Dil_E_Veeran Ki Diary Sai Intekhaab .

[_Dard_Aashna_]

Re: Dil_E_Veeran Ki Diary Sai Intekhaab .

phirty hain kab se derbader ab iss nager ab uss nager
ik doosry k ham safer main aor meri aawargi
na anshna her ik nazer na mehernaab her ik nazer
jaain to ab jaain likher main aor meri aawargi

Hum b kabi aabad thy aisy kahan abad thy
befiker thy aazad thy masroor thy dil shad thy
woh chal aisy chal gaya hum bujh gaye dil jal gaya
nikly jala k apba gher main aor meri awargi

jeena boht aasan tha ik shakhs ka ehsaan tha
hum ko bhi ik arman tha woh khuab ka saman tha
ab khuab hai na arzoo arman hai na justajoo
yoon bhi chalo khush hain mager main aor meri aawargi

woh mahwash, woh mah ru, woh mah kamal hubahu
thi jis ki baatain kubaku iss se ajab thi guftagu
phir yoon hoa woh kho gaye aor mujh ko zid si ho gaye
laain ge uss ko dhoond ker main aor meri aawargi

Yeh dil hi tha jo seh gaya woh baat aisy keh gaya
kehny ko phir kya reh gaya ashkon ka derya beh gaya
jab keh k woh dil ber gaya tery lye main mer gaya
roty hain iss ko raat bher main oar meri awargi

ab gham uthaain kis lye ansu bahaian kis lye
yeh dil jalain kis lye yoon jaan ganwaain kis lye
paesha na ho jis ka sitem dhondain ge hum aisa sanam
hoon ge kahin to karger main aor meri awargi

asar hain sab khot k imkan hain sab chhot k
ghr band hain sab khot k ab khatam hain sab totky
qismat ka sab yeh phair hai andhair andhair hai
aisy hoy hain be aser main aor meri awargi

jab humdom-o-humraaz tha jab aor hi andaz tha
ab soz hai tab saz tha ab sherm hai jab naz tha
ab mujh se ho to ho b kya hai saath woh to woh b kya
ik be huner ik be samer main aor meri awargi

[_Dard_Aashna_]

Re: Dil_E_Veeran Ki Diary Sai Intekhaab .

Teri Yaadon ke Bina koi Lamha Guzaara Nahin
Ek pal Nahin jab Tumhe Humne Pukaara Nahin

Meri Naakaamiyon Ka Itna Bhi Ghum Na Kijiye
Agar aap Jeete Hain to Main Haara Nahin

Ye Naqsh-e-Dard Kaise Utar Jaaye Chehre Se
Maine Abhi Aapka Ghum Dil se Utaara Nahin

Tere bin Youn Kat Rahi Dariya-e-Zindagi Mein
Kashti Bhi Hai Maajhi bhi hai,Kinaara Nahin

Kar Rakhaa Hai Jisne Saare Ghar Mein Ujaala
Aansu Hai Mera ye Koi Toota Hua Taara Nahin

Kisko Gale Lagaa Ke Rooyen Na-Muraad Hum
Is Bhari Duniya Mein Apna Koi Sahaara Nahin

Mareez-e-Ishq Hai Tamannai Khudkushi Ka ab
Gehre Hain Dil ke Zakhm,Aur Koi Chaara Nahin

Wo aa Ke Poonchh Den Aansu Hamari Aankhon se
Itna bhi Hamare Haq Mein Naseeb Hamara Nahin

[_Dard_Aashna_]

Re: Dil_E_Veeran Ki Diary Sai Intekhaab .

Pathar Bana Dia Mujhe Ronay Na Dia,
Daman Bhi Tere Ghum Nay Bhego Nay Na Dia,

Tanhaya Tumhara Pata Pochtii Rahee,
Shab Bhar Tumhare Yad Nay Sunay Nahi Dia,

Aankhon Main Aakay Bheth Gayee Aashkoo Ki Laher,
Palko Pay koi Khuwaab Paronay Na Dia,

Dil Ko Tumhare Naam Ke Aansoo Aziz Thay,
Dunya Ka Koi Dard Samunay Na Dia,

NASIR Yun Usskii Yad Chalii Hath Thaam Ke,
Mailay Main Iss Jahan ke Khunay Na Dia.

[_Dard_Aashna_]

Re: Dil_E_Veeran Ki Diary Sai Intekhaab .

