mere agaoN ke ek shaa'ir kaa ustaadaanah kalaam...ZAROOR paRhiye, shukria

[SherAli]

salaam dosto,

aaj maiN apne gaaoN ke ek aise shaa'ir kaa kalaam pesh karne kii jasaarat kar rahaa huN jo gumnaam rahe magar soHbat urdu shaa'irii ke 'azeem sho'araa kii uThaaii...vo kisi qeemat par un isaatizah se kamtar na the. un maaya-e-naaz sho'araa meN Jigar Muradabadi, maulvii AsGhar Husain "AsGhar"n GonDvii, Firaaq Gorakhpurii, Harvansh Rai Bachchan, Hasrat Jaipurii, MajrooH Sultanpurii aur Saojini Naidu jaise naamvar shaKhsiyaat ke ismaa-e-giraamii shaamil haiN.

unkaa ism-e-mubaarak thaa...Tufail Ahmad "Shamimi" jinkii vafaat-e-naa_gahaaN 1950 meN ek car ke Haadise men qabl az waqt waaq'e huii. :(

ab aap is Ghazal ko mulaaHizah farmaaiye jo bahr-e-sanglaaKh meN hai:


1.
tirii baaNsurii kii sureelii lai miraa hosh uRaa ke chalii gaii
Gham-e-dil kii aaNkh zaraa lagii thii k phir jagaa ke chalii gaii

2.
tire noor-o-rang meN maHv-o-gum vo suhaanii raat bahaar kii
kabhii yaad aayii jo naa_gaahaN miraa dil dukhaa ke chalii gaii


3.
mire dil kii aaNkh bujhii huii, na vo dard hai na vo justujuu
maiN tirii nazar ke nisaar yeh mujhe kia banaa ke chalii gaii

4.
na sharar, na barq, Haseen shab meN vo nakhatoN se lateef_tar
mire soz-e-dil kii lapak thii yeh, jo mujhe jalaa ke chalii gaii

5.
tiraa vo lateef fusuuN-kada k guzar na naala na naGhme kaa
mire zauq-e-deed kii be-kalii Gham-e-yaas uThaa ke chalii gaii

[MuQadas]

Re: mere agaoN ke ek shaa'ir kaa ustaadaanah kalaam...ZAROOR paRhiye, shukria

mire dil kii aaNkh bujhii huii, na vo dard hai na vo justujuu
maiN tirii nazar ke nisaar yeh mujhe kia banaa ke chalii gaii

wow really nice sharing 2good

[*Hala*]

Re: mere agaoN ke ek shaa'ir kaa ustaadaanah kalaam...ZAROOR paRhiye, shukria

w.salam
buht khubsurat lekha hai.
per kuch mushkil alfaz ka samna hota hai apki shairy mein :)

[SherAli]

Re: mere agaoN ke ek shaa'ir kaa ustaadaanah kalaam...ZAROOR paRhiye, shukria

mire dil kii aaNkh bujhii huii, na vo dard hai na vo justujuu
maiN tirii nazar ke nisaar yeh mujhe kia banaa ke chalii gaii

wow really nice sharing 2good

shukria Muqaddas aapkaa k aapne Ghazal pasand kii aur apnii pasand ke she'r kii nishaan-dehii bhii kii...shukria :)

[SherAli]

Re: mere agaoN ke ek shaa'ir kaa ustaadaanah kalaam...ZAROOR paRhiye, shukria

w.salam
buht khubsurat lekha hai.
per kuch mushkil alfaz ka samna hota hai apki shairy mein :)

salaam Sis...sab se pahle to yeh Ghazal me kii nai hai...me ke gaaoN ke ek uncle kii hai. sorry k aapko mushkil hotii hai par agar aapko koi help chaahiye to me ko bataaiyegaa...maiN help karne kii koshish karuuNgaa :) thankoo

[SherAli]

Re: mere agaoN ke ek shaa'ir kaa ustaadaanah kalaam...ZAROOR paRhiye, shukria

agar kisi dost kii nazar is par nahiiN paRii to ab dekh leN...shukria

[MuQadas]

Re: mere agaoN ke ek shaa'ir kaa ustaadaanah kalaam...ZAROOR paRhiye, shukria

agar kisi dost kii nazar is par nahiiN paRii to ab dekh leN...shukria

kia dekh lain:donno:

[life.]

Re: mere agaoN ke ek shaa'ir kaa ustaadaanah kalaam...ZAROOR paRhiye, shukria

w.salam
buht khubsurat lekha hai.

[SherAli]

Re: mere agaoN ke ek shaa'ir kaa ustaadaanah kalaam...ZAROOR paRhiye, shukria

kia dekh lain:donno:

Ghazal par baba aur nahiin to kia me par hahaha

[Gul]

Re: mere agaoN ke ek shaa'ir kaa ustaadaanah kalaam...ZAROOR paRhiye, shukria

Khoobsoorat !

[SherAli]

Re: mere agaoN ke ek shaa'ir kaa ustaadaanah kalaam...ZAROOR paRhiye, shukria

Khoobsoorat !

shukria Gul saaHiba :)