PinkRoseJust4U ka Intikhaab

[MOHSIN11]

Re: PinkRoseJust4U ka Intikhaab

AA
good vary good
mohsin rehman

[pinkrosejust4u]

Re: PinkRoseJust4U ka Intikhaab

Main Diya Hoon Toote Mazaar Ka
Sar-e-shaam Kiss Ne Jala Diya

Teri Berukhi Adaoon Ne
Mujhe Zarra Zarra Bana Diya

Naye Manzalon Par Pohanch Kar Bhi
Yahi Sochta Hoon Ke kis Tarah

Kin Rastoon Pe Mile Thay
Kin Raston Ne Bichaar Diya

Yeh To Apna Apna Naseeb Hai
Koi Mil Sake Ya Na Mil Sake

Na Ho Gham Zada Dil-e-Maharbaan
Phir Kya Howa Jo Bula Diya

Mera Hum Safar Zara Soch Ley
Teri Ratoon Ka Khalus Honn
Tere Samne Jo Bicha Diya

Rahey Umar Bhar Jisey Dondatey
Who Mila To Usse Ghawa Diya

[Aarzo]

Re: PinkRoseJust4U ka Intikhaab

wow really nice sharing

[pinkrosejust4u]

Re: PinkRoseJust4U ka Intikhaab

Meri Dharkan Se Dil Ka Dharkna Mangoge
Ek Din Tum Mujhse Mera Pyaar Udhar Mangoge

Main Voh Phool Hoon Jo Tere Chaman Se Na Niklega
Apni Veeran Zindagi Ke Liye Bahar Mangoge

Farsh Ta Arsh Ajal Aur Abad Sab Dekhenge Manzar
Beete Huei Har Lamho Ka Tum Azaab Mangoge

Abhi Dekha Hi Kahan Hai Tumne Meri Muhbbat Ka Asar
Tum Mujhe Ulfat Main Apni Shamo-o- Sahar Mangoge

Behtar Hai Waqt Se Samjhuta Kar Lo
Guzre Waqt Se Phir Kaisay Apna Hisab Mangoge

[pinkrosejust4u]

Re: PinkRoseJust4U ka Intikhaab

wow really nice sharing

Thnx Arzoo
wel eik baat poochun ap ho kis ki arzoo :p

[pinkrosejust4u]

Re: PinkRoseJust4U ka Intikhaab

dilnashiN zindgi Dilrubaa zindgi
Bemurawat badi bewafa zindgi

maine socha bahut phr bhi samjha nahi
maut se ye tera silsila zindgi

nafrateN dushmani sarhadeN dooriyaaN
aisi baatoN meiN rakha hai kya zindgi

haath tera jo choota to sab chut gya
mujh se cheenegi ab aur kya zindgi

gham hi jin ka muqddar hai un ke liye
maut se bhi badi bad dua zindgi

ya kahiN to hai khushiyoN ki barsaat si
hai kahiN dard ki intiha zindgi

[pinkrosejust4u]

Re: PinkRoseJust4U ka Intikhaab

Dosti ko maat mat kar dosti k naam par,
Is tarah ki baat mat kar dosti k naam par

gar bharosa uth aya hai haath mera chhod de
talkh yooN jazbaat mat kar dosti k naam par

mujh pe pehle hi zamaane bhar k haiN ehsaaN bahut
aur ehsaanaat mat kar dosti k naam par

dosti se hi yakiN apna na uth jaye kahiN
paida woh haalaat mat kar dosti k naam par

mujhse koi baat kar khoti khari achhi buri
haaN magar kuchh baat mat kar dosti k naam par

dosti ehsaas hai ehsaas rehne de usey
behas yooN din raat mat kar dosti k naam par

[pinkrosejust4u]

Re: PinkRoseJust4U ka Intikhaab

jahaan mein nahi ek tu tanhaan, tanhaan aur bhi hain,
abhi manzilein aur bhi hain, kaarwaan aur bhi hain.

jo rah-e-ishq mein saath chalne ki Qasam khayi hai,
abhi mushkilein aur bhi hain, kehkashaan aur bhi hain.

sukoot-e-raah karti hai har pal ka tazkirah,
abhi istefsaar aur bhi hain, khamoshiyaan aur bhi hain.

ae dil na ghabra jahaan mein hujuum-e-tanhayee se,
abhi dasht aur bhi hain, viraniyaan aur bhi hain.

bayan-e-raqeeb ka zara bhi aitbaar na karna,
abhi afwaahein aur bhi hain, gumaan aur bhi hain.

hadd-e-nazar mein nahi manzil to hiraas kya,
abhi nawrdee aur bhi hain, awargiyaan aur bhi hain.

yun pashemaan na ho, hausalah-e-dil banaye rakho,
abhi gilay aur bhi hain, rusvaaiyaan aur bhi hain.

hosh ka vasta de k meh (Sharab) se mahroom kiya saaki ne,
abhi mehkada aur bhi hain, sagar-o-meena aur bhi hain.

dil-e-maftoon ko saja-e-maut ka ranj nahi koi,
abhi hukm aur bhi hain, farmaan aur bhi hain.

maut ko muqaabil dekh kr yun khush na ho "Asim",
abhi gardish-e-dauraan aur bhi hain, tufaan aur bhi hain.

