Dil_E_Veeran Ki Diary Sai Intekhaab .

[_Dard_Aashna_]

Re: Dil_E_Veeran Ki Diary Sai Intekhaab .

[_Dard_Aashna_]

Re: Dil_E_Veeran Ki Diary Sai Intekhaab .

[_Dard_Aashna_]

Ab Kahan main udaas rehti hoon

[_Dard_Aashna_]

[_Dard_Aashna_]

Mujeza

[_Dard_Aashna_]

Re: Dil_E_Veeran Ki Diary Sai Intekhaab .

guzartey lamho!
mujhay batao zindagi ka asool kia hay
tamam haathon main aainay hain
kon kiss say chuptha hay
agar sada ka wajood
kaano say munsalik hay
to kon khushboo bann kar bolta hay
agar samandar ki hadd
saahil hay
to kon aankhon main phelta hay
tamam cheezain agar milti hain
to kon cheezon say ma'awra hay
kisay khabar badalti rutt nay
puraney patton say kia kaha
yah kon badal say poochey
kay intey mousam kahan raha
jo aaj dekha hay woh kal na hoga
koi lamha attal na hoga
guzartey howey lamho!!
mujhay batao zindagi ka asool kia hay....

[musaddaq]

Re: Dil_E_Veeran Ki Diary Sai Intekhaab .

very nice collection:)

[_Dard_Aashna_]

Re: Dil_E_Veeran Ki Diary Sai Intekhaab .

us duniya k ik khitay mein
meray ishq ki bulbul gaati hai



jahan lafaz zubaa'n ban jaatay hain
jahan qalam mud'aa ban jaata hai
wahan qalam ki in tehreero'n mein
ik qissa-e-wafa ban jaata hai!!!!!!!!!!!!!!!

[_Dard_Aashna_]

Re: Dil_E_Veeran Ki Diary Sai Intekhaab .

very nice collection:)

thnk you :)

[_Dard_Aashna_]

Dil_E_Veeran

mujhey khabar hai
tumharee Aankho'n main jo chupa hai
tumharey chehrey pai jo likha hai
lahoo jo har aan bolta hai
mujhey bata do
aur apney dukh sey nijat pa lo

[_Dard_Aashna_]

Dil_E_Veeran

Tum uss dard sey guzrey ho naa-n
Woh rutt , jis mein jal jaati hein aankhein....
Tum per bhi guzri hey .....
Woh shabb , jo mahtaab sey tapkey
Aansoo ansoo , shabnam shabnam.... Woh shabb
Mujh per bhi utri hey
Woh din , jab gharian sou jaein......
Lamhey pather key hou jaein
Woh din tum nein bhi kata hey
Donoun key jismoon, rohoun mein
Yuksaan dukh ka sunnataa hey
Phir kion mujh sey poochtey ho tum ?
Meri palkein kion pur num hein ?
Aakher mujh ko kounsa ghum hey ?
Tum iss dard sey guzrey hoo naaa-n ?

[_Dard_Aashna_]

Re: Dil_E_Veeran Ki Diary Sai Intekhaab .

Jaise kanch ki chooreyyan haseeen hotee hain

Khuwaab bhi dil-nashin hotey hain

Jaise kanch ki chooreyyan kallaeyyoon mein sajti hain

Khuwaab bhi palkoon mein sajtay hain

Jaise kanch ki chooreyyan gungunaatti hain

Khuwaab bhi dharkan ka sur ban jatay hain

Jaise kanch ki chooreyyan larkeyo ka zaivar hain

Khuwaab bhi larkeyo ki ankh ka kajal hain

Magar janaaa'n !!!!!!!!!!!!

Jaise kanch ki chooreyyan toot jaati hain

Aur kircheyyan kallaeyyoon mein chubh jati hain

Khuwaab bhi tu bikhar jate hain

Aur ansoo ban kar ankh mein utar ate hain
Dekho tu kanch ki chooreyyan
aur Khuwaab

Donoo kitne milte julte hain

[_Dard_Aashna_]

Re: Dil_E_Veeran Ki Diary Sai Intekhaab .

sub maya hai sub dhalti phirti chaya hai
is ishq main hum nay jo khoya jo paya hai
jo tum nay kaha hai faiz nay jo farmaya hai
sub maya hai

maloom humain sub qais mian ka qissa bhi
sub aik say hain yeh ranjha bhi yeh insha bhi
farhaad bhi jo ek nahar si khod kay laya hai
sub maya hai

jis gori par hum aik ghazal hur shaam likhain
tum jantay ho hum kyonkar uska naam likhain
dil uski bhi chokhat choom kay wapis aaya hai
sub maya hai

woh larki thi jo chaand nagar ki raani thi
woh jis ki alhar aankhon main hairaani thee
aaj usnay bhi paighaam kisssi ka bhjwayahai
sub maya hai

jo log abhi tak naam wafa ka laitay hain
woh jaan kay dhoka khatay, dhoka detay hain
haan thonk baja kay hum nay hukam lagaya hai
sub maya hai

[_Dard_Aashna_]

Re: Dil_E_Veeran Ki Diary Sai Intekhaab .

Suna hay ab kay woh udaas rehta hai,
Us se kaho kay woh udaas na ho Kion kay!
Us ki udaasi k sath,

us ki aankhain bhee Num num si lagtee hain,

Us k hont bhee Chup chup say lagtay hain,

Us k yeh chup hont or num aankhain,

Meree kamzori hain,

Us se kaho!

Woh udaas na ho,

Jo woh chahta hai,

mujh se lay lay,

Be shak Chahay mujhay na,

apne munn pasand sathi k sang ho jaye,

Kion kay!

Us k udaasi meree kamzori hai

[*Duaa*]

Re: Dil_E_Veeran Ki Diary Sai Intekhaab .

boht umda intikhaab hay dear ......