PinkRoseJust4U ka Intikhaab

[aquari]

Re: PinkRoseJust4U ka Intikhaab

Thnx lekin kuch baton ka jawab ankhon se toh dia ja sakta hai na

ha bilkul ..pr koi ankhoo ki zuban samjheyy bhi tuu

[pinkrosejust4u]

Re: PinkRoseJust4U ka Intikhaab

zaberdast.....:clap:

Thnx mem waise hum dono per bht ziada suit kerti hai ye poem

[aquari]

Re: PinkRoseJust4U ka Intikhaab

Thnx mem waise hum dono per bht ziada suit kerti hai ye poem

u r absolutly right :thmbup:

[pinkrosejust4u]

Re: PinkRoseJust4U ka Intikhaab

Taraash ke mere baazoo uraan chorh gaya
Hawa ke pass berahna kaman chorh gaya

Rafaqaton ka meri usko dhyan kitna tha
Zameen leli mager aasman chorh gaya

Ajeeb shakhs tha barish ka rung dekh ke bhi
Khule dareeche pe ik phool daan chorh gaya

Jo baadlon se bhi mujhko chupaye rakhta tha
Barhi hai dhoop tou be-sayeban chorh gaya

Nikal gaya kahien andekhe panion ki taraf
Zameen ke naam khula baadban chorh gaya

Uqaab ko thi garz faakhta pakarne se
Jo girr gayi tou yunhi neem jaan chorh gaya

Najane konsa aaseb dil mein basta hai Ke
jo bhi thehra woh makan chorh gaya

Aqab mein gehra samnder rahe saamne jungle
Kiss inteha pe mera meherban chorh gaya

[pinkrosejust4u]

Re: PinkRoseJust4U ka Intikhaab

Dil main phir dard howa dair talak

Na mili iss ko dawa dair talak

Mein nay khoshboo ki haqeqat poochi

Phool khamosh raha dair talak

Tum nay to sirf suna hee ho ga

Mein nay jo dard saha dair talak

Shab ko phir mein nay sulgata paya

Mun ka khamosh diya dair talak

Uss nay kuch aur kaha tha shayed

Mein nay kuch aor suna dair talak

Uss nay poocha k mujhe yaad kiya?

Mein nay tab hans k kaha dair talak

Janay wala nahi ek pal bhi ruka

Aks aankhoon main raha dair talak

Maslahat reh gaee hontoon pay Asim

Rooh main shor macha dair talak

[pinkrosejust4u]

Re: PinkRoseJust4U ka Intikhaab

Tum ne Poocha ha ke
Dukh kia hota hai
To Suno! ...........
Aisa Karna
Kabhi kisi ko chahna
or Chahate hi rehna
Din bher us ko sochte hi rehna
Apne haath ki lakeeron main us ka naam tarashte hi rehna
or jab kabhi woh
in Riyazaton ka hisaab mangne ke liey
samne aaey to ........


Tum "ANAA" ka hath thaam lena
Ager woh kuch kahey to
Muskura ker Anjaan ban jana
Or jab woh Mayoos Ho ker lout jaey to
Apne ander Jhankna,,, or
Khud se pooch na ......
Tab tumhara dil tumhain bataeyga ,,, Ke
Dukh kiss ko kehtey hain
or
Dukh kia hota hia!!!!!!!!...........

[pinkrosejust4u]

Re: PinkRoseJust4U ka Intikhaab

Azal say hai mohabbat mavara lafzoon ki mala say

Mager yeh bhi haqeeqat hai

Mohabbat soch k akash per badel ki sorat main ,

Sada parwaz kerti hai

Kabhi barish ki bondoon main simatt ker dil ki dharti per,

Utarti hai............Bikharti hai

Ada lay ker saba say yeh , gulaboon say mehak lay ker

Dhanak say rang lay ker aor sitaroon say chamak lay ker

Haseen aanchal banatee hai

Issi anchal say phir khawaboon kay kachay ghar sajatii hai

Mohabbat aazmati hai

Kabhi yeh shair ban ker lafzoon ki hurmat badhati hai

Kabhi yeh saz ban ker dheeray dheeray gungunati hai

Sarapa aankh ban jati hai yeh mehboob ko pa ker

Anokha lams ban jati hai koay yar main ja ker

Na janay kon sa manter yeh padh ker holay holay say

Kisi ki band palkoon main bina dastak diyey yaqdam

Uttar ker ghar banati hai...............Mohabbat muskurati hai,

Yeh khushboo hai hamesha phool ki sansoon main hoti hai

Bana day chand, teera shab ko jo yeh aisa motii hai

Kasak hai daiieme iss main bohat baynaam lazat hai

Mohabbat ki yahi tareef hai k yeh Mohabbat hai

[Shiza422]

Re: PinkRoseJust4U ka Intikhaab

:rose ASSALAM U ALIKUM:rose
BOHAT HI ACHI HAY AP KI YE SHARING.
HAMESHA kHUSH RAHAIN AMIN

[Shiza422]

Re: PinkRoseJust4U ka Intikhaab

[quote=pinkrosejust4u;409250]
VERI NICE.

[pinkrosejust4u]

Re: PinkRoseJust4U ka Intikhaab

[quote=Shiza422;409258]

VERI NICE.

