Dil_E_Veeran Ki Diary Sai Intekhaab .

[_Dard_Aashna_]

Re: Dil_E_Veeran Ki Diary Sai Intekhaab .

Jahan Jahan barsat utartay dekhi hai
Har soo teri yaad bikartay dekhi hai
Tum say phele dil sa duzdil koi nah tha
Aur phir dil say duniya darti dekhi hai
Veeranay bhi hum nay dekhay chalte phirte
Kahmoshi bhi baatein kartay dekhi hai
Dil kay gehray sunatay mein raaton ko
Kabhi kabhi eik kook ubarti dekhi hai
Bus eik jeenay ki kawahish thi aur woh bi
Hum nay apni ankhoin marti dekhi hai

[_Dard_Aashna_]

Re: Dil_E_Veeran Ki Diary Sai Intekhaab .

hont hero'n say na chehra hai sitare ki misal
phir bhi laade tu koi dost hamaray ki misal

mujh say kiya dobnay walon ka pata pochtay hoo
ma'n samandar ka hawala na kinaray ki misal

zindagi oor'h ka bethi thee ridai sahab-e-gham
tera gham taan'k diya ham nay sitare ki misal

aashiqi ko bhi hawis peshae tijarat janee
wisl hay naf'aa tu hijra'n hay khasaray ki misal

ham kabhi toot kay ro'ey na kabhi khul kay han'say
raat shabnam ki tarha'n subha sitare ki misal

na sipahi ki bhi ha'd hai jo ye kehtay ho FARAZ
zindagi ham nay guzari hai guzaray ki misal

[_Dard_Aashna_]

Re: Dil_E_Veeran Ki Diary Sai Intekhaab .

Mujhay Muajzon pe yaqeen nahi
magar arzoo hai ke jab qaza
mujhay bazm-e- dehr se lay chalay
to ye izn de
ke lahad se laut ke aa sakon
tere dar pe aa ke sada karoon
tujhay ghamgusar ki ho talash
to tere huzoor pada rahoon

ye na ho to suay rahe adam
phir eik baar rawana hoon

[_Dard_Aashna_]

Re: Dil_E_Veeran Ki Diary Sai Intekhaab .

Eik kahni sabi nay sunai magar chaand kahmosh tha
Uss ki awaz ka muntazir tha nagar chaand kahmosh tha

Kon tha jis ki aahooN kay ghum main hawa sard thi shehar ki
Kis ki veran ankhooN ka lay kar asar chaand kahmosh tha

Woh ju sehta raha rat jagooN ki saza chaand ki chaa mein
Maar gaya jab tu noh KinaN thay shajar chaand kahmosh tha

Uss sa mil kay mein yooN kahmashi aur awaz main qaid tha
Eik sada tu meray sath thi hum safar chaand kahmosh tha

Kal kahin phir kudha ki zameeN pae koi saneha ho gaya
Mein nay kal raat jab bhi utayi nazar chaand kahmosh tha

[_Dard_Aashna_]

Re: Dil_E_Veeran Ki Diary Sai Intekhaab .

Yeh dil yeh pagal dil mera kyun buhj gaya awargi
Is dasht mein eik shahr tha woh kya howa awargi


Kal Shab muje be-shakl si awaz ne chunka diya
Main nay kaha tu kaun uss nay kaha awargi


Eik tuu kay sadiyon se mera hum raah bhi hum raaz bhi
Eik main ka tere naam say naa ashna awargi


Yeh dard ki tanhaiyaN yeh dasht ka viran safar
Hum log tu ukta gaye apni suna awargi


Eik ajnabi jhonke ne jab pucha mere ghum ka sabab
Sahara ki bheegi reet par main nay likha awargi


Le ab to dasht-e-shab ki sari wehsateiN sone lagi
Aab Jaagnaa hoga humein kab tak bata awargi


KAl raat tanha chaand ko dekha tha main nay khwab mein
Mohsin' mujhe raas aayegi shaayad sada awargi

[_Dard_Aashna_]

Re: Dil_E_Veeran Ki Diary Sai Intekhaab .

Kahan aa kay ruknay thay rastay, kahan mor tha usay bhool ja
wo jo mil gaya usay yaad rakh, jo nahin mila usay bhool ja

wo tere naseeb ki barshain kisi aur chat pe baras gayain
dil-e be khaber mari baat sun usay bhol ja, usay bhul ja

main to gum tha tere dhyan main teri aas tere guman main
saba keh gai mere kaan main, mere saath aa usay bhol ja

tujhay chand ban kay mila tha jo tere sahilon pe khila tha jo
wo tha aik darya visal ka, so utar gaya usay bhol ja

Kaheen Chak-e-Jaan Ka rafoo Nahee, Kisse Asteen Pay Lahoo Nahee
Keh Shaheed-e-Rah-e-Millal Ka Nahee Khun Baha, Ussay Bhool Ja

Kyun Atta Howa Hai Ghubar Main, Gham-e-Zindagee Kay Fishaar Main
Woh Joo Darj Tha Tairay Bakhat Main Soo woh Hoo Giya, Ussay Bhool Ja

Na Woh Ankh Tairee Ankh Thee, Na Woh Khawab Hee Taira Khawab Tha
Dil-e-Muntazir Too Yeh Kis Liay Taira Jagna, Ussay Bhool Ja

Yeh Joo Raat Din Hai Khel Sa, Issay Dekh, Iss Par Yaqeen Na Kar
Nahee Aks Koi Bhee Mustaqil Sar-e-Aieena, Ussay Bhool Ja

Joo Bisat-e-Jaan Hee Ulat Giya, Woh Joo Rastay Say Palat Giya
Ussay Rooknay Say Hasool Kiya, Ussay Mut Bulla, Ussay Bhool Ja

[_Dard_Aashna_]

Re: Dil_E_Veeran Ki Diary Sai Intekhaab .

