Eshaa Ka Intikhaab

[Eshaa Chaudhry]

Re: Ek Qita'a

Shukriya pasand karnay ka ..

[Eshaa Chaudhry]

Re: Ek Qita'a

salam
welldone :clap: .....jhumroo aap ki advice mainey note kar li hai aaenda aissa yunhee karoon gi ... aur juice aapko bhijwa doon gi ...theek hai ?

[Eshaa Chaudhry]

koi baat aisi kiya karo

salam

Koi Baat Esi Kiya Karo,Koi Lafz Esa Kaha Karo
Mile Jis Se Dil Ko Qaraar Sa, Koi Shair Esa Padha Karo


Nahi Dukh Main Es KO Rakha Karo, Kabhie Sukh Bhi Esko Diya Karo
Ye Udas Hai Kayi Roz Se, Mere Dil Main Aa Ke Raha Karo


Jo Kathin Kathin Se Hain Raaste, Ye Sabhi Hain Kyon Mere Waaste
Ye Jo Jal Raha Hoon Main Aag Main, Kabhie Tum Bhi Es Main Jala Karo


Abhi Taq Tumhari He Aas Hai, Mere Dil Ke Ab Bhi Tu Paas Hai
Hai Ye Dil TUmhare Hisaar Main, Ese Meri Jaan Rihaa Karo


Mera Din Ho Ya Meri Raat Ho, Faqat Ek TUmhari He Baat Ho
Abhi Jese Tum Mere Saath Ho, yunhi Mere Sath Raha Karo

[Yaaram]

Re: Tazaad hota !!!!

very nice Eshaa :) keep sharing :)

[Eshaa Chaudhry]

Re: Tazaad hota !!!!

very nice Eshaa :) keep sharing :)

Yaaram pasand karany ka shukriya:)

[ummid]

Re: koi baat aisi kiya karo

nice shairing:phool:

[Eshaa Chaudhry]

Re: koi baat aisi kiya karo

pasand karnay ka Shukriya ummid :-)

[Eshaa Chaudhry]

Re: Jo Bhi dunya kahay is ko maan lena nahin.....

Shukriya saima ji:) and without soul

[Saaram]

Re: Jo Bhi dunya kahay is ko maan lena nahin.....

Assalam_o_alaikum bohat zabardast Eshaa

[Saaram]

Re: Tazaad hota !!!!

very nice:)

[*Rida*]

Re: Tazaad hota !!!!

Assalaam-0-Alaikom:rose

achi hai lakin

[Eshaa Chaudhry]

Jo Tum Nay Thaan hee li hai!!!

Salam,
apni ek pasandeeda nazm share kar rahi hoon hope so pasand aaey ge aap sab ko:)

Jo tUmnay thaan hee li hai
k hamaray dil se niklo gay
To itna jaan lo pyaray
Samandar saamnay hoga agar saahil se niklo gay!
Sitaray, jin ki aankhon nay hamein ek saath dekha tha
gawahee denay aaen gay!
Puranay kaghazon ki balcony se bohat se lafz jhankein gay
Tumhein waapis bulaen gay!
Kaeey waaday, fasadee qarz khawahon ki tarha raastay mein rokein gay
Tumhein daman se pakrein gay
Tumhare jaan khaen gay!!
Chupa kar kis tarha chehra
bhari mehfil se niklo gay!
Zara phir soch lo jana,
Nikal to jaao gay shayad
Magar mushkil se niklo gay!!

[Eshaa Chaudhry]

Meri pasand

Salam,
Kuuch mere pasand PG friends ki nazar.......