Thnx for you comments:)

[pinkrosejust4u]

Re: PinkRoseJust4U ka Intikhaab

MOHABBAT hai.......

Thatharti aabsharoon main bichi thandi hawa sehna

Shaboon k gunbadoon main goonjati baychainyoon k darmayan rehna

Her ek mosam ko apnay androoni mosamoon ki zad main lay aana

Kabhi mil k kisi say

Bay khabir , aadhay samunder tak safer kerna

Kabhi tanha kisi sahil pay aa k dair tak lehroon ko ginana

Aor khala main dekhtay rehna Muhabbat hai

Kisi khoay howay ko ghair iradi toor per

Her aajnabi chehray main akser dhoondatay rehna.

Hamesha bay khayali main

Kitaboon , chand taroon , badloon per.

Uss k barey jhilmilati baat likh daina.

Ya phir likh k mita daina

Kabhi rangoon ki lehroon per

Ussay bay soot hontoon say sada daina

Sada ko bazgasht aor gonj main dhal ker

Khalaoon say tahi damin paltay dekhna

Aor phir sada daina

MOHABBAT hai.......

Mein kia likhoon

Kabhi aisa bhi hota hai

Bohat hee rooth ker

Naraz ho ker

Napasandeeda khayaloon

Nafratoon ki aoot say

Ya mukhtalif heeloon bahanoon say

Kisi ko jhankatay rehna

Kisi ko sochatay rehna

Woh manay ya na manay bas ussay likhna ussay kehna

MOHABBAT hai.......

[pinkrosejust4u]

Re: PinkRoseJust4U ka Intikhaab

Woh bohat door say aaya tha ,

Kisi anjan nager say...........

Uss k pass kuch sunahray alfaz thay uss ki kul kayinat , kul assasa

Rang barangay,badloon jaisay, titli k paroon jaisay alfaz

Her lafz apnay ander maani ka jahan liyey howay tha,

Mafaheem ki lughat seenay main chupaey

Lekin , uss k lafzoon main lahoo ki mehak sab say namaya thi

Mager yeh laho uss ka apna nahi kisi aor ka tha

Woh mujh say mila to chonk uttha

Lagta hai tum say pehlay bhi mulaqat kahin ho chuki hai

Uss ki aankhein goya thein

Meri aankhoon ki zuban khushk patay jaisi ho gaee

Tab uss nay apnay lafzoon k khazanay main say aik lafz bahir nikala

Aor mujh ko sonap diya

Mein nay jaldee say palkoon ki jhalar main uss lafz ka sitara atka liya

Woh lafz khoob soorat, chup chap bolta howa tha

Jantay ho, woh lafz kia tha ?

Woh lafz tha Mohabbat

Mujhay woh lafz day ker apni dunya main loat gaya,

Palat ker dekha bhi nahi

Aor mein rastay main thak ker so gaya

Suno , .............

Log rastay main thak har ker so janay waloon ko pagel kion kehtay hain

[pinkrosejust4u]

Re: PinkRoseJust4U ka Intikhaab

dharkan k zero bum ko sunwara tha aur bus
kaghaz pay dil ka bojh utaraa tha aur bus

Bus itna janta hoon kay aawaz uss ki thi !
Itna pata hai , uss nay pukara tha , aur bus

Dunya ki fiqar kia thi , zamanay ka khoaf kia ?
Hum ko faqat khayal tumhara tha , aur bus

Logoon nay ussko meri mohabbat samajh liya
Woh mujh ko jaan say payara tha , aur bus

[pinkrosejust4u]

Re: PinkRoseJust4U ka Intikhaab

Hamara dil saveray ka sunehra jaam ho jaye
chiraghoon ki tarah aankhain jalain jab shaam ho jaye

kabhi tou aasman se chand utray jaam ho jaye
tumharay naam ki aik khobsurat shaam ho jaye

ajab halaat the youn dil ka sauda ho gaya aakhir
mohabbat ki hawaili jis tarah nelaam ho jaye

samandar k safar main es tarah aawaz de humko
hawayain taez hun aur kishtiyoon main shaam ho jaye

muje maloom hai ous ka thikana phir kahan ho ga
parinda aasman choone main jab nakaam ho jaye

ujalay aapni yaadon k hamaray saath rehne do
na jaane kis gali main zindagi ki shaam ho jaye

[*Rida*]

Re: PinkRoseJust4U ka Intikhaab

Tum ne Poocha ha ke
Dukh kia hota hai
To Suno! ...........
Aisa Karna
Kabhi kisi ko chahna
or Chahate hi rehna
Din bher us ko sochte hi rehna
Apne haath ki lakeeron main us ka naam tarashte hi rehna
or jab kabhi woh
in Riyazaton ka hisaab mangne ke liey
samne aaey to ........


Tum "ANAA" ka hath thaam lena
Ager woh kuch kahey to
Muskura ker Anjaan ban jana
Or jab woh Mayoos Ho ker lout jaey to
Apne ander Jhankna,,, or
Khud se pooch na ......
Tab tumhara dil tumhain bataeyga ,,, Ke
Dukh kiss ko kehtey hain
or
Dukh kia hota hia!!!!!!!!...........

kia baat hai