisay nahi sirf sarhadein dal denay say hum dusmun kyon hogai

Think well humko eik dosray kay khilaf nahi balqay eik dosray kay sath milker terrorist kay khilaf larna hai

Aun ka maqasd hi yehi hai kay India Pakistan kay bech peace nah ho yehi chahte hain who log kay hum apas mein larein aur who faida authaein.

Mein yeh nahi kahoun gi kay I am Pakistani aur Indian first of all I am a human jo Mumbai mein howa hum sab buth dukh hai afsoos hai aap sab humarya apne hain we all are one.

Nafratoun ko rokein Pyar phelien Ayien mil ker kaam karein

[Gul]

Re: Jung Talti Rahe To Behtar Hai

Buhat khoobsoorat POem ..
Koi b jang nahi chhata magar kuch mafad parast

Allah Taalah INN sab ko naiki ki hadayat de
jo sirf zidd aur Anan k masaa`el ko issue bana k
Masoom logoun ki janoun se kheltay hein

Allah Hamein shar pasnad beyrooni aur androoni awamil se door rakhay ameen sum ameen

[Soulmate]

Re: Jung Talti Rahe To Behtar Hai

Buhat khoobsoorat POem ..
Koi b jang nahi chhata magar kuch mafad parast

Allah Taalah INN sab ko naiki ki hadayat de
jo sirf zidd aur Anan k masaa`el ko issue bana k
Masoom logoun ki janoun se kheltay hein

Allah Hamein shar pasnad beyrooni aur androoni awamil se door rakhay ameen sum ameen

well said sister :thmbup:
buhat achi nazam hai

aur jung tu aik laanat hai .... Allah Pak hame is se mehfooz farmyae :dua

[heenathair]

Re: Jung Talti Rahe To Behtar Hai

Aasallam-o-Aalllikum,
thank you for liking the poem aapki replies ka buht buht shukira sahi kaha hai aap logoun kay ALLAH tallah humein aisay tamam logoun say bachai apnay mafad kay liye jo bay gunah logoun ko marte hain aur islam ko bad naam ker rahay hain.

[life.]

Re: Jung Talti Rahe To Behtar Hai

so nice.................

[hashambutt]

Re: Jung Talti Rahe To Behtar Hai

Buhat khoobsoorat Poem TFS :lpop: