Aania's Choice

[Aania]

Re: Aania's Choice

barbaad tamannaa pe ataab aur zyaadaa
haa.N merii mohabbat kaa javaab aur zyaadaa

roye na abhii ahal-e-nazar haal pe mere
honaa hai abhii mujh ko Kharaab aur zyaadaa

aavaaraa-va-majanuu.N hii pe maukuuf nahii.n kuchh
milane hai.n abhii mujh ko Khitaab aur zyaadaa

uThe.nge abhii aur bhii tuufaa.N mere dil se
dekhuu.Ngaa abhii ishq ke Khvaab aur zyaadaa

Tapakegaa lahuu aur mere diidaa-e-tar se
dha.Dakegaa dil-e-Khaanaa_Kharaab aur zyaadaa

ai mutrib-e-bebaak ko_ii aur bhii naGmaa
ai saaqii-e-fayyaaz sharaab aur zyaadaa

[Aania]

Re: Aania's Choice

Khuub pahachaan lo asrar huu.N mai.n
jins-e-ulfat kaa talab_gaar huu.N mai.n

ishq hii ishq hai duniyaa merii
fitanaa-e-aql se bezaar huu.N mai.n

chhe.Datii hai jise mizaraab-e-alam
saaz-e-fitarat kaa vahii taar huu.N mai.n

aib jo haafiz-o-Khayyaam me.n thaa
haa.N kuchh is kaa bhii gunah_gaar huu.N mai.n

zindagii kyaa hai gunaah-e-aadam
zindagii hai to gunah_gaar huu.N mai.n

merii baato.n me.n masiihaa_ii hai
log kahate hai.n ki biimaar huu.N mai.n

ek lapakataa huaa sholaa huu.N mai.n
ek chalatii hu_ii talavaar huu.N mai.n

[Aania]

Re: Aania's Choice

husn ko be-hijaab honaa thaa
shauq ko kaamayaab honaa thaa

hijr me.n kaif-e-iztaraab na puuchh
Khuun-e-dil bhii sharaab honaa thaa

tere jalvo.n me.n ghir gayaa aaKhir
zarre ko aafataab honaa thaa

kuchh tumhaarii nigaah kaafir thii
kuchh mujhe bhii Kharaab honaa thaa

raat taaro.n kaa TuuTanaa bhii 'Majaz'
baa_is-e-iztaraab honaa thaa

[Aania]

Re: Aania's Choice

Khud dil me.n rah ke aa.Nkh se pardaa kare ko_ii
haa.N lutf jab hai paake bhii Dhuu.NDhaa kare ko_ii

tum ne to hukm-e-tark-e-tamannaa sunaa diyaa
kis dil se aah tark-e-tamannaa kare ko_ii

duniyaa laraz ga_ii dil-e-hiramaa.N_nasiib kii
is tarah saaz-e-aish na chhe.Daa kare ko_ii

mujh ko ye aarazuu vo uThaaye.n naqaab Khud
un ko ye intazaar taqaazaa kare ko_ii

rangiinii-e-naqaab me.n Gum ho ga_ii nazar
kyaa be-hijaabiyo.n kaa taqaazaa kare ko_ii

yaa to kisii ko jurrat-e-diidaar hii na ho
yaa phir merii nigaah se dekhaa kare ko_ii

hotii hai is me.n husn kii tauhiin ai 'Majaz'
itanaa na ahal-e-ishq ko rusavaa kare ko_ii

[Aania]

Re: Aania's Choice

junuun-e-shauq ab bhii kam nahii.n hai
magar vo aaj bhii barham nahii.n hai

bahut mushkil hai duniyaa kaa sa.Nvaranaa
terii zulfo.n ke pech-o-Kham nahii.n hai

bahut kuchh aur bhii hai jahaa.N me.n
ye duniyaa mahaz Gam hii Gam nahii.n hai

merii barbaadiyo.n ke ham_nashino.n
tumhe.n kyaa Khud mujhe bhii Gam nahii.n hai

abhii bazm-e-tarab se kyaa uThuu.N mai.n
abhii to aa.Nkh bhii pur_nam nahii.n hai

'Majaz' ek baadaakash to hai yaqiinan
jo ham sunate the vo aalam nahii.n hai

[Aania]

Re: Aania's Choice

husn phir fitnaagaar hai kyaa kahiye
dil kii jaanib nazar hai kyaa kahiye

phir vahii rahaguzar hai kyaa kahiye
zindagii raahabar hai kyaa kahiye

husn Khud pardaadaar hai kyaa kahiye
ye hamaarii nazar hai kyaa kahiye

aah to be-asar thii baraso.n se
naGmaa bhii be-asar hai kyaa kahiye

husn hai ab na husn ke jalve
ab nazar hii nazar hai kyaa kahiye

aaj bhii hai 'Majaz' Khaak_nashii.n
aur nazar arsh par hai kyaa kahiye

[Aania]

Re: Aania's Choice

izn-e-Khiraam lete huye aasamaa.N se ham
haTakar chale hai.n rahaguzar-e-kaaravaa.N se ham

kyo.nkar huaa hai faash zamaane pe kyaa kahe.n
vo raaz-e-dil jo kah na sake raazadaa.N se ham

ham_dam yahii hai rahaguzar-e-yaar-e-Khush_Khiraam
guzare hai.n laakh baar isii kahakashaa.N se ham

kyaa kyaa huaa hai ham se junuu.N me.n na puuchhiye
ulajhe kabhii zamii.n se kabhii aasamaa.N se ham

Thukaraa diye hai.n aql-o-Khiraad ke sanam_kade
ghabaraa chuke hai.n kashamakash-e-imtehaa.N se ham

baKhshii hai.n ham ko ishq ne vo jurrate.n 'Majaz'
Darate nahii.n siyaasat-e-ahal-e-jahaa.N se ham

[Aania]

Re: Aania's Choice

jab teraa hukm milaa tark muhabbat kar dii
dil magar is pe vo dha.Dhakaa ki qayaamat kar dii

tujh se kis tarah mai.n izhaar-e-tamannaa karataa
lafz suujhaa to maanii ne baGaavat kar dii

mai.n to samajhaa thaa ki lauT aate hai.n jaane vaale
tuune jaakar to judaa_ii merii qismat kar dii

mujh ko dushman ke iraado.n pe bhii pyaar aataa hai
terii ulfat ne muhabbat merii aadat kar dii

puuchh baiThaa huu.N mai.n tujh se tere kuuche kaa pataa
terii haalat ne kaisii terii surat kar dii

[Aania]

Re: Aania's Choice

labo.n pe narm tabassum rachaa ke dhul jaaye.N
Khudaa kare mere aa.Nsuu kisii ke kaam aaye.N

jo ibtadaa-e-safar me.n diye bujhaa baiThe
vo bad_nasiib kisii kaa suraaG kyaa paaye.N

talaash-e-husn kahaa.N le chalii Khudaa jaane
umang thii ki faqat zindagii ko apanaaye.N

bulaa rahe hai.n ufaq par jo zard-ruu Tiile
kaho to ham bhii fasaane ke raaz ho jaaye.N

na kar Khudaa ke liye baar-baar zikr-e-bahisht
ham aasmaa.N kaa mukarrar fareb kyo.n khaaye.N

tamaam maikadaa sun_saan maigusaar udaas
labo.n ko khol kar kuchh sochatii hai.n miinaaye.N

[Aania]

Re: Aania's Choice

mujhe kal meraa ek saathii milaa
jis ne ye raaz kholaa
ke 'ab jazbaa-o-shauq kii vahashato.n ke zamaane gaye'

phir vo aahistaa-aahistaa chaaro.n taraf dekhataa
mujh se kahane lagaa

'ab bisaat-e-muhabbat lapeTo
jahaa.N se bhii mil jaaye.n daulat - sameTo
Garz kuchh to tahaziib siikho'

[Aania]

Re: Aania's Choice

mere Khwaabon ke jharokon ko sajaane waali
tere Khwaabon mein kahin meraa guzar hai ki nahin
puuchhakar apanii nigaahon se bataade mujhako
merii raaton ki muqaddar mein sahar hai ki nahin

meri ujari hui neendon ke shabistaanon mein
tu kisi Khwaab ke paikar kii tarah aaii hai
kabhie apani si kabhi Gair nazar aatii hai
kabhii iKhalaas kii muurat kabhii harajaaii hai

pyaar par bas to nahin hai meraa lekin phir bhii
tu bataa de ki tujhe pyaar karuun yaa na karuun
tuune Khud apane tabassum se jagaayaa hai jinhein
un tamannaao.n ka izahaar karoon yaa na karoon

[Aania]