Jo utar ke ziinaa-e-shaam se teri chashm-e-Khush me.n samaa gaye
Yahi jalate bujhte se mahar-o-maah mere baam-o-dar ko sajaa gaye

Ye ajiib khel hai ishq kaa mai.n ne aap dekhaa ye mojezaa
Wo jo lafz mere gumaa.N me.n the vo terii zubaa.N par aa gaye

Wo jo giit tum ne sunaa nahii.n merii umr bhar kaa riyaaz thaa
Mere dard kii thii daastaa.N jise tum ha.Nsii me.n u.Daa gaye

Wo chiraG-e-jaa.N kabhi jis kii lau na kisi hava se niguu.N huii
Terii bevafaa_ii ke vaasavaa use chupake chupake bujhaa gaye

Wo thaa chaa.Nd shaam-e-visaal kaa ke thaa ruup tere jamaal kaa
Merii ruuh se merii aa.Nkh tak kisii raushanii me.n nahaa gaye

Yjo bandagaan-e-niyaaz hai ye tamaam hai vo lash_karii
Jinhe.n zindagii ne aman na dii to tere huzuur me.n aa gaye

Terii beruKhii ke dayaar me.n mai.n havaa ke saath havaa huaa
Tere aa_iine kii talaash me.n mere Khvaab cheharaa ga.Nvaa gaye

Tere vaasavaao.n ke fishar me.n teraa sharar-e-rang uja.D gayaa
Merii Khvaahisho.n ke Gubaar me.n mere maah-o-saal-e-vafaa gaye

Wo ajiib phuul se lafz the tere ho.nTh jin se mahak uThe
Mere dasht-e-Khvaab me.n duur tak ko_ii baaG jaise lagaa gaye

Merii umr se na simaT sake mere dil me.n itane savaal the
Tere paas jitane javaab the terii ik nigaah me.n aa gaye





~~~HUM KOI NIRALAY TO NAHIN~~~
Hum koi jug se niralay to nahin hein logo
hum bhi uss daur mein jetey thay jahan
titlian phool hein aur khwab hein aiwanon mein
shehr humko bhi muqaddar mein mila hai jis mein
dharkanein gum hein aur ik shoar se hoo ka alam
hum bhi uss ghar ke makeen hein jis mein
waqt ko kaat'te bujh jati hai iss umr ki lau
aik bemasraf-o-gumnaam iraday ki terhan
hum bhi logon ki terhan hein ke hamein
dukh chupana bhi hai hansna sar-e-bazar bhi hai
hum pe bhi ehd-e-jawani ka azab utra hai
humnay bhi duur kisi shehr mein hanstay huey
bastay huey ik shakhs ko chaha hai bohat
in hawaon ko sada jana hai
jaise uss shehr se paigham-e-wafa laai hein
dharkanein ankh ka ansoo too nahin hein laikin
hum nay gin gin ke ganwai hein kisi shakhs ke naam
hum niralay hi too hein...........
humnay iss gham ko gham-e-jaan sa bana rakha hai
umr jis mein na koi aas na ansoo na hansee
humnay uss umr ka afsana bana rakha hai!




~~~~~~~~Badal Main AUr TUm~~~~
Baadal ke or behar ke rishte ajeeb hain!
kali ghata ke dosh per barfon ka rakht hai
jitne zameen pe behtai hain dariiya, sabhi karukh
ik behar be kinaar ki manzil ki simt hai

khuaabon main aik bheegi hui khush dili ke saath
milti hai aashna se koi ajnabi si moj
baadal bhanwer ke haath se laite hain apna rizq
phir us ko bant'te hain ajab be rukhi ke saath

jangal main, sehan baagh, main shehron main dasht main
chashmon main, aabshaar main,jheelon ke tasht main
gahe ye oss ban sanwerte hain berg berg
gahe kisi ki aankh main bherte hain is tarah
aansoo ki aik boond main dajla dikhaai de
or doosray hi pal main jo dekhon to door tak
raig-e-rawan-e-rawan-e-dard ka sehra dikhaai de!

