dil main ek lehar sii uthii hai abhii !!!!

[masham shah]

kuchh to naazuk mizaaj hain hum bhii
aur ye chot bhii nayii hai abhii



bharii duniyaa mein jii nahiin lagtaa
jaane kis cheez kii kamii hai abhii


tuu shariik-e-suKhan nahiini hai to kiyaa
hum-suKhan terii Khaamoshii hai abhii



yaad ke be-nishaan jaziiroN se
terii aavaaz aa rahii hai abhii


shahr ke be-chiraaGh galiiyon mein
zindagii tujh ko Dhoondhtii hai abhii



so gaye log us havelii ke
ek khirkii magar khulii hai abhii



tum to yaaro abhii se uth baithe
shahr mein raat jaagtii hai abhii



Nasir Kazmi

[masham shah]

jab se tuune mujhe deewanaa bana rakha hai !!!!!

this Ghazal is a favourite of mine. It is written by Hakim
Nasir.Abida Parveen sung it n she enhanced the beauty of
this Gazal.


jab se tuune mujhe deevaanaa banaa rakhaa hai
sung har shaKhs ne haathon main uthaa rakhaa hai

******

us ke dil par bhii kadii ishq main guzarii hogii
naam jis ne bhii muhabbat kaa sazaa rakhaa hai


** the above sher is the best one ---




pattharon aaj mere sar pe barasate kyon ho
mainne tujhako bhi kabhi apana khuda rakha hai

********



ab mere deed kii duniyaa bhii tamaashaa_ii hai
tuune kiyaa mujhko muhabbat main banaa rakhaa hai

*******

peejaa aiyaam kii talKhii ko bhii hansake "Nasir"
Gham ko sehane main bhii kudarat ne mazaa rakhaa hai

hakim nasir

[*Hala*]

Re: dil main ek lehar sii uthii hai abhii !!!!

hmm .. nice one....

[Wafa]

Re: dil main ek lehar sii uthii hai abhii !!!!

dono ghazal bohot achi lagi.......very nice sharing .......:rose

[Masood]

Re: jab se tuune mujhe deewanaa bana rakha hai !!!!!

this Ghazal is a favourite of mine. It is written by Hakim
Nasir.Abida Parveen sung it n she enhanced the beauty of
this Gazal.

******

us ke dil par bhii kadii ishq main guzarii hogii
naam jis ne bhii muhabbat kaa sazaa rakhaa hai


** the above sher is the best one ---


hakim nasir

Bilkul mujhey aap ki baat sey itifaq hai - yeh ghazal kaafi ghazal'khawan ney gaii hai magar main jab bhi sunta hoon Abida Parveen ki aawaz hi mein sunta hoon, I'll share it here at Pegham at some time

aur yeh shair sach mein poori ghazal ki jaan hai - nice choice you have :)

Keep sharing :rose