tumhein pyaar kar lain

[D!l_J@Le]

Assalam-0-Allaikum dosto umeed hai ke aap saab khush bash aur kheriyat se hon gey duaa bhi yahi hai meri...:dua

aik ghazal hai meri taraf se umeed hai pasand aaye gi...:)

tumhein pyaar kar lain

haseen chaand ki chaandni ghat rahi hai
seyahi ke parde se pao phat rahi hai
ufaq ki taraf roshni bat rahi hai
magar tum ko abb zabaan rat rahi hai

bas aao gale ka tumhein haar kar lain
bicharne se pehle tumhein pyaar kar lain

Khuda jane phir kya zamana dikhaye
ye mousam palat ke phir aaye na aaye
na jane ye takdeer kya gul khilaaye
jawaani kehein yun hi mujhaa na jaye

muhabbat se hasti ko zarkaar kar lain
bicharne se pehle tumhein pyaar kar lain

ghanemat ye din hain ke hum tum jawaan hain
muhabbat ke aakaash ki kehkashaan hain
azal hi se roman ki dastaan hain
adam ke safeene pay, lekin rawaan hain

zara umar ki sust raftaar kar lain
bicharne se pehle tumhein pyaar kar lain

farebi zamane ki har reet jhooti
chamakdar balon ki ye bhait jhoti
kahein haar sachi kahein jeet jhoti
magar tarq hum tum karen peet jhooti

haqeeqi muhabbat ka ikraar kar lain
bicharne se pehle tumhein pyaar kar lain

samaaj aor mazhab hain uljhao donon
muhabbat ke seene pay hain ghaao donon
magar aik kaghaz ki hain naao donon
unhein ghark darya karen aao donon

tabeeyat ko rasmoun se bezaar kar lain
bicharne se pehle tumhein pyaar kar lain

chalo aik basti alag hum bassain
jahaan fitrat paak ke geet gaain
jahaan shouq ki har tamana metaain
jahaan donon azaad dil muskurain

muhabbat ki ikk naao teyaar kar lain
bicharne se pehle tumhein pyaar kar lain



khush rehye sada
ameen sum ameen

[La'hasil]

Re: tumhein pyaar kar lain

Buhat Khooob

[farahan]

Re: tumhein pyaar kar lain

Nice

[D!l_J@Le]

Re: tumhein pyaar kar lain

Buhat Khooob

thnxxxxxxxxxxxxxxxxx la'hasil....
behad shukariya pasand karne ka... kahin aisa to nahi app waise hi enrty marti hain mujhe khush karne ke liye :khi:

agar sach main pasand aayi hai to behad shukariya janab...
aap logon ke saaye main hain kuch kar hi jain gey INSHALLAH


sada khush rehey
:dua

[D!l_J@Le]

Re: tumhein pyaar kar lain

Nice

farahan jee thnx alot

take carz
b happy :dua