Bas Aik Pal Ka Intikhaab

[Bas Aik Pal]

FaQat Pehlu Badalne Se RafaQat Kam Nahi Hoti
Magar Phir Bhi Na Milnay Ki Aziyat Kam Nahi Hoti

Jahan Koi Bichar jaaye Wahin Per Us Ki Manzil Hai
Kisi Ke Saath CHalne Se Musafat Kam Nahi Hoti

Ta'Alluk Main Ajab Husn-e-Tawazun Kaar Farma Hai
Talab Had se Nahi Badhti Zaroorat Kam Nahi Hoti

Visaal itnay Guzaar Aaye Hain itne Hijr Jhelay Hain
Magar Phir Bhi Nigah-o-Dil Ki Wahshat Kam Nahi Hoti

Hamare DukshamoN Main Chahne Walay Bhi SHamil Hain
So Hum jis Haal Main Bhi Hon Muhabbat Kam Nahi Hoti

Hazaron Aks, Apna Johar-e-Pindar Kho Baithay SaHiL
Magar is Aaina Khaane Ki Hairat Kam Nahi Hoti

[Salauddien Mengal]

Re: FaQat Pehlu Badalne Se RafaQat

nice..................

[*Hala*]

Re: FaQat Pehlu Badalne Se RafaQat

Welcome to pegham :rose
buht achi hai ...thnks share ki liyee

[Bas Aik Pal]

Kuch Wisal Akhir Tak Mutabar Nahi Hotay!!

Kuch Wisal Akhir Tak Mutabar Nahi Hotay!!
Sath Chalnay Valay Bhi Hamsafar Nahi Hotay

Tu humare qurbat sai kitna hi guraiza ho
Hum teray thikanai sai bekhaber nahi hotay

Kuch kahay bina akser bolti hai aankhen
Guftughou k sab lamhay hurfgar nahi hotay

Kitna khoof hota shaam k aandhairay mai
Pouch in parindou sai jin k ghar nahi hotay

Umar bar nahi milta wapse ka darwaza
Aagahi k zindah mai bam-o-dar nahi hotay

Ishq mai kya ruhi bewajood kya donou ko
Tum idhar nahi hotay hum udhar naho hotay

[aquari]

Re: Kuch Wisal Akhir Tak Mutabar Nahi Hotay!!

Kitna khoof hota shaam k aandhairay mai
Pouch in parindou sai jin k ghar nahi hotay

bauht khoob ...:thmbup:

[Bas Aik Pal]

kabhi tumne ye socha hay

kabhi tumne ye socha hay
kabhi tumne ye dekha hay
k lafzon main
k lafzon se tasaadum kaise hota hay
tabaahi kaise aati hay
wohi alfaaz jo do piyaar karne waalon main ta'aluq jorrtay hain
dilon main rabt rakhtay hain
or aisa rabt, ik doojay ki khaatir jaan bhi de den
wohi alfaaz kaise sholay ban kar dehshaton ka raqs karte hain
wohi alfaaz kaise zeher ban k aik aik rag main utartay hain
bharay shehron ko sannaatta nigal leta hay
behnen bayn karti hain
pahaarron se jawaan bhai
unhi lafzon ki talwaaron se gardan kaatt lete hain
to maayn aasmaan sar pe utthaati hain
yahi alfaaz maaon k labon se jab duaa ban k ubharte hain
farishte kaanp jaatay hain
yahi alfaaz phir ALLAH ki rehmat main dhalte hain
hamaaray din badalte hain
to phir ye sochna hoga
to phir ye dekhna hoga
k ye alfaaz khud qaatil nahi hotay
k ye alfaaz khud andhay nahi hotay
ye alfaaz khud zaalim nahi hotay
magar hum bolnay waalay hi rasta bhool jaatay hain
magar hum bolnay waalay hi aankhen phorr lete hain
baseerat se
diyaanat se
sadaaqat se
muhabbat se
ta'alluq torr lete hain.....

[Bas Aik Pal]

Re: FaQat Pehlu Badalne Se RafaQat

nice..................

Thanks A Lot

Welcome to pegham :rose
buht achi hai ...thnks share ki liyee

Thank You :phool:

[Bas Aik Pal]

mujh ko shikwa hai

mujh ko shikwa hai meray bhai keh tum jaate hooay
le gaye sath meri umr-e ghuzishta ki kitaab
is mein tau meri bohut kimati tusweerien thein
is mein buchpun tha mera, aur mera aihd-e shabab

is ke badle mujhe tum de gaye jaate jaate
apnay ghum ka yeh dumakta hua khoon rung golaab
kya karoon bhai, yeh aizaz mein kyoon ker pehnoon
mujh se le lo meri sub chaak qamizoon ka hisaab

aakhri baar hai, lo maan lo ik yeh bhi sawaal
aaj tuk tum se mein lota nahin mayoos-e jawaab
aa ke le ja'o tum apna yeh damukta hua phool
mujh ko lota do meri umr-e ghazishta ki kitaab

(Faiz had written this upon the death of his brother.)