Eshaa Ka Intikhaab

[Masood]

Re: Aey Sitara-e-Shab-e-Zindagi

Bohat achha intikhaab hai eesha - keep sharing :)

[Eshaa Chaudhry]

MAin tujhey chahta nahin lekin!!!


Main tujhey chahta nahin lekin
Phir bhi jab tu pass nahin hoty
Khud ko kitna Udaas pata hoon
Gumm se apnay hawas pata hoon
Janay kia dhunn samaeey rehty hai
Dil se bhi guftugu nahin hoty
Main tujhey chahta nahin lekin
Phir bhi reh reh k mere kaano mein
goonjti hai teree haseen aawaz
Jesay naadeeda koi bajta saaz
Her sada nagawar hoty hai
Dil ki Dharkan bhi Baar hoty hai
In sakoot aashna tarano mein
Main tujhey chahta nahin lekin

[Eshaa Chaudhry]

Jo Bhi dunya kahay is ko maan lena nahin.....

Salam

Haan,Suno Dosto!!!
Jo bhi dunya kahay
Us ko parkhay bina maan lena nahin
Sari dunya ye kehtee hai
Parbat pe charhnay ki nisbat uterna bohat sehal hai
Kis tarha maan lein
Tum ne dekha nahin!
Sarfarazi ki dhunn mein koi aadmi
Jab bulandi k raastay per chalta hai to
saans tak theek karnay ko rukta nahin
Aur usee shakhs ka
Umr ki seerhiyon se utertay huey
Paaon uthta nahin
Is lieey dosto jo bhi dunya kahay
Us ko parkhay bina, maan lena nahin
Sari dunya ye kehty hai
Asal safar to musaafir ki aankhon mein phela huaa khaab hai
Kis tarha maan lein
Tum nay dekha nahin
Umr k is sarab-e-ajal khaiz mein
Khaab to khaab hain
Hum khuli aankhon se jo bhi kuch dekhtay hain hain
Wo hota nahin
Raastay k lieey(raastay ki tarha)
Aadmi apnay khaabon ko bhi kaat detay hain lekin!!!
Sulagta huaa raasta
Phir bhi kat-ta nahin
Is lieey dosto!
Jo bhi dunya kahay
Us ko parkhay bina, maan laina nahin

[Yaaram]

Re: Jo Bhi dunya kahay is ko maan lena nahin.....

Bohat umdah thanx for sharing Eshaa and keep sharing :)

[Yaaram]

Re: MAin tujhey chahta nahin lekin!!!

Bohat sada aur umdah nazm hay ......thanx for sharing :)

[Eshaa Chaudhry]

Re: MAin tujhey chahta nahin lekin!!!

salam
pasand karany ka shukriya .......:)

[Eshaa Chaudhry]

Re: Jo Bhi dunya kahay is ko maan lena nahin.....

Salam .
Thanks Alot .....

['SamRazi']

Re: Jo Bhi dunya kahay is ko maan lena nahin.....

Very nice sharing Eshaa :rose

keep sharing :)

['SamRazi']

Re: MAin tujhey chahta nahin lekin!!!

Very nice :)

[Withoutsoul]

Re: Jo Bhi dunya kahay is ko maan lena nahin.....


SO BEAUTIFUL SHARING

[Withoutsoul]

Re: MAin tujhey chahta nahin lekin!!!


WAHHHHHHHHHHHHHHHHHH

BOHT ZABARDAST

MAIN TUJHAY CHAHTA NAHI LEKIN
WAHHHHHHHHHHHHHHHHHH

[Eshaa Chaudhry]

Ek Qita'a

Salam,
Ek nazm ka kuch hissa pesh karty hoon Umeed hai pasand aaey ga....Mera fav: hai

"Wo Bhoolta hai Na dil mein utaarta hai mujhey
Hamesha maar mohabbat ki maarta hai mujhey
Main us ka lamha-e-mojood hoon magar wo shakhs
fazool waqt samajh k guzaarta hai mujhey"

[D@y W@lk3r]

Re: Ek Qita'a

woah zaberdast foran apni dairy main notre kiya hain, thanxxxx

[Yaaram]

Re: Ek Qita'a

very nice keep sharing :)

[Eshaa Chaudhry]

Tazaad hota !!!!

Salam!!!

Ek aur nazam pesha-e-khidmat hai pegham members k lieey ...

Hum Aapas mein ishq kartay hain
magar tumharay aur meray darmiyaan
mohabbat ka nahin, gurez ka rishta hai
jo main chahta hoon, tum bhi wohee chahty ho
jo main nahin chahta, tum bhi wo nahin chahteen
is k bawajood jab hum qareeb aatay hain
to ek doosrey se mumasilat
hamein khaufzada kar dety hai
kaash tum wo na chahtay jo main chahta hoon
kaash main wo na chahta jo tum chahtay ho
mohabbat ka almiya ye nahin hai
k hum ek doosray se mukhtalif hain
ya gurez paa hain
mohabbat ka almiya ye hai
k hum ek doosrey se mumasilat rakhtay hain
qareeb aana chahtay hain
hum chhon k ek doosray ki tarha hain
is liey qareeb nahin aa saktay
kaash hum ek doosray ki tarha na hotay
aur ye tazaad
hamein ek doosray k saath jakar layta