baadal ke or behr ke jitne hain silsilay
mujh se bhi teri aankh ke rishte, wohi to hain!!




~~~~~Mohabbat Ki Hai~~~~~~
Teray ikhlaas say mohabbat ki hay
teray ehsaas say mohabbat ki hay
tu meray paas nahin phir bhi
teri yaad say mohabbat ki hay
main tumko kis tarah bhool sakta hoon
main nay teray oasaaf say mohabbat ki hay
kabhi tu nay bhi mujhey yaad kia hoga
main nay un lamhaat say mohabbat ki hay
jin main houn sirf teri or meri baatain
main nay un oaqaat say mohabbat ki hay~!!




Kabhi Tum Nay Ye bhi Socha
Kabhi tum ney yeh bhi souchaa
Ke tumhaarey dil-giriftaa
Tumhein kitnaa chahtey hei'n
Tumhein zindagee sey barh ker
Joo aziz ham ney jaana
Safar koi sabab tou ho gaa
Kabhi tum ney yeh bhi souchaa
Ke tumhaarey dil-giriftaa
Pas-e-Baam-o-dar akailey
Kisi shamma-soukhtaa sey
Yeh joo ker rahey hein baatei'n
Tumhein kitnaa chahtey hei'n
Tumhein rouz-o-shab kay dukhh mei'n
Kabhi bhoolna bhi chaahei'n
Tou kabhi na bhool paai'n
Ke yeh aihd-e-zindagee hai
Jissey tourna bhi chahein
Tou kabhi na tour paai'n..!!!





~~~Tumhein Hum Yaad Karte hain~~~
Suno jana
bhut hi bay sukooni hai hamari zaat k andar
bhut masroof rehna par raha hai
bhut se kaam hain
jo apne zimmay le rakhe ham ne
magar sare jhameloon mein
tumhari yaad ka woh ik jugnoo , ab bhi chamke to
yeh ankhein bheeg jati hain
tumhari yaad k roshan sitaray timtimatay hain
to dil kuch bojh sa jata hai
mein sab kuch chor k
woh ik jugnoo ik tara
hatheli mein daba k
hawa k sang apne sare dukh bant ata hon
hawa ko sab pata hai
mere dil ki khabar hai
meri palkoon k ansoo
jazb kar k nam si hoti hai
suno janaa
bhut hi bay sukooni hai hamari zaat k andar
likin !!!
tumhein ham yaad karte hain.





~~~Kis Tarha Sajatay Ho~~~~~~
Kis Tarhaan Sajaatay Ho
Maslehat Ki Shaamon Main
Mehfilain Muhabat Ki
Aur Mohabatain Bhi Wo
Saal Bhar Mehak JinKi
Dil Ki Saari Galiyoon Main
Raqs Karti Phirti Hain

Kis Tarhaan Sajaatay Ho
Andhion Kay Mausam Main
Tum Deeyay Rafaqat Kay
TumJo Payaar Ki Dolat
Apnay Dil Kay Haatoon Say
KhushBoowon Ki Baaton Say
IsTarhaan Lutaatay Ho
JisTarhaan Koi Jugnoo
Shab Kay RaigZaaroon Par
Roshni Lutaata Hai
TumJo Habs Mausam Main
Ik Hawaa Ka Jhonka Ho
Kis Taraah Sajaatay Ho
Maslehat Ki Shaamoon Main
Mehfilain Muhabat Ki

Kuchh Humain Bhi Batlaao
Kuchh Humain Bhi Sikhlao
Hum To Apnay Sehraa Kay
Be-Nawaa Musaafir Hain
Hum Tumhaaray Jazboon Ki
Naik Si Fizaaoon Main
Phool Jaisay Geetoon Ki
Raqs Karti Khushboo Kay
Be-Qaraar Shaayar Hain.






