Aania's Choice

[Aania]

Re: ** Meri Pasand **

tum chup rahe payaam-e-muhabbat yahii to hai
aa.nkhe.n jhukii.n nazar kii qayaamat yahii to hai

mahafil me.n log chau.Nk pa.De mere naam par
tum muskuraa diye merii qiimat yahii to hai

tum puchhate ho tumane shikaayat bhii kii kabhii
sach puuchhiye to mujahko shikaayat yahii to hai

vaade the beshumaar magar ai mizaaj-e-yaar
ham yaad kyaa dilaaye.N nazaakat yahii to hai

mere talab kii had hai na tere ataa kii had
mujahko tere karam se nidaamat yahii to hai

[Khushi]

Re: ** Meri Pasand **

bhot khub Aania ji esp the first and second last ones..thnkz..:)

[aik_lerki]

Re: ** Meri Pasand **

:thmbup: Bohat he zabardast Aania:phool:
sab he ek sy barh ker ek hain... really bohat sooperb intkhaab hain tumhara
keep sharing :)

[Aania]

Re: ** Meri Pasand **

thnx ... Komi n ... Khushi ... khush rahye ...

[Baad-e-Saba]

Re: ** Meri Pasand **

veeeeeeeeeeeeeeeeeeeeeeeeeeeery goooooooooooooooooooooooooooooooooooood

[Aania]

Re: ** Meri Pasand **

[Aania]

Re: ** Meri Pasand **


lo phir honay lagien andhero se baatein
lo phir shuru ho gaya silsila tanhaai ka


din bhar ki bheerr chubhti hai ankho mei
phir hai mausam shaam se shanaasaai ka


yaad anay lagi hain majbooriyan usko
satanay laga hai khayal jag-hansai ka...

[Aania]

Re: ** Meri Pasand **


tere uns ne jorray rakha khud say
hum bhi warna sar-e-aam ho jaatay

tera ghum na hota to zamanay ke
hum ghamo say tamaam ho jataay

[Aania]

Re: ** Meri Pasand **

dard apanaataa hai paraa_e kaun
kaun sunataa hai aur sunaa_e kaun

[Aania]

Re: ** Meri Pasand **

kabhii aa.Nsuu kabhii Khushii bechii
ham Gariibo.n ne bekasii bechii

chand saa.Nse Khariidane ke liye
roz tho.Dii sii zindagii bechii

jab rulaane lage mujhe saaye
mai.n ne uqtaa ke raushanii bechii

ek ham the ke bik gaye Khud hii
varanaa duniyaa ne dostii bechii

[Aania]

Re: ** Meri Pasand **

kaun kahataa hai ke maut aa_ii to mar jaa_uu.Ngaa
mai.n to dariyaa huu.N samandar me.n utar jaa_uu.Ngaa

teraa dar chho.D ke mai.n aur kidhar jaa_uu.Ngaa
ghar me.n ghir jaa_uu.Ngaa saharaa me.n bikhar jaa_uu.Ngaa

tere pahaluu se jo uThuu.Ngaa to mushkil ye hai
sirf ik shaKhs ko paa_uu.Ngaa jidhar jaa_uu.Ngaa

ab tere shahar me.n aa_uu.Ngaa musaafir kii tarah
saayaa-e-abr kii maanind guzar jaa_uu.Ngaa

teraa paimaan-e-vafaa raah kii diivaar banaa
varnaa sochaa thaa ke jab chaahuu.Ngaa mar jaa_uu.N gaa

chaaraasaazo.n se alag hai meraa mayaar ke mai.n
zaKhm khaa_uu.Ngaa to kuchh aur sa.Nvar jaa_uu.N gaa

ab to Khurshiid ko Duube hue sadiyaa.N guzarii.n
ab use Dhuu.NDhane mai.n taa-ba-sahar jaa_uu.Ngaa

zindagii shammaa kii maanind jalaataa huu.N 'Nadeem'
bujh to jaa_uu.Ngaa magar subah to kar jaa_uu.Ngaa

[Aania]

Re: ** Meri Pasand **

ye tajarubaa bhii karuu.N ye bhii kar dikhalaa_uu.N mai.n
ki Khud ko yaad rakhuu.N us ko bhuul jaa_uu.N mai.n

[Aania]

Re: ** Meri Pasand **

dard kii baarish sahii maddham zaraa aahistaa chal
dil kii miTTii hai abhii tak nam zaraa aahistaa chal

tere milane aur phir tere bichha.D jaane ke biich
faasalaa rusvaa_ii kaa hai kam zaraa aahistaa chal

apane dil hii me.n nahii.n hai us kii maharuumii kii yaad
us kii aa.Nkho.n me.n bhii hai shabanam zaraa aahistaa chal

ko_ii bhii ho ham-safar 'Raashid' na ho Khush is qadar
ab ke logo.n me.n vafaa hai kam zaraa aahistaa chal

[Wafa]

Re: ** Meri Pasand **

very very nice choice Aania .......waiting for more....:D: :rose

[Aania]

Re: ** Meri Pasand **

thnx Wafa ... :) ll bring more .. inshaAllah soon :) thnx to like em :rose