Manzil na dey, chiragh na dey, hosla to dey
Tinkay ka hi sahi, tu magar aasra to dey

main ne ye kab kaha ke mere haq main ho jawab
laikin khamosh kiyon hai to, koi faisla to dey

Beshak mere naseeb pe rakh apna ikhtiyar
laikin mere naseeb main kya hai bata to dey

[_Dard_Aashna_]

Re: Dil_E_Veeran Ki Diary Sai Intekhaab .

hum parh rhai the khvaab ke purzoon ko jor ke
aa.Ndhii ne ye tilism bhii rakh Dalaa to.D ke
aaGaaz kyo.n kiyaa thaa safar un Khvaabo.n kaa
pachhataa rahe ho sabz zamiino.n ko chho.D ke
ik buu.Nd zahar ke liye phailaa rahe ho haath
dekho kabhii Khud apane badan ko nicho.D ke
kuchh bhii nahii.n jo Khvaab kii tarah dikhaa_ii de
ko_ii nahii.n jo ham ko jagaaye jhinjho.D ke
in paaniyo.n se ko_ii salaamat nahii.n gayaa
hai vaqt ab bhii kashtiyaa.N le jaao mo.D ke

[_Dard_Aashna_]

Re: Dil_E_Veeran Ki Diary Sai Intekhaab .

To kia yeh tay hai ke ab umar bhar nahin milna
to phir yeh umar bhi kiyon tum se gar nahin milna

Ye kaun chupke se tanhaiyon main kehta hai
mere baghair skoon umar bhar nahin milna

chalo zamanay ki khatir yeh jaber bhi seh lain
ke ab milay jo kabhi to toot kar nahin milna

[_Dard_Aashna_]

Re: Dil_E_Veeran Ki Diary Sai Intekhaab .

main zarad moosam k darad seh kar
gulab lamhay bhola chuki hoon
main sarad haath k surmaee dukh
sarab lamhon may rakh rahi hoon
k aaj us nay
mere hathyli per rakh deye hain
wo sarey resham gulab lamhay
mery muqadar main
likh deye hain

[_Dard_Aashna_]

Re: Dil_E_Veeran Ki Diary Sai Intekhaab .

Batoon batoon main bichadne ka ishara kar kay
khud bhi roya wo buhat ham say kinara kar kay

soochta rehta hoon tanhai main anjam-e khalos
phir usi jurm-e-muhabbat ko dobara kar kay

jagmaga di hain teray shehr ki galyan main nay
apne har ashk ko palkon pe sitara kar kay

daikh laitay hain chalo hosla apnay dil ka
aur kuch roz teray saath guzara kar kay

aik hi shehr main rehna hay magar milna nahi
daikhtay hain ye az'ziat bhi gawara kar kay

[_Dard_Aashna_]

Re: Dil_E_Veeran Ki Diary Sai Intekhaab .

merii tasviir me.n ra.ng aur kisii kaa to nahii.n
gher le.n mujhako sab aake mai.n tamaashaa to nahii.n


zindagii tujhase har ik saa.Ns pe samajhautaa karuu.N
shauq jiine kaa hai mujhako magar itanaa to nahii.n

ruuh ko dard milaa dard ko aa.Nkhe.n na milii
tujhako mahasuus kiyaa hai tujhe dekhaa to nahii.n

sochate sochate dil Duubane lagataa hai meraa
zahan kii tah me.n 'Muzaffar' koii dariyaa to nahii.n

[_Dard_Aashna_]

Re: Dil_E_Veeran Ki Diary Sai Intekhaab .

kabhi dhun thi yehi us shakhs ko DIL mein basaana hai
aur ab uljha hua hai DIL usay kaisay bhulaana hai

usay dekho, usay sun lo, usay choo lo, usay paa lo
haqeeqat hai to itni hai, jo baaqi hai fasaana hai

wahi FARHAAD ka taesha, wahi andaaz SHEEREIN k
muhabbat karnay walon ka wohi kissa puraana hai

najaanay kyoun TASSAVUR tum khula rakhtay ho darwaaza
bhala ab kon aey ga, bhala ab kis ko aana hai

[_Dard_Aashna_]

Re: Dil_E_Veeran Ki Diary Sai Intekhaab .

Aao uss ajnabi ko yaad karein
Phir apni zindagi ko yaad karein!

[_Dard_Aashna_]

Re: Dil_E_Veeran Ki Diary Sai Intekhaab .

Aao uss ajnabi ko yaad karein
Phir apni zindagi ko yaad karein!