~~~~Batein Us KI~~~~

Chehra mera tha nigahein us ki
Khamshi may bhi wo batien us ki


Meray cheray pay gazal likhti gaey
Shair kehti hui ankheen us ki


Shokh lamhoo ka patta denay lagey
Taiz hoti hui sansay us ki


Aisay musam bhi guzaray hum nay
Subhein jab apni thi shamein us ki


Dheyaan may us kay yeh alaam that kabhi
Ankh mehtab ki yadeen us ki


Faisla maujh-e-hawa nay likha
Andhyaan mere baharein us ki


Khud pay bhi khulti na ho jis ki nazar
Janta kaun zubanein us ki


Neend us ki soch say tuti aksar
Kis tarha kat-ti hain rateen us ki


Duur reh kar bhi sada rehti hai
Mujh ko thamay huaay bahein us ki





~~~~KAbhi Yaad AAo TO~~~
Kabhi yaad ao tou is tarah
K laho ki saari tamazatain
tumhain dhoop dhoop samet lain
tumhain hurf hurf main soch lain

Kabhi yaad ao tou is tarah
k dil-o-nazar main utar sako
kabhi yaad se jesay junoon berhay
tou awaaz ban k bikhar sako

kabhi yaad ao tou is tarah
kabhi khul sako shab-e-wasal main
kabhi khoon-e-dil main dorr sako
sar-e-reh guzar jo milo kabhi
na teher sako na guzar sako

mera dard phir se ghazal banay
kabhi gungunao to is tarah
neray zakhm phir se ghulab hon
kabhi muskorao tou is tarah
meri dharkanain bhi laraz uthain
kabhi chot khao tou is tarah

jo nahi tou phir baray shouq se
sab raabtay sabhi zaabtay
kabhi dhoop cha'oon main torr do
na shikasta dil ka sitam saho
na sono kisi ka azaab-e-jaa'n
na kisi se apni khalish kaho
yu'n khush khush phiro yu'n khush raho

na ujarr sakain na sanwar sakain
kabhi dil dokhao tou is tarah
na simat sakain na bikhar sakain
kabhi bhool jao tou is tarah kisi torr jaan se guzar sakain
kabhi yaad ao tou is tarah....






~~~~~~ZINDAGI SE DARTAY HO~~~
Zindagii se Dartey ho
Zindagii to tum bhi ho, Zindagii to hum bhi hain
Aadami se Dartay ho
Aadami to tum bhi ho ,Aadami to hum bhi hain
Aadami zubaan bhi hai, Aadami bayaan bhi hai
Is se tum nahin Darte
Harf aur maani ke rishte haaye aahan se aadmi hai vaabasta
Aadmi ke daaman se zindagi hai vaabasta
Is se tum nahin Dartay
Jo abhi aaeey nahin us ghari se Dartay ho
Us ghari ke aanay ki aagahee se Dartay ho
Pehle bhi to guzray hain
Daur Naar-saai k, beriyaa Khudai k
Phir bhi ye samajhtay ho, hech aazarumandi
Tum yahi samajhtay ho, tum magar ye kya jaano
Lab agar nahin hilte haath jaag uth-te hain
Haath jaag uthte hain raah ka nishaan ban kar
Noor ki zubaan ban kar
Haath bol uthte hain subah ki azaan ban kar
Roshni se Dartay ho
Roshni to tum bhi ho, Roshni to ham bhi hain
Shehar ki faseelon par
Dev ka jo saayaa tha, paak ho gaya aakhir
az_dahaam-e-afsaan se fard ki nava aaeey
Zaat ki sada aai
Raah-e-shauq mein jaise raah_ravi Khoon lapke
Eik naya junoon lapke
Aadmi chhalak uthe
Aadami hansey dekho, shehar phir base dekho
Tum abhi se Darte ho
Haan abhi to tum bhi ho, haan abhi to ham bhi hain
Tum abhi se Dartey ho.





~~~~~EK khaab hai ~~~~
Meri zindagi main bus
ik kitaab hay
ik charaagh hay
ik khuwaab hay
or tum hou
yeh kitaab-o-khuwaab k darmiyaan jo manzilain hain
main chahta tha
tumhaarey saath basar karoon
yehi kul asasa-e-zindagi hay
isi ko zaad-e-safar karoon
kisi aur simt nazar karoon tou
meri dua main asar naa hou
meray dil ke jaada-e-khush khabar pay
bajuz tumhaarey kabhi kisi ka guzar naa hou
isi ehtiyaat main saari umr guzar gayi
woh jo aarzoo thi kitaab-o-khuwaab k saath
tum bhi shareek ho wohi murgayi
isi kashmakash nay kayeen sawaal uthayey hain
woh sawaal jin ka jawaab meri kitaab main hay na khuwaab main
meray dil ke jaada-e-khush khabar ke rafeeq
tum hee batao phir ke yeh kaarobaar-e-hayaat kis ke hisaab main
Meri zindagi main bus ik kitaab ik charaagh hay
Aik khuwaab hay or Tum hou!!






~~~~Khahish~~~
Koi mujhko mera bharpoor saraapa ladey
Mere baazoo meri aankhen mera chehra la dey

Aisa dariya jo kisi aur samandar mai girey
Is se behter hai ke mujhko mera sehra la dey

Kuchh nahee chahiye tujh se meri ai umr-e-rawan
Mera bachpan mere jugnoo meri gudia laa dey

Jiski aankhen mujhe ander se bhi padh sakti hon
Koi chehra to mere sheher mai aisa la dey

Kishti-e-jaan to bhanwar mai hai kai barson se
Aey Khuda ab to dubo dey ya kinara la dey







~~~KABHI YUN BHI AA ~~~~
Kabhi yun bhi aa meri aankh main ki meri nazar ko khabar na ho
Mujhe ek rat navaz de,magar uske bad sahar na ho

Wo badaa rahim-o-karim hai mujhe ye sifat bhi ataa kare
tujhe bhulne ki dua karoon, to meri dua main asar na ho

Mere bazuon main thaki-thaki, abhi mahv-e-khwab hai chandani
Na uthe sitaron ki palki, abhi aahton ka guzar na ho

Ye ghazal ki jaise hiran ki aankh main, pichhali rat ki chandni
Na bujhe kharabe ki raoshani,kabhi becharagh ye ghar na ho

Kabhi din ki dhoop main jhoom ke,kabhi shab ke phool ko choom ke
Yun hi sath-sath chalen sada,kabhi khatm apna safar na ho.







~~~~~EK BAAR PHIR AJNABI HO JAEN~~~~
Chalo ek baar phir say ajnabi ban jain hum dono,
Na main tum say umeed rakhoon dil nawazi kee,
Na tum meri taraf daikho ghalat andaaz nazron say,
Na meray dil kee dharkan larkaray Teri baaton say,
Na zahir ho tumhari kashmakash ka raaz nazron say.
Tumhain Bhi koi Uljhan roktee hai paish qadmi say,
Mujhey bhi log kehtay hain yeh jalway para-ay hain.
Meray humrah bhi ruswa-e-yan hain meray maazi kee,
Tumharay saath bhi guzree huee raaton kay sa-ey hain.
Taruff rog ho jaey tau usska bhoolna behtar,
Taalluq bojhe ban jaey tau uska torna acha.
Woh afsaana jissay anjaam tak lana na ho mumkin,
Ussay ik khoobsoorat mor day kar chorna acha.
Chalo ik baar phir say ajnabi bun jain hum dono!!!



