Aania's Choice

[ummid]

Re: Bas itni si inaayat mujh pe aik baar kijiye

exellent aano:clap:
bauhat hi acchi ghazal hai..:thmbup:

[Withoutsoul]

Re: Bas itni si inaayat mujh pe aik baar kijiye


Hame na dikhaye ye daulat ye shohrat
Hu pyaar k bhookhe hain hamay pyaar kijye

NICE SHARING

[*Rida*]

Re: Bas itni si inaayat mujh pe aik baar kijiye

Assalaam-0-Alaikom:rose

nice one

[Aania]

aa bhii jaao kii zindagii kam hai

aa bhii jaao kii zindagii kam hai
tum nahii.n ho to har Khushii kam hai

vaadaa kar ke ye kaun aayaa nahii.n
shahar me.n aaj raushanii kam hai

jaane kyaa ho gayaa hai mausam ko
dhuup ziyaadaa hai chaa.Ndanii kam hai

aa_iinaa dekh kar Khayaal aayaa
aaj kal un kii dostii kam hai

tere dam se hii mai.n mukammal huu.N
bin tere terii 'Yamini' kam hai

Yamini das

[Aania]

Re: aa bhii jaao kii zindagii kam hai

aa chaa.Ndanii bhii merii tarah jaag rahii hai
palako.n pe sitaaro.n ko liye raat kha.Dii hai

ye baat ki suurat ke bhale dil ke bure ho.n
allaah kare jhuuTh ho bahuto.n se suunii hai

vo maathe kaa matalaa ho ki ho.nTho.n ke do misare
bachapan kii Gazal hii merii mahabuub rahii hai

Gazalo.n ne vahii.n zulfo.n ke phailaa diye saaye
jin raaho.n pe dekhaa hai bahut dhuup ka.Dii hai

ham Dehli bhii ho aaye hai.n Lahore bhii ghume
ai yaar magar terii galii terii galii hai


Bashir Badar

[Aania]

Re: aa bhii jaao kii zindagii kam hai

aisaa lagataa hai zindagii tum ho
ajanabii jaise ajanabii tum ho

ab ko_ii aarazuu nahii.n baakii
justajuu merii aaKhirii tum ho

mai.n zamii.n par ghanaa a.Ndheraa huu.N
aasamaano.n kii chaa.Ndanii tum ho

dosto.n se vafaa kii ummiide.n
kis zamaane ke aadamii tum ho

Bashir Badar

[Aania]

Re: aa bhii jaao kii zindagii kam hai

duaa karo ki ye paudhaa sadaa haraa hii lage
udaasiyo.n se bhii cheharaa khilaa-khilaa hii lage

ye chaa.Nd taaro.n kaa aa.Nchal usii kaa hissaa hai
ko_ii jo duusaraa o.De to duusaraa hii lage

nahii.n hai mere muqaddar me.n raushanii na sahii
ye khi.Dakii kholo zaraa subah kii havaa hii lage

ajiib shaKhs hai naaraaz hoke ha.nsataa hai
mai.n chaahataa huu.N Khafaa ho to vo Khafaa hii lage

nahii.n hai mere muqaddar me.n raushanii na sahii
ye khi.Dakii kholo zaraa subah kii havaa to lage

Bashir Badar

[Withoutsoul]

Re: aa bhii jaao kii zindagii kam hai


BEAUTIFUL..............
BOHT ZABARDAST SELECTION

NO THNX

[Eshaa Chaudhry]

Re: aa bhii jaao kii zindagii kam hai

Nice collection Aano ji...:rose :phool:
ajiib shaKhs hai naaraaz hoke ha.nsataa hai
mai.n chaahataa huu.N Khafaa ho to vo Khafaa hii lage":thmbup: :thmbup:

[*Rida*]

Re: aa bhii jaao kii zindagii kam hai

Assalaam-0-Alaikom:rose

buht khooob
achi collection hai Aani:phool:

[Aania]

tum aur fareb khaao

tum aur fareb khaao bayaan-e-raqiib se
tum se to kam gilaa hai ziyaadaa nasiib se

goyaa tumhaarii yaad hii meraa ilaaj hai
hotaa hai paharo.n zikr tumhaaraa tabiib se

barabaad-e-dil kaa aaKhirii saramaayaa thii ummiid
vo bhii to tum ne chhiin liyaa mujh Gariib se

dhu.Ndhalaa chalii nigaah dam-e-vaapasii hai ab
aa paas aa ke dekh luu.N tujh ko qariib se

Agha Hashr

[Aania]

Re: tum aur fareb khaao

suu-e-maikadaa na jaate to kuchh aur baat hotii
wo nigaah se pilaate to kuchh aur baat hotii


go havaa-e-gulasitaa.N ne mere dil kii laaj rakh lii
wo naqaab Khud uThaate to kuchh aur baat hotii

ye bajaa kalii ne khil kar kiyaa gulasitaa.N muattar
magar aap muskuraate to kuchh aur baat hotii


ye khule khule se gesuu, i.nhe.n laakh tuu sa.Nwaare
mere haath se sa.Nwarate, to kuchh aur baat hotii

go haram ke raaste se vo pahu.Nch gaye Khudaa tak
terii raahaguzar se jaate to kuchh aur baat hotii

Agha Hashr

[Eshaa Chaudhry]

Re: tum aur fareb khaao

umm nice sharing ..:thmbup: :phool:

[Aania]

kabhii dil lagaayaa na thaa

kisii se kabhii dil lagaayaa na thaa
muhabbat kaa sadamaa uThaayaa na thaa

hasiino.n ke rone pe ha.Nsate the ham
kabhii ek aa.Nsuu bahaayaa na thaa

ko_ii huur ho yaa parii apanaa sar
kisii aastaa.N par jhukaayaa na thaa

siyaah gesuuo.n ko tamannaa rahii
magar dil ko ham ne pha.Nsaayaa na thaa


zamaane me.n vo kaun thaa zoharaa_vash
ke siine se jis ne lagaayaa na thaa

basar kii sadaa aish-o-isharat me.n umr
kabhii ranj ham ne uThaayaa na thaa

magar ik jhalak ne hame.n kho diyaa
ye sadamaa to ham ne uThaayaa na thaa

kiyaa ishq ke dard me.n mubtilaa
"falak tuu ne itanaa ha.Nsaayaa na thaa
ke jis ke ivaz yuu.N rulaane lage"

Akhter Shirani

[Aania]

Re: kabhii dil lagaayaa na thaa

ai ishq na chhe.D aa aa ke hame.n
ham bhuule huo.n ko yaad na kar
pahale hii bahut naashad hai.n ham
tuu aur hame.n naashaad na kar
qismat kaa sitam hii kam nahii.n kuchh
ye taazaa sitam ijaad na kar
yuu.N zulm na kar bedaad na kar
ai ishq hame.n barbaad na kar

jis din se mile hai.n dono.n kaa
sab chain gayaa aaraam gayaa
cheharo.n se bahaar-e-subah ga_ii
aa.Nkho.n se faroG-e-shaam gayaa
haatho.n se Khushii kaa jaam chhuuTaa
ho.nTho.n se ha.Nsii kaa naam gayaa
GamGii.n na banaa naashaad na kar
ai ishq hame.n barbaad na kar

raato.n ko uTh uTh rote hai.n
ro ro kar duaaye.n karate hai.n
aa.Nkho.n me.n tasavvur dil me.n Khalish
sar dhunate hai.n aahe.n bharate hai.n
ai ishq ye kaisaa rog lagaa
jiite hai.n na zaalim marate hai.n
ye zulm to ai jallaad na kar
ai ishq hame.n barbaad na kar

ye rog lagaa hai jab se hame.n
ranjiidaa huu.N mai.n biimaar hai vo
har vaqt tapish har vaqt Khalish
be-Khvaab huu.N mai.n bedaar ha vo
jiine se idhar bezaar huu.N mai.n
maranbe pe udhar tayyaar hai vo
aur zabt kahe fariyaad na kar
ai ishq hame.n barbaad na kar

bedard zaraa insaaf to kar
is umr me.n aur maGmuum hai vo
phuulo.n kii tarah naazuk hai abhii
taaro.n kii tarah masuum hai vo
ye husn sitam ye ranj Gazab
majabuur huu.N mai.n mazaluum hai vo
mazaluum pe yuu.N bedaad na kar
ai ishq hame.n barbaad na kar

ai ishq Khudaaraa dekh kahii.n
vo shoKh hasii.n badanaam na ho
vo maah-e-laqaa badanaam na ho
vo zohraa-jabii.n badanaam na ho
naamuus kaa us ko paas rahe
vo pardaa-nashii.n badanaam na ho
us pardaa-nashii.n ko yaad na kar
ai ishq hame.n barbaad na kar

ummiid kii jhuuThii jannat ke
rah rah ke na dikhalaa Khvaab hame.n
aa_iindaa ke farzii ishrat ke
vaade se na kar betaab hame.n
kahataa hai zamaanaa jis ko Khushii
aatii hai nazar kaamayaab hame.n
chho.D aisii Khushii ko yaad na kar
ai ishq hame.n barbaad na kar

do din hii me.n ahad-e-tifalii ke
maasuum zamaane bhuul gaye
aa.Nkho.n se vo Khushiyaa.N miT sii ga_ii.n
lab ke vo taraane bhuul gaye
un paak bahishtii Khvaabo.n ke
dilchasp fasaane bhuul gaye
un Khvaabo.n se yuu.N aazaad na kar
ai ishq hame.n barbaad na kar

aa.Nkho.n ko ye kyaa aazaar huaa
har jazb-e-nihaa.N par ro denaa
aahang-e-tarab pe jhuk jaanaa
aavaaz-e-fuGaa.N par ro denaa
barbat kii sadaa par ro denaa
mutrib ke bayaa.N par ro denaa
ehasaas ko Gam buniyaad na kar
ai ishq hame.n barbaad na kar

jii chaahataa hai ik duusare ko
yuu.N aaTh pahar ham kare.n
aa.Nkho.n me.n basaaye.n Khvaabo.n ko
aur dil ko Khayaal aabaad kare.n
Khilvat me.n bhii jo jalvat kaa saamaa.N
vahadat ko du_ii se shaad kare.n
ye aarazuue.n ijaad na kar
ai ishq hame.n barbaad na kar

vo raaz hai ye Gam aah jise
paa jaaye ko_ii to Khair nahii.n
aa.Nkho.n se jab aa.Nsuu bahate hai.n
aa jaaye ko_ii to Khair nahii.n
zaalim hai ye duniyaa dil ko
yahaa.N bhaa jaaye ko_ii Khair nahii.n
hai zulm magar fariyaad na kar
ai ishq hame.n barbaad na kar

duniyaa kaa tamaashaa dekh liyaa
GamGii.n sii hai betaab sii hai
ummiid yahaa.N ik vaham sii hai
taskiin yahaa.N ik Khvaab sii hai
duniyaa me.n Khushii kaa naam nahii.n
duniyaa me.n Khushii nayaab sii hai
duniyaa me.n Khushii ko yaad na kar
ai ishq hame.n barbaad na kar

Akhter Shirani