Re: Aania's Choice

"MUHABAT"
Muhabat Oos Ki Sourat
Paiasi Pankhari Kay Hoont Ko Sairab Karti Hay
Guloon Ki Asteenoon Main Anokhay Rang Bharti Hay
Saihar Kay Jhatpatay Mian,Gungunati,Muskarati,Jagmagati Hay
Muhabat Kay Dinoon Main Dashat Bhi Mehsoos Hota hay
Kisi Ferdoos Ki Suort
Muhabat Ous Ki Suort

Muhabat Abr Ki Suort
Diloon Ki Ser Main Yah Gher Kay Ati Or Barasti Hay
Chaman Ka Zarah Zarah Jhomta Hay Or Muskarata Hay
Azal Ki Bai Namo Miti Main Sabza Sir Uthata Hay
Muhabat Un Ko Bhi Abad Or Shadab Karti Hay
Jo Dil Hain Qabar Ki Suort
Muhabat Abr Ki Suort!

Muhabat Aag Ki Suort
Bujhay Seenoon Main Jalti Hay Tu Dil Baidar Hotay Hain
Muhabat Ki Tapash Mian Kuch Ajeeb Israr Hotay Hain
Kah Jitna Yah Bharkti Hay,Uros-a-Jaan Maihakti Hay
Diloon Kay Sahelon Par Jama Hoti Or Bekharti Hay
Muhabat, Jhaag Ki Suort
Muhabat, Aag Ki Suort!
Muhabat, Khawab Ki Sourt
Nigahoon Main Utarti Hay Kisi Mahtaab Ki Sourt
Sitaray Arzoo Kay Is Tarah Say Jagmagatay Hain
Kah Pahchani Nahin Jati Dil-a-Bataab Ki Sourt!
Muhabat Kay Shar Par Khawab Kay Panchi Utartay Hain
Tu Shakhain Jaag Uthti Hain
Thakay Haray Sitaray Jab Zameen Say Baat Kartay Hain
Tu Kab Ki Manzar Ankhoon Main
Shamain Jaag Uthti Hain
Muhabat In Main Jalti Hay Chargh-a-Aab Ki Sourt
Muhabat, Khawab Ki Suort!

Muhabat, Dard Ki Suort!
Guzishta Musmoon Ka Istarah Ban Kay Rehti Hay
Shan-a-Hijar Main,Roshan Sitarah Ban Kay Rehti Hay
Mundairoon Par Charaghoon Ki Luain Jab Thartharati Hain
Nagr Main Naumedi Ki Hawain Sansanati Hain
Gali Main Jab Koi Ahat, Koi saya Nahin Rehta
Dukhay Dil Kay Liay Jab Koi Bhi Dhoka Nahin Rehta
Gamoon Kay Bhooj Say Jab Totnay Lagtay Hain Shanay Tu
Yah In Pay Haath Rakhti Hay
Kisi Hamdard Ki Sourt!
Guzar Jatay Hain Sitaray Qaflay Jab Dil Ki Basti Say
Fiza Main Tairti Hay Dar Tak
Yah Gard Ki Sourt,
Muhabat Dard Ki Sourt!

By Amjad Islam Amjad

[Aania]

Re: Aania's Choice

khushboaon ki rango ki ik bahar ho jesay
aarzoo k chehray pe ik nikhar ho jesay
lafz ki haqeeqat b zer nigaar ho jesay
jagmagatay taroon ki ik qitaar ho jesay

jagmagatay taroon pe rooshni ka haala ho
phool k goloo mai ik jugnuon ki maala ho
raat k andheray ko chand ne sanbhala ho
sonay jesay peker ko chandni mai dhala ho

khankhanti choori jab der tak jagati hay
raat apni palko pe aarzoo jamati hay
aarzoo pe ik perda chandni girati hay
chandni ki aot mai wo phir mujay bulati hay

chorion ka rang us k tan badan mai bherta hay
reshmi libada b khud bakhud uterta hay
us badan ka her tara kaam aisa kerta hay
chohdween ka chand us ko dekhtay hi merta hay

chorion ki khan khan ho , shakh jesi bahain hon
germ germ sansain hon , siskian hon aahain hon
chandi si manzil ho , raat jesi rahain hon
piyar k badan pe bas piyar ki nigahain hon

chorion ki khan khan abb der tak jagai gi
yaad k dereechon se jo hawa b aai gi
raat k andheray mai der tak satay gi
chorion ki khan khan abb der tak rulay gi

[Aania]

[Aania]