Mumkin Ho Aap Say To Bhula Dijiye Mujhay
Pathar Pay Hon Lakeer, Mita Dijiye Mujhay


Har Roz Mujh Say Taaza Shikayat Hai Aap Ko
Mai Kia Hon, Aik Baar Bata Dijiye Mujhay


Merey Siwa Bhi Hai Koi Mozoo-E-Guftugu
Apna Bhi Koi Rang Dikha Dijiye Mujhay


Ki Mai Nay Apnay Zakham Ki Tash'heer Jaa Baja
Mai Maanti Hon Jurm, Saza Dijiye Mujhay


Qaim To Ho Sakay Koi Rishta Gohor K Saath
Gehray Samandaron Mai Baha Dijiye Mujhay


Shab Bhar Kiran Kiran Ko Tarasnay Say Faida
Hai Tairgii To Aag Laga Dijiye Mujhay


Jaltey Dinon Mei Khud Pass-E-Deewar Baith Kar
Saaye Ki Justuju Mei Laga Dijiyey Mujhay


Yun To Shola-E-Jaan Sard Ho Chuka
Laikin Sulag Uthoon To Hawa Dijiye Mujhay

[_Dard_Aashna_]

Re: Dil_E_Veeran Ki Diary Sai Intekhaab .

mujh say kehta hai kabhi dil main milal atay hein ?
kaisay kaisay mere dushmun ko swaal atay hein ?

yeh jo hum rotay hein chuup chuup k kabhi tanhaai main
rafta rafta tujhay aankkhoon say nikaal atay hein

hum mohabat pay bhi ehsaan koi rekkhtay nahi
naikiyan kertay hein darya main daal atay hein

[_Dard_Aashna_]

Re: Dil_E_Veeran Ki Diary Sai Intekhaab .



Abhi to ibteda-e- zindagi hai
Tera anjaam hamne kar diya hai

Teri her chaal humne bhanp lee hai
Alag dil se tujhe ab ker diya hai

Nahin mujhko ijazat ghoont bhar ki
Magar kahte hain pyala bhar diya hai

Tumhara shak tumhin ko loot lega
Bharosa Rabb pe hamne kar liya hai

Dhamak aur chot se kyon dar rahe hain
Hami ne okhli mae sir diya hai

Patange ki tarah jal jaoge tum
Hamare dil ka roshan har diya hai

[_Dard_Aashna_]

Re: Dil_E_Veeran Ki Diary Sai Intekhaab .

koi dhundla sa ik chehra mairi aankhon main rehta hai

koi bhatka sa ik jgno mairay khuwabo-n main rehta hai

ik manoos see aawaz mujhai sonai nahi daiti

koi uljha sa ik jumla mairi yaado-n main rehta hai

hai kis kai shabnami aa-nchal ki nami ab talak mujh main

koi ahsaas mehka sa mairi saa-nso-n main rehta hai

[_Dard_Aashna_]

Re: Dil_E_Veeran Ki Diary Sai Intekhaab .

Wo mujhe aa kar sada de jayega
Zakhm e dil ko phir hawa de jayega.

jab bhi aayega wo mere samne
soch ko ek zavya de jayega.

muskura kar sab se milna dosto ,
jo bhi guzrega dua de jayega.

muntzir hai dil naye ilzaam ka,
ab ke ayega to kya de jayega.

zakhm de ya phool de apna naseeb,
jo hai qismat mein likha de jayega.

ab ke shayad meharbaan ho kar mere,
auraq e dil ko hashiya de jayega.

[_Dard_Aashna_]

Re: Dil_E_Veeran Ki Diary Sai Intekhaab .

Mujh Se Chhup Kar Mairi Nazroun Main Sama Kar Dekhheiye

Apne Jalwoun Ka Tamasha Khud Bhi Aa Kar Dekhheiye

Dekhhney Hayn Daagh-e-Dil Tou Muskara Kar Dekhheiye

Mayn Bohat Kamzor, Beybas, Naatwaan, Aajiz Sahee
Apna Daaman Meray Haatoun Se Churda Kar Dekhheiye


Aastaan-e-Yaar Par Ab Sir Jhuka Kar Dekhheiye

Mayn Bhulaadoun Aap Ko, Bilkul Baja Irshaad Hay!
Mujh Ko Lekin Aap Tou Pehlay Bhulaa Kar Dekhheiye

Un Ko Bhi Kuch Eshq Ki Dikhhlaayie Nerangian
Apney Dil Ko Un Ka Aayeena Bana Kar Dekhheiye

Iss Jahan-e-Ranh- o-Boo Ka Khud Bharam Khhul Jaayega
Raahatoun Ki Justajoo Mayn Zakhm Khha Kar Dekhheiye

Surkh-roo Guzraynge Iss manzil Se Bhi Ahl-e-Wafa
Aap Apney Har Sitam Ki Intehaa Kar Dekhheiye

Kaun Kehta Hay Ke Un Pe Kuch Asar Hota Nahee
Aaj Meri Ghazal Un Ko Suna Kar Dekhheiye

[_Dard_Aashna_]

Re: Dil_E_Veeran Ki Diary Sai Intekhaab .

daikh lo khuaab magar khuaab ka charcha na karo
log jal jayan ge sooraj ki tamanna na karo

waqt ka kaya hai kisi pal bhi badal sakta hai
ho sake tum se to tum mujh pe bharosa na karo

kirchiyan tootay hoye aks ki chubh jayan gi
aur kuch roz abhi aaina dekha na karo

ajnabi lagne lage khud tumhain apna wajood
apne din raat ko itna bhi akela na karo

khuaab bachhon ke khelonon ki tarah hote hain
khuaab dekha na karo khuaab dikhaya na karo

be khiyali main kabhi ungliyan jal jayain gi
rookh guzre hoye lamhon ko kureedah na karo

[_Dard_Aashna_]

Re: Dil_E_Veeran Ki Diary Sai Intekhaab .

Hum nay kuch Is tarhan Muhabat Ki hai k Muhabat main Tumhari parstish Ki hai .....

Tumharay bageer Zindagi ka Koi tasaver nahin Main Nay kuch is tarahan Se Tumhari tamana Ki hai .....

Hamaray darmiyan Hail rahain Sadiyon Ki Khamoshiyan Main nay Tum Se Kuch is tarahan Guftugu Ki hai.....

Meray Dil main bas Jao Tum Ruh O Muhabat ban k Main Nay Dil Ki geherai Se ye Ilteja Ki hai.....

Tumharay Milnay Se pehelay main Khud Se naashna Tha Samjah Hai Piyar Ko jab Se Muhabat ki hai........

meri Zindagi Ki Khushiyan Tum Se Hi Hain Wabasta Main Nay rab Se Tumhain panay Ki Dua Ki hai.......

Main Tumhain Cheen Lon ga Duniya Ki rasmon Se Main Nay Tumharay Liye Zamanay Se Bagawat Ki hai

[_Dard_Aashna_]

Re: Dil_E_Veeran Ki Diary Sai Intekhaab .

ye khuda ki dein bhi ajeeb hai k isi ka naam naseeb hai
jisay tunay chaha wo mil gya jisay mein nay chaha mila nahi

[_Dard_Aashna_]

Re: Dil_E_Veeran Ki Diary Sai Intekhaab .

yeh ajeeb hai muhabbat ke zamaana jaanta hai
na mein uss ki maanta hoon , na woo meri maanta hai
koi uss sey jaa kay poochey ussey kia mila bichar kay
mein bhi khaak chaanta hon woo bhi khaak chaanta hai

[_Dard_Aashna_]

Re: Dil_E_Veeran Ki Diary Sai Intekhaab .

Muhabbat zaat hoti hai
Muhabbat zaat ki takmeel hoti hai
Koi jungle mein ja thehrey, kisi basti mein bas jaye
Muhabbat sath hoti hai
Muhabbat khushbu'on ki lay
Muhabbat mausamon ka dhan
Muhabbat abshaaron ke nikhartey paniyon ka mann
Muhabbat jungalon mein raqs karti morni ka tan
Muhabbat barf parti sardiyon mein dhoop banti hai
Muhabbat garm sehraon mein thandi chaon ki manind
Muhabbat ajnabi duniya mein apney gaon ki manind
Muhabbat dil
Muhabbat jaan
Muhabbat rooh ka darmaan
Muhabbat moorti hai
Fiza'on mein kisi ke hath se gar choot jaye to
!Muhabbat aabla hai karb ka!
Aur phoot jaye to
!Muhabbat rog hoti hai!
Muhabbat sog hoti hai
Muhabbat shaam hoti hai
Muhabbat raat hoti hai
Muhabbat jhilmilati raat mein barsaat hoti hai

Muhabbat jeet hoti hai
~ Muhabbat maat hoti hai ~
Muhabbat zaat hoti hai!

[_Dard_Aashna_]

Re: Dil_E_Veeran Ki Diary Sai Intekhaab .

bohat acha saa lagta hai
achaanak is tarha
dil ka dobara mubtilaa hona
mohabbat aashnaa hona
magar jab daikhtaa hoan
waqt kitnaa jaa chuka hai
raastoan kee dhoole qadmoan aur saroan per
kis tarha say jamm chuki hai
aur ham tum apni apni zindagi kay daairoan mein
apni apni gardish'aon mein
is tarha uljhay hoo'ay hain
jis tarhaa dast-e-falak mein saath chaltay do sitaaray
jo ba'zaahir paas lagtay hain
magar oun kee rafaaqat mein
karoor'oan meel kee tanhai ka daryaa bhi hota hai

yeh daryaa paar kesay hoo!!!
na tum ho ous kinaaray per
na ham hain is kinaaray per
so behtar hai
ham apnay apnay daairoan kay is khalaa mein ghoomtay jaa'ain
sitaaroan kee tarha ik saath chamkein

aur sab to sahi laikin,
yeh apnay beech mein jo faasloan ka surkh daryaa hai
issay tasleem kar hee lain
is bay'pul kay daryaa mein
na tum hee tair saktay ho
na ham hee tair saktay hain

bohat achaa to lagta hai
achaanak is tarha
dil ka mohabbat aashnaa hona
dobara mubtilaa hona!!!