[pinkrosejust4u]

Re: PinkRoseJust4U ka Intikhaab

Sakoot-e-jaan ka matlab batado phir chalay jana
Ya phir sargoshian dil ki suna do phir chalay jana

Jo mera aur tumhara waqt guzra hansnay ronay mai
Usay puri tarha se tum bhulado phir chalay jana

Ye saray pair poday tum bin kai raat jagay hai
Tum aakay ek baar inko sulado phir chalay jana

Kisi ko chahne ka aur kisi se chahay janay ka
Jo hai ahsaas tum usko bhulado phir chalay jana

Bus ik murda hansi se apnay ashko ko chupanay ka
Jo fun aata hai tum ko, wo sikhado phir chalay jana

Wo jo ik lafz-e-ulfat hai, juda hai apnay maani se
Bus in alfaz-o-mani ko milado phir chalay jana

Jo kehte kahte ruk gaye, un sari bato ki
Sama'at ko talab hai wo suna do phir chalay jana

Na janay q hai lakin dekhne ki tum ko aadat hai
Meri ye be-waja aadat chura do phir chalay jana

Merey in roz-o-shab ka ek fakat unwan bus tum ho
Mujhe tum doosra unwan lado phir chalay jana

Pyar ki koshish, ay KHUDA, na jaye raigan
Mujhe is sabr ka kuch phal dila do phir chalay jana..

[pinkrosejust4u]

Re: PinkRoseJust4U ka Intikhaab

zGham ko chupaanay ki aadat si hai mujhe...!

Khud ko sataane ki aadat si hai mujhe...!


Jaan le na koi haal-e-dil is dar se...!

Bewajha muskurane ki aadat si hai mujhe...!


Youn to tere dar se namuraad lauta hoon...!

Qismat ko aazmaane ki aadat si hai mujhe...!


Mein jantaa hoon ke too laut kar na ayegaa...!

Dil ko behlaane ki aadat si hai mujhe...!


Chaand gham na kar mein bhi tera saathi hoon...!

Ke ratjagae manane ki aadat si hai mujhe...!


kabhi to woh bhi sochain ge acha nahi hua...!

Khush fehmian jagane ki aadat si hai mujhe...

[crying eyes]

Re: PinkRoseJust4U ka Intikhaab

NICE SHARING PINK ROSE JUST 4 U.


_________________

Main jis ki Ankh ka AANSOO tha usne Qadar na ki
Bichkar gya to ab reait se uthaye mujhe ,

[pinkrosejust4u]

Re: PinkRoseJust4U ka Intikhaab

Phir Kisi Yaad Ne Shab Bhar Hai Jagaya Mujh Ko
Kiya Saza Di Hai Mohabat Ne Khudaya Mujh Ko

Din Ko Aaram Hai Na Raat Ko Hai Chain Kabhi
Jaane Kis Khaak Say Qudrat Ne Banaya Mujh Ko

Dukh Toh Ye Hai Ke Zamaney Mein Miley Gair Sabhi
Jo Mila Hai Wo Mila Ban Ke Paraya Mujh Ko

Jab Koi Bhi Na Raha Kandha Maire Roney Ko
Ghar Ki Deewaron Ne Seenay Say Lagaya Mujh Ko

Yoon To Umeed-e-Wafa Tum Say Nahin Hai Koi
Phir Charaghon Ki Tarah Kis Ne Jalaya Mujh Ko

Bewafa Zindagi Ne Jab Chor Diya Hai Tanha
Mot Ne Piyar Say Pehloo Mein Bithaya Mujh Ko

Wo Diya Hoon Jo Mohabat Ne Jalaya Tha Kabhi
Gham Ki Aandhi Ne Sar-e-Shaam Bujhaya Mujh Ko

Kaisey Bhoolon Ga Woh Wasl Ke Lamhey
Yaad Aata Raha Zulfon Ka Hi Saaya Mujh Ko

[pinkrosejust4u]

Re: PinkRoseJust4U ka Intikhaab

Asalam'O'Alaikum!!

Howz u all??? Well I hv came back........

[pinkrosejust4u]

Re: PinkRoseJust4U ka Intikhaab

Tanha Hoon.......

[pinkrosejust4u]

Re: PinkRoseJust4U ka Intikhaab

Ussay Kehna....................