~~Teri khushbu~~

Teri khushbu
hawa ke sabz daaman main basi
to soch ne aankhon main khuahish ke dareechay khol ker dil se kaha
Khuda shahid
ke hum ne aaj tak bichray huon ko phir kabhi miltay huay nahin dekha ,
mager hairat sama'at per ke aahat usi ki hai
jisae tum ne gunwaya tha
judaai ki hawa jis ke mehaktai jism ki khushbu se khali thi
jisay khone ka her lamha naye mausam ka haasil tha
sitaaray jis ki surat daikhne her shab nikalte hain
nizaaray haath malte hain
yakayak shehr ki galion main us ke naam ki khushbu uri main ne
rafaqat ke puraane lehjay main usay aawaz di
us ne mujhay dekha
mager us ki nigahon se faqat hairathaweeda thi
ke jaise poochta ho is takhatub ka sabab kia hai!
wohi chehra, wohi aankhain, wohi khush wuza'a paiker tha
ke jaisay maosmon ka ghun usay choonay se qasir ho!
main bacchay ki tarah shashader khara tha
us ne baalon ko jhatak ker DOOBTAY sooraj ko ghoora!
raastay ko aankh main tola , mujhay daikha
"safer lamba hai" wo bola,
meri manzil tumhari rehguzer se sainkron fersang aagay hai
Khuda hafiz!



~~~~~KHWAB TOO JATAY HAIN~~~
khuab toot jatey hain
bheerh main zamaney ki haath choot jatey hain
dost'daar lehjey main silwatain si parti hain
ik zara si ranjish sey
shak ki zard tehni per phool badgumani key
is tarah sey khiltey hain
zindagi sey piyarey bhi
ajnabi sey lagtey hain,gher ban ke miltey hain
umer bher ki chahat ko aasra nahin milta
khamshi ke waqfon main
baat toot jati hai aur sira nahin milta
maazrat key lafzon ko roshni nahin milti
lazzat-e-pazirai phir kabhi nahi milti
phool rang wadon ki manzilain sukerhti hain
raah murhney lagti hai
bey rukhi key garey sey bey dili ki mitti sey
fasley ki eenton sey eent jurney lagti hai
khaak urhney lagti hai
khuab toot jatey hain
wahmon ke saaye sey umar bher ki mahnet ko
pal main loot jatey hain
ik zara si ranjish sey
saath toot jatey hain
bheerh main zamaney ki
haath choot jatey hain
khuab toot jatey hain ...


~~~~KOI NAZM AISI LIKHOON~~~~
Koi nazm aise likhon kabhi
teri baat baat ki roshni
mere harf harf main bhar sakey
tere lams ki ye shaguftugi
mere jism o jaan main utar sakey
koi chaandni, kisi gahrey rang k raaz ki
mere rastoon main bikar sakey
Teri guftugu se banaoon main
koi dastan koi kahhashan
hoon mohabaton ki tamazateen bhi kamal tarah se mehrban
tere bazooN k hisar main
Tere pyr ki panahon main
teri justuju k chiragh ko sare shaam dil main jalaoon main
isi Jhilmilati si shaam main
likhoon nazm jo tera roop ho
kaheen sakht jaroon main aik dam jo chamak uthay
koi khushgawar si dhoop ho
jo wafa k taal k raQs ka
koi jeeta jagta sa Aks ho
koi nazm aise likhoon kabhi
k har aik lafz k haath main
tere naam key
tere harf taza kalam k
kai raaz hoon
jiheen munkashif bhi karoon agar
tu jahan e shair k baab main
mere dil main rakhi kitab main
tere chashm o lab bhi chamak uthaiyen
mujhe roshni ki fizaoon main kahen ghair laiyen
koi nazm aise likhoon kabhi.......

[Masood]

Re: Meri pasand

Ye ajiib khel hai ishq kaa mai.n ne aap dekhaa ye mojezaa
Wo jo lafz mere gumaa.N me.n the vo terii zubaa.N par aa gaye

eesha bohat umdah - Mujhey Amjad Islam bohat pasand hain bohat umdah aur dil ko chhu janey waley alfaaz sey shairi kartey hain. Thanks for beautiful collection :)

[Eshaa Chaudhry]

Re: Meri pasand

eesha bohat umdah - Mujhey Amjad Islam bohat pasand hain bohat umdah aur dil ko chhu janey waley alfaaz sey shairi kartey hain. Thanks for beautiful collection :)

pasand karnay ka Shukriya Masood , Amjad Islam Amjad merey bhi pasandeeda shayar hain , sahi kaha aap nay k un likha kalam mann ko chhu jata hai.......:)