Tum na samjho ge

[Aania]

Tum na samjho ge tumhein haal sunaaon kaisay
Hijr mein mujh pe hai kya guzri bataaon kaisay

Woh musaafir tha dar-e-adm thi manzil uski
Ajal ke haath se mein waqt churaaon kaisay

Qasr-e-ulfat bhi kiya mein ne taameer magr
Jiski uftaad hi ho khusta bachaaon kaisay

Mausam-e-gul mein tu ahbaab bhi thay mujhko aziz
Ab inhi kaanton se daaman mein bachaaon kaisay

Dil-e-wahshi ko paband-e-salasil rakhoon
Dum-e-maazi se farda ko churhaaon kaisay

Tinka tinka jo kiya phir kahin aashiana bana
Bijlian apne hi aangan mein giraaon kaisay

Kuch khata unki thi, kuch apni bhi thi Rizwan
Ashk-e-naadim ko aankhon mein chupaaon kaisay

[Yaaram]

Re: Tum na samjho ge

Bohat umdah Aania :rose :)

['SamRazi']

Re: Tum na samjho ge

Buhut khoobsurat Intikhab hai dear :phool:


share kerne ke liyeh shukriya :rose

[sheem]

Re: Tum na samjho ge

hmm nice one dear:phool:

[Aania]

Re: Tum na samjho ge

thnx all.......thnx u so much ..... :hug: