sarfraz chouhdary,s most wanted

[sarfraz_qamar]

Re: sarfraz chouhdary,s most wanted

dard jab terii ataa hai to gilaa kis se kare.n
hijr jab tuune diyaa hai to gilaa kis se kare.n

aqs bikharaa hai teraa TuuT ke aa_iine me.n
ho gayii nam nazar aqs liyaa kis se kare.n

mai.n safar me.n huu.N mere saath judaa_ii terii
ham-safar Gam hai to phir teraa pataa kis se kare.n

khil uThe gul yaa khile dast-e-hinaa_ii tere
har taraf tuu hai to phir teraa pataa kis se kare.n

[sarfraz_qamar]

Re: sarfraz chouhdary,s most wanted

dil kii siyaahiyo.n me.n tujhe Dhuu.NDhataa huaa
palako.n pe aa rukaa hai sitaaro.n kaa qaafilaa

Khalvat me.n muddato.n mai.n jise puujataa rahaa
dekhaa qariib se to vo ik sang-e-surKh thaa

kuchh is tarah sabaa se kahii terii daastaa.N
har phuul muskuraa ke mujhe dekhane lagaa

[sarfraz_qamar]

Re: sarfraz chouhdary,s most wanted

duniyaa kisii ke pyaar me.n jannat se kam nahii.n
ik dil_rubaa hai dil me.n jo huuro.n se kam nahii.n

tum baad_shaah-e-husn ho husn-e-jahaan ho
jaan-e-vafaa ho aur muhabbat kii shaan ho
jalve tumhaare husn ke taaro.n se kam nahii.n

bhuule se muskuraao to motii baras pa.De
palke uThaa ke dekho to kaliyaa.N bhii ha.Ns pa.De
Khushbuu tumhaarii zulf kii phuulo.n se kam nahii.

[sarfraz_qamar]

Re: sarfraz chouhdary,s most wanted

ham bhii sharaabii tum bhii sharaabii
chhalake gulaabii chhalake gulaabii
taqadiir dil kii Khaanaa_Kharaabii

jab tak hai jiinaa Khush ho ke jii le.n
jab tak hai piinaa jii bhar ke pii le.n
hasarat na ko_ii rah jaaye baaqii

kal subah ke daaman me.n tum hoge na ham ho.nge
bas ret ke siine par kuchh naqsh-e-qadam ho.nge

[sarfraz_qamar]

Re: sarfraz chouhdary,s most wanted

hujuum-e-Gam me.n mere saath chal sako to chalo
qadam qadam pe hai mushkil sambhal sako to chalo

hamaare biich hai rasm-o-rivaaj kii diivaar
tum us ko to.D ke aage nikal sako to chalo

ye raah-e-ishq nahii.n aag kaa samandar hai
lapakatii mauj me.n gar tum sambhal sako to chalo

tumhaarii kashti-e-ulfat hai Gam ke tuufaa.N me.n
merii tarah ruKh-e-tuufaa.N badal sako to chalo

[sarfraz_qamar]

Re: sarfraz chouhdary,s most wanted

is soch me.n baiThaa huu.N kyaa Gam use pahu.Nchaa hai
bikharii hu_ii zulfe.n hai.n utaraa huaa cheharaa hai

jis phuul ko titalii ne chuumaa merii jaanib se
zaalim ne us kalii ko masalaa nahii.n rau.ndaa hai

halaa.N ki pukaaraa thaa tum hii ne mujhe lekin
mahasuus huaa jaise koyal ne pukaaraa hai

mu.D kar bhii nahii.n dekhaa jho.nko.n kii tarah us ne
vo mere baraabar se ha.Nsataa huaa guzaraa hai

[sarfraz_qamar]

Re: sarfraz chouhdary,s most wanted

jis tarah chaahe.n karam farmaayiye
dil me.n rahiye dard banate jaayiye

sochiye to husn kaafir kuchh nahii.n
dekhiye aur dekhate rah jaayiye

ho chukii taskiin kyuu.N samajhaayiye
aap ko jaanaa hai achchhaa jaayiye

un ke ghar aur sirf un ke ghar 'Raza'
jaayiye aur bin bulaaye jaayiye

[sarfraz_qamar]

Re: sarfraz chouhdary,s most wanted

kyaa huaa teraa har ik roz mujhe Khat likhanaa
aur Khat me.n dil-e-betaab kii haalat likhanaa

merii Khaatir shab-e-furqat me.n na sonaa teraa
merii yaado.n me.n pareshaa.N saa honaa teraa
aur phir Khat me.n shab-e-hijr kii baabat likhanaa
kyaa huaa teraa har ik roz mujhe Khat likhanaa

vo sar-e-shaam Khayaalo.n me.n mere kho jaanaa
aur phir Khud hii teraa sharm_saar ho jaanaa
vo akele me.n mujhe pyaar bharaa Khat likhanaa
kyaa huaa teraa har ik roz mujhe Khat likhanaa

kis liye to.D diye tuune sabhii ahad-e-vafaa
kyaa hue vaade muhabbat ke bataa kuchh to bataa
kis liye chho.D diyaa tuu ne mujhe Khat likhanaa
kyaa huaa teraa har ik roz mujhe Khat likhanaa

[sarfraz_qamar]

Re: sarfraz chouhdary,s most wanted

lab pe tere iqraar-e-mohabbat sher Gazal kaa lagataa hai
sharm se cheharaa laal gulaabii phuul kamal kaa lagataa hai

dil ko najar se Takaraaye bhii ek zamaanaa biit gayaa
choT magar hai itanii taazaa haadasaa kal kaa lagataa hai

beKhud ho kar mast havaaye.n aise kab laharaatii thii.n
ye jaaduu to halkaa halkaa us aa.Nchal kaa lagataa hai

ham samajhe the bhuul gaye hai.n vo chaahat kaa afasaanaa
aaj magar phir dard saa dil me.n halkaa halkaa lagataa hai

[sarfraz_qamar]

Re: sarfraz chouhdary,s most wanted

madiine ko jaaye.n jii chaahataa hai
muqaddar banaaye.n jii chaahataa hai

madiine ke aakaa do aalam ke maulaa
tere paas aaye.n jii chaahataa hai

jahaa.N dono.n aalam hai.n mahar-e-tamannaa
vahaa.N sar jhukaaye.n jii chaahataa hai

muhammad kii baate.n muhammed kii siirat
sune aur sunaaye.n jii chaahataa hai

[sarfraz_qamar]

Re: sarfraz chouhdary,s most wanted

naa muhabbat naa dostii ke liye
vaqt rukataa nahii.n kisii ke liye

dil ko apane sazaa na de yuu.N hii
is zamaane kii beruKhii ke liye

kal javaanii ka hashr kyaa hogaa
soch le aaj do gha.Dii ke liye

har ko_ii pyaar Dhuu.NDhataa hai yahaa.N
apanii tanhaa sii zindagii ke liye

vaqt ke saath saath chalataa rahe
yahii behatar hai aadamii ke liye

[sarfraz_qamar]

Re: sarfraz chouhdary,s most wanted

Tha.nDii havaa ke jho.nke chalate hai.n halake halake


Tha.nDii havaa ke jho.nke chalate hai.n halake halake
aise me.n dil na to.Do vaade karo na kal ke

chalate hai.n ye bhii ham se tevar badal badal ke
jin ko sikhaayaa ham ne chalanaa sambhal sambhal ke

saaqii ne aaj mujh ko aisii nazar se dekhaa
mausam huaa gulaabii rangiin jaam chhalake

bistar kii silvaTo.n se ye mahasuus ho rahaa hai
to.Daa hai dam kisii ne karavaT badal badal ke

[sarfraz_qamar]

Re: sarfraz chouhdary,s most wanted

tujh ko dariyaadilii kii qasam saaqiyaa
mushtaqil daur par daur chalataa rahe
raunaq-e-maikadaa yuu.N hii ba.Datii rahe
ik girataa rahe ik sambhalataa rahe

sirf shabanam hii shaan-e-gulistaa.N nahii.n
sholaa-o-gul kaa bhii daur chalataa rahe
ashk bhii chashm-e-pur_nam se bahate rahe.n
aur dil se dhu_aa.N bhii nikalataa rahe

tere kabaze me.n hai ye mizaamii jahaa.N
tuu jo chaahe to saharaa bane gulistaa.N
har nazar par terii phuul khilate rahe
har ishaare pe mausam badalataa rahe

[sarfraz_qamar]

Re: sarfraz chouhdary,s most wanted

us ne jab tyorii badal kar baat kii
miT ga_ii duniyaa merii jazbaat kii

tum ne shiishe pe jhuk kar baat kii
vo uThii kaalii ghaTaa barasaat kii

dil kii dha.Dakan ba.D rahii hai har nafas
tez hai raftaar paiGaamaat kii

tum mere duniyaa merii uqbaa merii
ab kamii mujh ko bhalaa kis baat kii

ro diye ham dekh kar suu-e-falak
us ne ha.Ns kar jab kisii se baat kii

[sarfraz_qamar]

Re: sarfraz chouhdary,s most wanted

ye alag baat hai saaqii ki mujhe hosh nahii.n
hosh itanaa hai ki mai.n tujh se faraamosh nahii.n

mai.n terii mast nigaaho.n kaa bharam rakh luu.Ngaa
hosh aayaa bhii to kah duu.Ngaa mujhe hosh nahii.n

yaad itanaa hai ki pahu.Nchaa dar-e-maiKhaane tak
kyaa kahuu.N aage ki aage kaa mujhe hosh nahii.n

kabhii un mad_bharii aa.Nkho.n se piyaa thaa ik jaam
aaj tak hosh nahii.n hosh nahii.n hosh nahii.n